27/05/2009, 04:41 AM
|
| زعيــم متواصــل | | تاريخ التسجيل: 12/05/2008
مشاركات: 123
| |
لا يأس مع الحياه ,, ولا حياة مع اليأس
السلام عليكم يامعشر بني هلال
الحمد لله على كل حال من الاحوال
اشوف المنتدى قالب فوق حدر بسبب الخساره ؟
سلاماات ..
اجل لو لاسمح الله صار الهلال مثل نادي الفقر
وش بتقولون
على فكره هي صحيح قهر تروح
بس برضوا
كل واحد بينه وبين نفسه
في عمله وشغله ولا ببيته
يوم يكون متضايق نفسيا يقدر ينتج شي ؟
انتم ماتقدرون جهد الاعبين طوال الموسم
ماتقدرون المصخره اللي صارت من اتحادكم السعودي ؟
وتطالبون شبيه الريح بترك المثاليه
لا هو خلوق من قبل يفكر بالهلال
ياجماعه كلام غير منطقي
لو فاز الهلال بالصدفه ماشفنا هالكلام
هذا حال الكوره
تعرفون تلعبون كوره ؟؟
تعرف وش يعني تدخل واعصابك محروقه
تعرف وش انك تعشق بيتك واجباري بيعزلونك عنه ؟
تعرف وش يعني تعب وارهاق وجهد و .. قوة نحس..؟؟
يا اخوان لايأثرون عليكم شوية مرتزقه برسائل جوال تافهه وسخريه بمواقعهم
الهلال اول نادي يتعرض لمهزله مثل هذي المهزله بتاريخ الكره السعوديه
ومع ذلك نافس على الدوري
وحقق بطولة ولي العهد
و اجتهد بكاس الابطال
واللي هزمه هو البطل
تعب نزف الدم من الاعبين عشان يوصلون للاسيويه
هل من المعقول انهم كارهين التأهل ؟
اغلبكم ردوده عاطفيه رد شخص زعلان
تصور نفسك مكان الحسيني
قالها من البدايه ,, انا مدرب لياقه مالي شغل ,,
كنتم راضين عنه بالثلاثيه
وش قلب الحال ؟
هو صحيح اخطاء خطاء فادح جدا بالتشكيله الجبانه هذي
بس برضوا مانهضم حقه
تخيل انت مدير لشركه
وبذلت جهد كبير في اول خمس او عشر سنوات لك
بحيث انك طورت هالشركه وتابعت تطويرها اول باول
وفي يوم من الايام اخطأت خطاء لا يحتم على الشركه الاغلاق او السقوط الى الهاويه
وبغير سابق انذار تطرد او تعفى من منصبك ؟
هذا مو ظلم ؟
يبقى الزعيم زعيم
حتى لو ماتاهل للاسيويه
ويبقى شبيه الريح امير الامراء وشاعر الشعراء ودكتور الاخلاق النبيله والنيه الحسنه
ويبقى سامي الجابر الاسطوره الجباره في عالم الكره العربيه
ويبقى ياسر افضل مهاجم في اسيا قاطبه
ويبقى نامي ,, كمثل يحمل اسفارا ,,
ويبقى ويلي الصقر الاشقر السويدي اللي يخدم الهلال بروحه
ياخي ما ادري شتبون بالضبط
تبونهم ياخذون رشاشات وينزلوا الملعب
<< معصب من المواضيع 
المطالبه باعفاء ومدري شنو
الخلل من طرد كوزمين واصابة الفريدي
والنيه النجسه لنادي الفقر ومايسويه خلف الكواليس
وعلى فكره يا اخوان
مو معناه اذا ما دخلنا الاسويه يعني ماندخل الجنه
الدعوه بطوله وراحت
والهلال بخزينته 48 بطوله يبطون حجر الحالمي وغيره الوصول لهذا العدد حتى لو بعد 10 سنوات
ومانقول الا ..
بالتوفيق للانديه السعوديه المشاركه
وحظ اوفر لاحلى جمهور واحلى نادي واحلى اداره
تحياتي  |
الوضع الشجري
