27/05/2009, 05:12 PM
|
| زعيــم جديــد | | تاريخ التسجيل: 04/05/2008
مشاركات: 4
| |
على بلاطه شاء من شاء وابى من ابى!!! ارجوك ادخل وبرد
نعم انتهى المشوار.. شر نهاية وعلى يد من؟ (ام صلال) صدق او لا تصدق! عبد الرحمن بن مساعد يقول نهاية الموسم حاسبوني... لن نحاسبك وحدك سنحاسب كل من ينتمي لهذا الكيان.. تعالوا من البدايه: 1-التعاقد مع كريستيان فلهامسون كان اكبر غلطه من البدايه تقول لي ليش انا اقول لك كريستيان لاعب ممتاز لكن هناك في السويد والمناطق البارده يعطيك مستوى اما انك تجيب لي لاعب مايعرف العرق ولا الحر بمبلغ خرافي ويطلع منه هاالاداء لا والله حدك! هو صحيح قدم مستوى لكن قدام من؟ قدام النصر والاتفاق والفرق الدرجه الثانيه وين ويلي امس ووينه امام الاتحاد ووينه امام الشباب. هل من المعقول ان احضر لاعب بــ 50 مليون ريال ولا يظهر باي من المباريات الحاسمه.(لا ومضيع بلنتيين قدام فريق واحد). 2-بعد طرد كوزمين المفروض ان الاداره حاولت تشيل من راسها فكرة انه كوزمين انطرد وبدات بتوعية الجمهور واللاعبين بانه (الضربة اللي ماتموتني تقويني) لكن للاسف بعد كل مباراة نخسر فيها يطلع لنا الرجال وحنا مرينا بظروف وكوزمين انطرد!! ياناس ملينا هالعذر علموني بالله متى قد طلعت الادارة وتحملت اي من الهزائم. 3-من بعد طرد كوزمين لنا الان 4 اشهر وحنا مبهذلين بين مدرب رايح ومدرب جاي لا والعلة كل اللي جو ماعندك احد. طيب الاتحاد الموسم اللي طاف بعد ما خسر الدوري قشع المدرب وجاب كالديرون في خلال 5 ايام فقط وطقنا بــ 6 اهداف وتاهل للنهائي شفت الفرق بين الحالتين! الفرق انه اللاعبين حطوا براسهم ان كوزمين هو الهلال وبدون كوزمين مافي بطولات والاداره طعمت عقلياتهم بالشي هذا حتى صار الفريق شبيه الهلال! 4-التعاقد مع سيؤول المخصص للاسيويه وش سوى بالله سواء بالاسيويه او المحليه ياخي حرام والله اللي يصير هذا الانديه الثانيه تعاقداتها كلها ماكلفت للاعبين اكثر من 10 مليون دولار.. واخص هنا متعب وبو شروان وحديدي ومن الشباب كماتشو وبوفيو والقطري واحنا لاعبين فقط كلفتنا 67 مليون ريال ليه؟ هنا يتضح عدم الدراسه الكافيه للاعبين واستثني رادوي لانه مقدم شي كويس. 4-اسباب اخرى اثرت تاثير كبير منها الروح الانهزاميه لدى الاداره واعطيكم مثل بسيط: العام يوم خسرنا من الاتحاد بالاربعة سئلوا بندر بن محمد>>>احترامي للرجل هل المهمه مستحيله جاوب الامير مافي مستحيل ع الهلال. اما ادارتنا الموقره يوم يسئلونها بعد ثلاثية الشباب يقول والله اعتقد انه مافي امل!! ياخي شد همتك وقوي عزيمتك فهذا الكيان كامل يعتمد على الله ثم على رؤيتك. 5-صحافتنا الموقره اللي خلت نادينا يحوس وتفرغت بالتحريض والشحن ضد الانديه الاخرى ياخي اجلس مع نفسك واسأل نفسك هالسؤال من هو النادي اللي بالمملكه يحب جمهوره الهلال؟ لايوجد. طيب وس السبب؟ السبب ان صحافتنا ماخلت نادي لعبنا معه الا ونزلت فيه صلخ حتى اصبحت كل النوادي تفرح لهزيمتنا حتى خارجيا!! 6-اتمنى من الادارة ان تعرف شيئا مهما من التاريخ وان تستفيد من ماحصل لفريقي الاهلي والنصر عندما اهتموا في عقوداتهم بالمبالغ قبل المواهب وهاهم الان يحاولون العودة ويخسرون جماهيرهم شيئا فـ شيئا وان تنظر بعين الاعتبار في تخطيط وانتقاء الشباب والاتحاد اللذين يحصلون ع الاشادات من كل مكان ونحن مازلنا للاسف مكانك سر. 7-على الاداره وجميع من يهمه امر هذا الكيان النظر الى الموسم القادم بعين الاعتبار فكل الاندية بدات باستعدادت قويه ومدويه حتى الصاعد من الاولى القادسيه يتحرك في كل مكان. اخشى ما اخشاه ان تاتي الضربه الموسم القادم ويستمر التخبط الاداري وبعدها لن تقوم قائمة الزعيم. انتهى الكلام والملام... ان قسوت فهو لانني اغير على هذا الزعيم وان جاملت فانني اسعى لمصالح شخصية دمتم بـــــــــــــــــود... |
الوضع العادي
