[شامخ بعز هلالي]

فيني بداية وقت ونهاية أزمان .....أشتاق باكر وأعطي أمسي حنيني.

لو كان الهلال ناطقا لقال البيت الفائت!!

قبل أن أعتصر مشاعري وأرشق افكاري حول أسباب محصلة الهلال اليتيمه في الموسم الفائت,,,,,, لا بد من سرد المطبات اللتي واجهها الهلال لنكون منصفين في تقييمنا للمرحله الفائته وهي كفيله بشرح تواضع نتائج الفريق الهلالي.

المطبات الثلاثه (مطبات تندرج تحت بند العيار اللي ما يصيب يدوش!!):

1.ايقاف التائب:
لاحظ ان الايقاف أثر تأثير كبير على لياقة التائب والكل لاحظ لياقة التايب المهترئه من رجع الى نهاية الموسم (يبدع قدام الاتفاق لبطئ لعيبته , مع لعيبة الشباب ما ياكل عيش معهم).

يعني نص الموسم التايب مايلعب والنص الثاني كان الايقاف مأثر عليه تأثير سلبي هذا غير كبر سنه.

2.طرد كوزمين:
الفريق كان مرتكز على ركن كوزمين .....حين أبعد كوزمين ترنح الهلال وخسر كل المسابقات اليي شارك فيها.

أنا لي رأي مخالف لكثير من الجمهور في كوزمين وهو كالاتي:كوزمين نكب الهلال لسبب ألخصه بجمله بسيطه "الهلال في عهد كوزمين لما يكسب الثلاث نقاط ما كان يفوز الهلال ,,,,كوزمين كان يفوز!!!".شيل كوزمين وشف وش يصير بالهلال؟.

هذا المطب يندرج تحته أشياء كثيره تبتدي بتركين الشلهوب على جنب الى تجاهل لاعبين فئة الشباب والقائمه تطول والمجال لا يتسع لسردها.

3.ياسر القحطاني وحالته النفسيه اللي صاحبته في الفتره الاخيره.

بعد المعضلات الثلاثه اللي ذكرتها ....كان صعب جدا جدا على الهلال انه يستمرفي التقدم وهو يأن تحت وطأة المعضلات الثلاثه.

غير ان ويليهامسون كان تكملة عدد وماكان من نوعية اللعيبه اللي بفريق كامل مثل يوسف الثنيان او تشيكو الاتحاد او روماني النصر عام 97م ما يذكرني اسمه حاليا.

أضف الى ذلك المقلب الكبير سوول<<<< ودي أطيحه من فوق سلم طائره ويتكرفس الين يطيح بالمدرج....بالله اطلالته الكريهه ما تشبه اطلالة الصيني اللي جالس جنب محمد هنيدي في الطائره بفيلم فول الصين العظيم!!!


أخيـــــــــــــــــرا:

في المرحله القادمه أتفائل بفكر عبد الرحمن بن مساعد الاستراتيجي وهو رجل يجيد قراءة الصوره العامه لوضع الفريق ومن ثم تمحيص كل الدقائق في تركيبة الفريق,,,,,,,, ما أخشى عليه الا من حظه (الشعراء حظهم دايم مكسر).