بسم الله الرحمن الرحيم
وبه نستعين
أتمنى من اللي يكتبوا مواضيع بعد كل خسارة
لايكتبوا كلمة هاردلكم يازعماء لان هالكلمة ياخي تنرفز وترفع الضغط
وفي مشجعين بيدخلو على الموقع بعد المباراة وأعصابهم زي الزفت
ويلقى عضو كاتب هاردلكم
بالتأكيد مابيتقبلها مرة مرة مرة مرة
يعني ياليت يوفر على كيبورده الضغط والتكسير
"""""""""""""""""""""""""""""""""
تعودنا على الهلال في هذه البطولة إننا نخرج بالثلاثيات
العام من الاتحاد والظروف الله العالم فيها من الحكام
والسنة من الشباب والظروف الله العالم فيها من الاتحاد الصفراوي عفواً السعودي
طيب إلى متى وحنا نخلي الاتحاد السعودي شماعة لخسايرنا ولجنة الانجلاط ولجنة الحكي والسوالف
إلى متى قولوا
يعني لو عشرة سنين قدام بنخسر نفس هذا المنوال بنقول والله الاتحاد السعودي ولا لجنة الانضباط هم السبب ....إلخ
يا أخوان الهلاال فيه مشكلة وربي محد عارفها
شفتوا الشوط الاول يعلم الله إني ماتحمست وضليت مكاني ولاتحركت إلا بكورة الصويلح اللي بالرأس
وغير كذا مافي ولا شي
وكان كل هجمة تضيع للهلال وربي نبضات قلبي بتزداد وأحس بحرقة دم
اما الشوط الثاني تعدل وضع الهلال ولو كان فيه ياسر الله يعطيه العافية ويكثر من حرقه في أعصابنا كان تغيرت النتيجة بدري
وأنواع السب واللعن وضرب الارض والجدران والابواب
بالنسبة لسوووول صحيح إننا طولنا بالنا عليه لكن سول الخانة الوحيدة اللي يفلح فيها هي وسط متقدم على الاجنحة
يعني خذه رفعات وبس ولو فيه مهاجم قوي بالرأس كان كل رفعاته أقوال وأتحداكم واحد يخالفني في النقطة هذي
يعني جيبوله ضارب بالرأس وشوفو كيف بيبدع
أما وسط الهجوم ما أعتقد بينفعنا أبداً إلا شوت من برا المنطقة
وأتمنى من إدارة الهلال إذا فكرت تجيب لاعب محترف من برا
إنه تديلوه نبذة كاملة عن الفريق وعن إنجازات الفريق وعن جماهير الفريق إنها ماترضى غير بالفوز بغض النظر عن احوال الفريق أو الظروف اللي يعيشها الفريق
ماانبي محترفين يلبعوا بأعصابنا وأخرتها رواتبهم كاملة بالسكن ببوس الايادي بعد
وبالنسبة لشباب الهلال ياليت ياخذو فرصة لو حتى بكاس فيصل
نواف العابد وعبد العزيز الدوسري
في شي ماطرى على بالكم
ترا ناصرالشمراني وماحط في ذمتي شي كان ناوي على الدعيع بس الظاهر إنها إنعكست عليه وهو اللي تضرر
اللي مو عاجبه مستوى الهلال اليوم
بقوله شي واحد ترا الغيابات
ياسر \ عزيز \ الفريدي
تخيلو مافي غيابات وش بيكون مصير الشباب
وفي شي ثاني شوف لاعبي الشباب المحاور ماشفناهم في ملعب الهلال أبد
وكماتشو وعطيف والسعران والشمراني كلهم قدام وقت الهجمة لهم
أما وقت الهجمة لنا الفريق كله ورا ذكروني بفريق قطري إلا الملاكم الشمراني لوحده قدام وعند خط المنتصف
أتمنى من لاعبي الهلاال في المواسم المقبلة إنهم في مباريات مثل كذا لايخسروا بنتيجة مثل كذا
لأن وبكل بساطة إذا خسرنا في مباراة الذهاب ترا بنفقد الامل وماراح نتأهل
لاتقولوا الهلال قوي وقادر
شوف العام وشوف السنة
هذا القوي حقنا
ويا أحمد الصويلح ترا وقت الاستعراضات والفنيات مو الحين
وبالتوفيق للزعيم في الاسيوية
مابقالنا غيرها
جيبوها تكفون
الخسارة إهداء مني للنجم ياسر القحطاني وأقوله كفيت ووفيت
بس هذا جزانا اللي سكتنا عن الحق ودافعنا عنك حتى وحنا غلطانين
لاتعودها ياياسر
تراك بحاجة الهلال والشاطر يفهمني في أخر كلمتين
وياجمهور الرياض
بعد كذا بتحضورو الملعب مفتوح
وإذا مابتحضروا ترا الباب يفوت جمل
على فكرة للي يعرف يرد علي
دور الـ16 للأسيوية بيكون هذا الموسم
ولا الموسم الجاي
دمتم
NICE_BOY
الوضع المتطور
