[سلطان الكورة]

بسم الله الرحمن الرحيم

أما بعد ...........

بدون مقدمات ولا شي الفريق أدى مباراة حلوة أمس بس شوي خاننا الحظ

لو وحدة من الفرص اللي جات في الشوط الأول دخلت هدف كان تحطم كل عائق قدام الهلال

بس مافي مشكله قدر الله وما شاء فعل وان شاء الله تكون خيرة لنا للمزيد من الإبداع
وبإذن الله نتأهل لدور الثمانية ولكل حادث حديث

موضوعي له عدة اهداف أتمنى من الجمهور يفهمها ويحاول يعذر النادي ولو شوي بس

أولا :الصراحة وبكل وضوح احنا يالجمهور الهلالي عاطفي لأبعد درجات الحدود
اللحين يوم انكم شرشحتوا الكابتن محمد نامي وهو أمس ما تسبب بغلط كوارثي أبدا
ليش كل هالإنتقاد صح هو أجتهد وحاول يرضينا لكن ما باليد حيلة وأصلا الغلطة مو عليه على الإدارة والمدرب غلط الإدارة انها ما وفرت ظهير مميز والمدرب غلطته انه لعبه في مركز مو مركزة يعني يوم ان رادوي امس لعب ظهير وهو مو مركزة
ناول باص خطأ كلف الفريق الكثير وانهى آماله من بدري
أنا ما ادافع عن نامي لكن الحق ينقال نامي لعب طوال الموسم ماغاب ولا مباراة بعدين تراه بشر يخطأ ويصيب ولعب جميع مباريات الموسم مع الفريق بالإضافة إلى المنتخب وإحنا في آخر الموسم طبيعي جدا يهبط مستواة بشدة

ثانيا :ولهامسون لاعب كبير جدا وهو مكسب لأي فريق يلعب له لكن وبالصراحة وجوده في الفريق حاليا لم يضيف للفريق شي بل كان عالة (مع احترامي له)
ويجي أحد يقول هو اللي جاب كاس ولي العهد وبدع في بداية الدوري

أنا معك انه كان نجم الموسم في الدوري لكن الأجواء هنا ما تساعد اللاعبين الاوربيين في البروز وخصوصا الدول الأسكندنافية
الجو هنا في الرياض كل ماله يحتر يعني من الأفضل البحث عن لاعب يعشق هالأجواء (والله ماظنتي فيه لاعب يحب الحرارة)

يعني مثلا اللاعبين الأفارقة جدا مميزين ومطلوبين في كثير من الأندية الأوربية
وسعرهم رخيص نوعا ما وبإمكاننا الحصول على لاعب مميز جدا وبسعر معقول وبنفس الوقت لاعب مشهور بحكم الهبوط الحاد في الإقتصاد الأندية الأوربية ما تصدق يجيها عرض فوق القيمة اللي أخذوه فيها

ثالثا : يا أميرنا المحبوب لكل شخص وجهة نظر خاصة به قد تنفعك فتستفيد وقد تكون لامعنى لها فتتركها الجمهور أصبح واعي وبنسبة كبيرة جدا فأرجوك إفعلها ولو لمرة واحد أن تخصص جلسة مناظرة بينك وبين الجمهور في النادي
وأن تستمع لوجهة نظرهم ويستمعون لوجهة نظرك وأتمنى أن تقيم هذه المناظرة بحضورك والمدرب جيرتس والمدير على الفريق الكابتن سامي الجابر
قد تكون هناك آراء تصب في مصلحة النادي


رابعا وأخيرا : أتمنى تكون هذي تشكيلة الهلال الموسم القادم

الدعيع (الشمري)
الزروي (ك الموسى) المرشدي (ماجد بلال) هوساوي (خيرات) عمر الغامدي (البيشي)

عزيز (ص الدوسري) رادوي (الغنام)


نيفيز (العابد) بكاري كونيه (الفريدي)


ياسر (عيسى) بدر المطوع (الصويلح)


التشكيله هذي تخلو من الاعب المميز حسن معاذ على الرغم من اعجابي به
لكن ما راح يفيد الهلال بالآسيوية

بالتوفيق للهلال أينما حل