ياياسر ابن سعيد .. لا باس لا باس. قصيده مكتوبه ومغناة
بسم الله الرحمن الرحيم
السلام عليكم ورحمة الله وبركاته
اخواني الاعظاء هذي قصديه في نجمنا ياسر القحطاني اعجبتني واحببت ان انقلها لكم مكتوبه ومغناة
عديت رجم مهلهل وخافقي حاس
إبحرّة كني على الجمره اشوي
ولا هنا لي به وقوفٍ ومجلاس
عفت الجبل من بعد ماخاطري فيه
نسناس ؟ وينه كن مافيه نسناس
ضاق الصدر والليل بانت مواريه
ولا جدا الشاعر ليا جاه هوجاس
سوى بحوره لا تلاقت قوافيه
ياياسر ابن سعيد .. لا باس لا باس
تبقى جبل .. ماهزه اللي يلاقيه
مايمتحنّا الا عديمين الإحساس
اللي بلاهم ؟ وقتنا حي طاريه
الوقت فيه الخير .. والشر في الناس
نستثني اللي طيباتٍ مجانيه
يفداك من يعداك ياطيب الساس
ولا عليهم يابن عمي مشاريه
اللي عجز لا ياصل الراس بالراس؟
ماله سوى شذب العراقيب يشفيه
وانته من اللي تعبّو قبّ الأفراس
وانته من اللي ماتخيّب عزاويه
وانته من اللي للتواريخ نوماس
وانته من اللي حدّهم ماحد يجيه
ماهمنا قولة حسودٍ وبلاّس
أحبابك تخيّب .. بوجهه هقاويه
دامه سرى فالليل من غير مقباس
ماله سوى العثره وخابت خطاويه
وهذه مغناه في اليوتيوب
بالتوفيق للزعيم
الوضع الشجري
