[فــهـد]

بسم الله الرحمن الرحيم

مساء الخير .. مساء الزعامه والزعماء ..

نعم .. أنت من قتلت كرة زعيمنا داخل الملعب يا[ محبوب الملايين ] ..
هو أنت يا [ طارق التايب ] ..

كلنا معك .. أنت أفضل لاعب مهاري على مستوى الشرق الأوسط إن لم يتعد ذلك .. ولكن !!

الهلال وبكل أسف .. يفتقد لأبسط أساسيات الكرة .. والسبب .. [ طارق ] !!

افتقدنا من خلال السنتين الماضية .. عنصر الهجمة المرتدة .. ما إن نصل لمرمى الخصم حتى نجد الفريق المقابل قد تكتل في مرماه .. إذا نسبة الهدف قلت

وكذلك افتقدنا لسرعة التمريرة التي ترهق الخصم [ الميزة لأفضل لنادي الشباب ] بحيث ترهق الخصم بالإضافة إلى تشتيت دفاعهم أيضا ..

فصرنا نشوف [ حبيبكم ] طارق .. وكانه الوحيد الذي يستطيع أن يمسك كورة فتجده [ يلاحق ] اللاعبين .. ويطلب منهم الكورة .. ومن ثم تبدأ [ الفلسفة ] وتبدأ هجمة الهلال تختنق بينما [ ابونادين ] يحاول يجيب كبري ..

وفي لحظة يفشل [ طارق ] لتتسبب في هجمة مرتدة .. قد تكون هدف وقد يبدع حينها الأخطبوط [ ابوعبدالعزيز ] أو قلب الأسد [ اسامه ] .. ويستر ربك !!

...

ليش ما نشوف الكرة السريعة بنادي الهلال ؟؟
ليش ما نشوف المرتدة بنادي الهلال ؟؟

مع إننا نملك أقوى خط وسط .. لكن !! [ التايب ] له رأي آخر ..

[ طارق ] .. أرحل فنحن أولى بفريقنا منك !! أبدعت قدمت مالم يقدمه غيرك من [ الكباريات والأنفاق ] كنت الأفضل في الـ[ باص عيون ] ولكن .. نحن بحاجة إلى ما أكبر من ذلك يا [ طارق ] ..

********

على فكرة .. الهلال يعاني من 4 أشياء رئيسية

1. الهجمة المرتدة السريعة.
2. سرعة التمرير.
3. الإنتشار السليم.
4. الضغط على حامل الكرة.

صدقوني لو نحل هالأربع أشياء الهلال بألف خير .. وأوعدكم بالآسيوية

لكن ..[ طارق ] سبب [ نصف ] مشاكل الفريق هذا الموسم !!

من ناحية الإنتشار السليم .. نشوف الفريق كل ثنين جنب بعض !
أو تشوفه يناول ويرجع ورى
ليش ما تسلم وتفتح .. تشوف خويك مستلم كورة اطلع معه .. مب لازم يناول لك .. لكن على الأقل يمكن تسحب مدافع معك .. أو حتى تشتت ذهن الدفاع فتخليها ما يدري وين بيناول ..

أما الضغط على حامل الكرة .. فهذي قصتها قصة [ ويتميز فيها نادي الإتحاد ] ما شفت هالموسم أو حتى اللي قبله أي ضغط على حامل الكرة .. تشوف إذا جت هجمة على اللاعبين اللاعب يرجع ورى .. وإذا وصل لنص ملعبنا راح عليها وفريقهم وقتها انتشر بيصير عنده خيارات كثيرة يناول فيها أو يعطي فيها أوفر ..

لكن ما أٌقول الا الشكوى لله ..


كفاية هالكلام .. الزبدة .. إن طارق لازم [ ينكرش من النادي ] خلاص كفاية تعذيب لـ[ متعة الهلال ] اللي من فترة ما شفناها ..


وآه يا ياسر على فكرة .. اللي يقول ياسر نزل مستوى غلطان ..
أكبر سبب خلى ياسر يعزف عن التهديف .. هو إنه وحيد .. فيكون ملزوم عليها يستلم الكور اللي على اليمين واليسار وفوق كذا اللي تجي من العمق .. يعني قمة الإرهاق قمة التشتيت .. وفوق كذا ما نشوف لاعبين من الوسط يساند داخل الصندوق وقت الهجمة الا نادراً .. وغير إن لعب الهلال دائما ما يكون على الأطراف وخارج الصندوق ..

وبيني وبينكم .. مباراة المنتخب مع كوريا .. 10 / 6

بالتوفيق
فٌٍـُِهًًًدٌٍُ