[رساوي برساوي]

قريت خبر مفاوضة الهلال للاعب القطري سباستيان سوريا

وجاء على بالي اللاعب بدر المطوع
قلت من اللي بينفع الهلال أكثر لو جاء ؟

أنا أشوف انهم كلهم لاعبين ينفعون الفريق وهدافين

لكن لو سوينا مقارنه

أنا اشوف ان طريقة لعب سباستيان سوريا مشابهه تقريبا لطريقة لعب ياسر القحطاني
لاعب هداف ينهي لك الهجمه

لكن من ناحية الحركة واللياقه والسرعه
يتفوق عليهم بدر المطوع

يعني وجود سباستيان سوريا ماراح يضيف للهلال شي كثير بوجود ياسر القحطاني وعيسى المحياني

لكن وجود بدر المطوع راح يضيف لنا الكثير
غير انه هداف وينهي الهجمه
لاعب يتحرك وسريع يعني ينفع مع ياسر
واشوف انه شايل فريقه القادسيه الكويتي
يعني مستواه ثابت ومميز

بارضه بدر المطوع كويتي يعني خليجي منا وفينا
راح ينسجم مع اللاعبين والفريق بسرعه مثل بشار عبدالله وجاسم الهويدي
بينما سباستيان سوريا أورجوياني الأصل واللغه

لكن أشوف انه بقوة التسديد يتفوق سباستيان سوريا على بدر المطوع


أنا رأيي انه قد يتفوق سباستيان على بدر المطوع هجوميا
لكن بالنظر لظروف نادي الهلال ومهاجمينه
أشوف انه سباستيان ماراح يضيف شي كثير لوجود ياسر وتشابه طريقة لعبهما
بينما بدر المطوع ممكن يضيف لنا الشيء الكثير

أضف الى ذلك ان بدر المطوع يعشق الهلال


أتمنى اللي متابعين اللاعبين بدورياتهم يعطينا رأيه ومميزات وسلبيات كل لاعب
وماهو الأنسب لنادينا

سباستيان سوريا /أم/ بدر المطوع