[بـن فهـد]

السلام عليكم ..




اكثر شي عور قلبي هو (( الجمهور الهلالي الكبير .. يطلع زعلان ))


للأسف .. اقولها وبكل حسره

اللي تبيه من أول الموسم ومركز عليه يا ولد مساعد (( ضاع ))

طلعنا من كاس فيصل وقلت (( نبي آسيا ))

طلعنا من كاس الملك وقلت (( نبي آسيا ))

خسرنا الدوري و خسرنا موسم كامل وقلت (( نبي آسيا ))


طيب الحين راحت علينا آسيا

وش باقي تبي ؟؟

علمني وش يملي عينك غير آسيا اللي ضاعت ؟؟


والله انك أكبر من أن تكون رئيس على مجموعة مستهترين اشباه لاعبين

ضيعوا كل بطولات الموسم وبكل أدب و جماليه و ذوق قالهم (( تفداكم ألف بطوله .. الا آسيا ))

وليتهم اسمعوك او عبروك (( للأسف )) ضيعوا كلامك وضيعوك

أخذلوك .. عذبوك .. زعلوك .. و زعلونا

يحرم النقد لـ صار ضدك

يخرس اللسان لـو أنتقدك

بس .. أنتبه .. المنطق يقول (( وراء كل فريق فاشل اداره فاشله ))

شفت شلون سودوا وجهك لاعبينك ؟؟





دقايق بعد نهاية المباراه وتطلع المواضيع الغير منطقية

يسبون .. يتهمون .. لا تسب عشان تبين لنا انك (( مقهور ))

ترى فيني قهر اكثر من القهر اللي فيك ولو جمعوا قهري يغطي كل قهر بالدنيا

بس العقل العاشق لهذا الزعيم يأبى انه (( يسبهم بمجرد هزيمه ))

بس النقد (( واجب )) بعد الخروج المذل

ولكن .. بعقل واعي .. فاهم .. مسيطر على اعصابه ..

لا بعقل وتفكير غاضب .. مقهور .. منفعل ..

صحيح عندنا لاعبين مدري وش يبون !!

أستهتار
بس الهلال (( باقي )) وهم راحلون


..


هم بكل بساطه :

نكبه ولا يستحق انه يلبس فانيلة الهلال ..

يرحل غير مأسوف عليه ..

لكل لاعب هلالي لم يحترم عظمة جمهور الهلال


..


زعلوكم .. ربي يزعل خواطرهم

تعبوكم .. ربي يتعبهم

فشلوكم .. ربي يعزكم ويذلهم

وش باقي اقول ؟؟





(( زبدة )) الموسم و (( أغلى )) البطولات .. للأسف خرجنا منها

أنتقدوا اللاعبين ولكن لكل عضو خط أحمــر اذا وصل لحد النقد بالاداره

وياليت غضبنا بسبب الهزيمه ما يخلينا نتهجم على لاعبين اعتبرهم (( ركائز )) بالفريق




و يا رب انك تهون علينا مصيبتنا


تذهب البطولات ويبقى الهلال وببقائه تأبى البطولات الا ان تتوج هذا الزعيم (( عاجلا ام آجلا ))






..

شاكر ومقدر