[هلالى مضطهد]

1. تكفون ماابي احد يدقق على الاخطاء الاملايه لو سمحتو في كلام في خااطري .
   
2. انا اصفط واعتذر واكل هوواء في زحمه الرياض الجميله وطق وكلام من المارينز الى هم الامن الصناعي حق الملاعب وراز خشتي في المنصه وفرحان قبل المباره انا بندخل دور الثمانيه ولله مابقى الا اطلع قبل ماتبداء المباره علشان متاكد من الفوز على ام صلاله واخر شي اشوف الزوري والغنام وطويل العمر الله يحفظه ويرعاه ويحرسه من العين ياسر والفارس المغوار سيول يبدعون ويحفرون ويمتعونا بلمستهم السحريه والصويلح ياااخلق الله الصويلح مو مكانه في الهلال مكانه في سرقسطه يقلون نااقصهم واحد يحفر السطعش حتى لو هو داج الى متي الى متى ولله حرام هلال ياااخلق الله تعرفون وش الهلال لاتقولين كوزمين ولا تخربطون على روسنا من متى الهلال يوقف على مدربيااناس اسالك وقسم بالله حتى في الدوري اليمني انهم مايضفون سيول ولا الصويلح ولا الزوري ولا الغنام ياناس انتو تعرفون وش وجع القلب لا شفت شبح فرعون منطلق على قل سنع هذا هو الزوري سيول ياناس ولله سيول المفروض مكانه مطعم بخاري في النسيم هذا بالله انا مااقول الا حسبي الله على مدرب اكتشفه وصدره للكوره العالميه انه تلقونه ناادم كثر ندم الطيار الامريكي الى حذف قنبله هورشيما الغنام ولله يمدحون الشغل في السيارات بعد العصر ولله وانا اخوك انها ابرك من مطامرك ورى الكوره ماادري انت تحس انك تلعب كوره ولا تفتح باب استراحه وترجع مكانه بسرعه علشان مااحدن يجلس فيه الصويلح انا لو منك وانا صديقك تمسك عسكريتك واذا جاء اخر السنه تاخذ اجازه خاارجيه وتروح تقضيها في سومطره الاندومي يمدحونه في ذاك يااناس وربي اني اشوف لاعيبه جايبنهم من سجن الترحيل مو لاعيبه انا ليه ينحرق دمي ياااسمو الامير ياااشاعر ياامير الامراء تكفى وتكفى تهز الرجال عط ويلي جوازه وركبه طياران نااس ولله انها ارخص وطلع سيول على ميناه العقبه وركبه احى العبارات جعلها تغرق فيه وعلى ديرته لنه مو كفو يركب طياره والزوري وده عند احدى المطاوعه يقراء عليه يمكن يختفى والغنام سوق النسيم للسيارات وخله يبيع ويشتري في المعدات ابرك له والصويلح رجعو عسكريته وخلهم يحبسونه 800 سنه حبس عسكري يااميرنا يارئيسنا تكفى ارحمنا من المحسوبيات الى تصير في الهلال في لاعيبه ولله ثم ولله حتى دوري بلاي ستيشن ماينفعون وسلمتكم وانا اسف جدا
   
   
3. اعذروني من حر ماافي