[NzF]

السلام عليكم ..
أهلا ً بكم يامعشر الزعماء <- جاي يخطب خطبة

كثييير منكم راح يستغرب مطالبتي بـ دخول الجماهير مجانا ً في مباراتنا مع فريق ( أم صلال ) .. !!

وش فيها لو كان الدخول مجانا ً ؟

على فكرة ,, أتوقع إن الهلال هو النادي الوحيد في المملكة اللي جماهيره مايدخلون مجانا ً في البطولة الآسيوية .. !!!
كلنا نعرف إن مباريات الشباب جميعها كان الدخول مجانا ً ,, ونفس الشي بالنسبة للإتفاق والإتحاد ..

خلونا نكون واقعيين شويّ ..
لو كانت المباراة يوم الأربعاء ( يمكن ) يمتلي الملعب .. وأنا قلت يمكن لإنه بنفس اليوم نهائي التشامبيونزليغ والكثير من الجماهير ماراح يحضر المباراة في الملعب بسبب نهائي أبطال أوروبا .. بس المباراة يوم الثلاثاء .. وأنتم عارفين إن فيه فئة كبيرة من جمهور الهلال من طلاب المدارس .. وهالشي يمنعهم من حضور المباراة ..

لو كانت المباراة يوم الأربعاء وتبدأ بعد صلاة المغرب ,, بحيث إنها تنتهي قبل إبتداء نهائي التشامبيونزليغ بنصف ساعه على الأقل كان الحضور سيكون أكثر بكثيييير من إقامتها يوم الثلاثاء ..

في عهد الأمير محمد بن فيصل كان دخول الجماهير مجانا ً .. وتذكروا كيف كان حضور الجماهير في مباراة الكويت الكويتي ,, والوحدة الإماراتي وغيرها .. كان منظر المجهور مرعب ..


هذا مقطع فيديو لـ هدف ( رودريغو ألفان ) في الكويت الكويتي في أبطال آسيا .. إضغط هنــا

في الثانيه ( 1:01 ) إسمعوا صوت الجماهير عند ترديدها لـ ( هلال هلال ) ..




^
هذي صورة جمهور الهلال في مباراة الوحدة الإماراتي قبل عامين في رمضان
وهذا هدف التايب الرائع في مرمى الوحدة الإماراتي .. إضغط هنـــا

أتمنى من الأمير عبدالرحمن بن مساعد أو أحد أعضاء الشرف أن يقوم بشراء التذاكر ويكون دخول الجماهير مجانا ً ..

برايفت /
تراي حاضر كل مباريات الهلال وبجميع البطولات ماعدا مباريات الشباب في كأس الملك .. يعني لحد يقول إني مستخسر ( 20 ) ريال ..

في النهاية عندي سؤال بسيط ..

إن كنت من المؤيدين لـ دخول الجماهير مجانا ً اذكر السبب .. !!
وإن كنت من المعارضين لـ دخول الجماهير مجانا ً اذكر السبب .. !!

يعني بالحالتين اذكر السبب

آسف ع الإطالة .. وبالنهاية لاتنسون الزعيم من دعواتكم

بالتوفيق لـ زعيمنا أمام أم صلال

[MaMoOoN]

عليكم السلام

حياك الله أخوي

إن كان حضور الجماهير للمباريات ذات الدخول المجاني

فلا داعي لحضورهم وتعبهم

حضور الجمهور هو دعم مادي ومعنوي للفريق

ويجب على الجمهور الأزرق معرفة ذلك وعدم الإتكالية على التذاكر المجانية

بالتوفيق للجميع

.
.

[NzF]

يالغالي طول الموسم وحنا ندعمهم ماديا ً ومعنويا ً .. لكن هالمباراة حاسمة ومن أهم المباريات في الموسم .. فـ حرام يكون الملعب مو ممتلئ ..

نختلف في وجهات النظر .. ونتفق في حب الزعيم ..

شكرا ً لـ مرورك ..

[(((C.RONALDO)))]

يارجال حاضرين حاضرين لو الدخول بــ 50والله يوفق الزعيم ،،

[السلساو الهلالي]

ياخووووووي انا بقولك شي يمنعني من حضور المباراه
والي هو القنوات الرياضيه ياخي الواحد وده يشوف المباراه بتعليق فارس عوض
ولا يشوف التحليل في برنامج المجلس
بالنسبه لي هذا هو السبب الوحيد ولا التذاكر الحمد لله لو بـ 100 شريتها

[●~لعيون الزعيم ܓܨ]

عليكم السلام


يا عزيزي والله اللي يبي يحضر بيحضر ما ضرته ال20 ريال

لكن سالفه دخول مجاني هذه شماعه الكسالى


تحياتي وأتمنى يزيدون الدخول ويخلونه ب 30 ريال *_*

[الزعيم /عبدالله]

الي يبي يحضر من اجل الفريق بيجي لو التذكرة بألف والي ما يبي يحضر الا بمحفزات فاليجلس في بيته
احترم وجهة نظرك لكن لنتعلم من الجمهور الاوربي شوي
لازم نحضر اذا التذاكر ببلاشوالله شي يقهر
بالتوفيق للزعيم الهلالي والي بيحضر حياه الله وجزاه الله خير على وقفته مع فريقه ولا عزاء للمقاهي وجلاس البيوت

[NzF]

إقتباس الرسالة الأصلية كتبت بواسطة (((C.RONALDO))) يارجال حاضرين حاضرين لو الدخول بــ 50والله يوفق الزعيم ،،

كفو والله هذا العشم فيكم ياجماهير الزعيم ..

[NzF]

إقتباس الرسالة الأصلية كتبت بواسطة السلساو الهلالي ياخووووووي انا بقولك شي يمنعني من حضور المباراه والي هو القنوات الرياضيه ياخي الواحد وده يشوف المباراه بتعليق فارس عوض ولا يشوف التحليل في برنامج المجلس بالنسبه لي هذا هو السبب الوحيد ولا التذاكر الحمد لله لو بـ 100 شريتها

ياخوي شوف المباراة ( إعادة )

احضرها بالملعب وخل عنك فارس عوض والمجلس ..

لاهنت ع المرور ..

[NzF]

إقتباس الرسالة الأصلية كتبت بواسطة ●~لعيون الزعيم ܓܨ عليكم السلام يا عزيزي والله اللي يبي يحضر بيحضر ما ضرته ال20 ريال لكن سالفه دخول مجاني هذه شماعه الكسالى تحياتي وأتمنى يزيدون الدخول ويخلونه ب 30 ريال *_*

يعني الحين تبي تقنعني إذا كان الدخول بفلوس بيحضر نفس عدد الجماهير إذا كان الدخول مجانا ً ؟

وبعدين الكسول لو عطوه 20 ريال عشان يحضر ماراح يحضر

ما أدري وش علاقة الكسل بـ الحضور ؟

أشكرك ع المرور ..

[abohamad55]

ياخي مافيه فايده للنادي اذا كان الحضور الجماهيري على حساب النادي تراها ياناس 20 ريال والله انتم مكبيرين السالفه

واذا تبيها مجانيه احتمال تلقى مزارع مصري جاي المباراه غلط هع هع


20 ريال ماتغلى على الهلال

[الكنز الأزرق]

مجاني ولا بدراهم
إن شاء الله حاضر .. وقصينا التذكره ع الرياض
وإن شاء الله أكون فال خير على الهلاليين .. لأن هذي اول مباراه راح أحضرها
لأنها مباراة اخر الموسم

إقتباس ياخووووووي انا بقولك شي يمنعني من حضور المباراه والي هو القنوات الرياضيه ياخي الواحد وده يشوف المباراه بتعليق فارس عوض ولا يشوف التحليل في برنامج المجلس بالنسبه لي هذا هو السبب الوحيد ولا التذاكر الحمد لله لو بـ 100 شريتها

الله يخلي الإعاده .. ترانا جايين من المدينه
المفروض أهل الرياض كلهم محضرين ..!

[F.C.H]

إقتباس الرسالة الأصلية كتبت بواسطة MaMoOoN عليكم السلام حياك الله أخوي إن كان حضور الجماهير للمباريات ذات الدخول المجاني فلا داعي لحضورهم وتعبهم حضور الجمهور هو دعم مادي ومعنوي للفريق ويجب على الجمهور الأزرق معرفة ذلك وعدم الإتكالية على التذاكر المجانية بالتوفيق للجميع . .

صدقت اؤيد كــلامك بـعدم الإتكالية ..

صارت سالفة هالـ 20 ريال .. والله حالـه

[عاشقـ 9]

لا ان شاء الله

بيمتلي الملعب وافلقك
بس انت تفائل

[أحـٍضـטּ خ‘ـيآلــٍكـ ~.]

حاضرين حاضرين بحول الله وقوته

بالتوفيق للأزرق