[G I V E N C H Y]

بسم الله الرحمن الرحيم

السلام عليكم ورحمة الله وبركاته

حبايبي اعضاء شبكة الزعيم والله اللي حصل امس شي غير طبيعي وبصراحة اللي يتحمل الخسارة هو المدرب !!

يا ناااااااااااااااس والله ولا حق المخاطرة اللي خاطرتها امس .. والله اول مرة اتفرج مباراة الهلال لايف هنا في باكستان .. طبعا ماعندنا الا ابوظبي .. تخيلو اني طالع الساعة ١١ ونص في الليل لاننا كنا متجمعين عند واحد من الشباب وهذا كله لأجل الهلال طبعا هذي فيها خطورة كبيرة في ظل الاوضاع الامنية هنا .. لكن وللاسف لم ترق لنا المبارة ...

ابرجع لكم بعد شوي واتكلم عن المباراة .. للاني من زمان وانا انتظر تفعيل العضوية وهاهنا الان اكتب اول مواضيعي في شبكة الزعيم وبطلع اللي في قلبي من زماااااااااااااااااااااان !!

ولا تلوموني لان الكلام هذا كله من حبي لهذا الكيان العظيم ,,, فلولا توفيق الله وعمل كوزمين ودعم شبيه الريح لحقق الهلال جميع بطولات الموسم ..

نرجع للمباراة ونكبة الموسم لكن قبل البدأ في ذلك اقول :

شكرا شكرا شكرا يا ابن مساعد على كل ماقدمته لناديك ونحن معك قلبا وقالبا .. امض والله يحرسك
شكرا شكرا شكرا نواف بن سعد على بذلته من جهد مع شبيه الريح <<< ونعم العضد الايمن

بصراحة مباراة الامس ماكان فيها الا هوساوي والتايب
اما المباراة في مجملها بااااااااردة وما بردها غير مدرب الحظوظ يوم طلع ويلي اللي كان عامل شغل ممتاز في الجهة اليمنى ... لكن حصل ماحصل ويجيب الله خير

همسات للاعبي الفريق >>>

محمد الدعيع العملاق الكبير <<< فقد كنت دائما مصدر أمان للفريق ولكن الحظ لم يحالفك في ركلات الترجيح .

محمد نامي والله الهلال كبير عليك <<< حراج بن قاسم يدور عليك .

اسامة هوساوي ( ابو كلبشة ) وولد مكة <<< صخرة في دفاع الهلال وعسا الله يقويك

المرشدي ولد حايل <<< ايضا مصدر امان بجانب هوساوي لكن الفقشة مؤثرة عليك

الزوري <<< الدينمو البارد الذي يعمل في معظم فتراته

رادوي <<< دائما ثابت ولا يتغير .. بس سلامات بغيت تذبحلك واحد وعلى فكرة العربجة احيانا بيمدحونه

الغنام <<< اديت المطلوب منك وكثر الله خيرك

التايب آآآه يالتايب <<< تعجز الكلمات عن وصف ماقدمته وعلى قولة فارس عوض (( اتمنى اكون رئيس الفيفا يوم وألغي عنك الايقاف وأستقيل )) شكرا ابو نادين فقد ابدعت وامتعت .

سيول صاحب العيون الضيقة <<< اتمني اني اشوفك في باكستان ترانزيت وانت رايح لكوريا لانك فاقع كبدي .

الشلهوب <<< مع حبي لك .. فقد كان اهتمامك بالمان اكبر من الهلال

ويلي وما أدراكما ويلي <<< اعلم انه كان لديك الكثير ولكن الله يسامح اللي طلعك ..

ياسر <<< تمنيت انك تلعب المباراة كاملة ولكن .. للحكاية بقية

الصويلح <<< المحرقة

الحسيني <<< اتمنى انك ترجع مدرب لياقة لان مبارياتك كلها بتوفيق الله ومجهود اللاعبين وبعد ما طلعت ويلي عرفت انك ماااااااااااش

في النهاية شكرا لفريق الهلال ادارة ولاعبين وجماهير

فقد كان موسما ممتعا رغم الضروف

لكم وودي ووردي