[أحبك لو تجافيني]

مبروك تأهل الهلال ولعبه المباره الجايه في أرضه رغم صعوبة المباره أمام المغوليين (( بقوس وتلكيم )) ياعبدالرحمن بن مساعد أنت قلت الهلال يحتاج وقفت الجمهور المباره القادمه وطالبتهم بالجيه ... وهم وقت الشدايد تحصلهم ...


نعم جمهور الهلال راح يوهقك أذا تأخرت عن المباره يعني ماجيت بدري لأن جمهور الهلال وخاصه بالرياض وقت الشده تحصله في الملعب وبكل محل بالملعب يعني الله يعينك على تدوير محل ...
وانا اقولك يابو فيصل ... مو شغلنا ... أذا جيت وماحصلت محل... لأن الجمهور أن شاء الله راح يسكر الملعب عن بكرة ابيه ...
ومن ناحية الجمهور لاتشيل همهم ... هم عادين العده للمباره ... الباقي على الاعبين ... انهم يقدمون نتيجه ومستوا رائع ...

وجمهور الهلال وخصوصاً بالرياض عمره لم يخذل الهلال في مباره مصيريه ولن يخذلهم أن شاء الله ...

ملاحظه : أنا ابي اعرف النمشان ليه يعامل جمهور وادارة الهلال بالمعامله السيئه ذي ... والله أنا أعاني وخصوصاً بستاذ الملك فهد ..
من معاملة سيئه .. واستقعاد للجمهور الهلالي ... والله يابن نمشان كل شي له حد ... واحذر غضب نص الأرض جمهور الهلال ... احذرهم ..