[MOHAMMED ABDULAZIZ]

السلام عليكم

في البداية الموضوع هذي فكره صغيره قد تصبح كبيره ونكون قدوه لكل الانديه العربيه

قبل ما اقول وش الفكره الي انا ودي انها تطبق في الهلال ويكون الهلال هو السباق دائما في كل المجالات .. ما ابي احد يقولي الفكره حلوه بس محد عندك او حلوه الفكره بس صعبه نسويها في الهلال لان اذا كل واحد قال كذا ماراح نسوي شي في حياتنا بس اذا انت حطيت يدك معي وغيرك حط يده معي نقدر نبدا الفكره ونكون مضرب مثل !!



ليش الهلال ما يكون عنده رابطة جمهور حقيقيه مو بلطبل والاغاني او بفلوس لا

نبي جمهور الهلال كل الي يعشق الهلال يكون مكانه دائما خلف المرمى ويكون اي واحد يبي يجلس جمبهم يلبس ازرق ولا يوقف التشجيع اببدا وتكون في قهوه اسمها نادي الهلال يتجمعون فيها ويكتبون الكلمات ويقررون بينهم الحركات الي راح يسونها


ويكون للرابطه شعار خاص فيهم ويكون في احد هو المسؤول عن الرابطه والسفر مع الفريق وهذا اكيد راح يكون على حساب نادي لكن بلطبون ورئيس الرابطه ما كان يحب الهلال اصلا هذي انا اعتبرها ( مسخره )

ليش ما نقدتي بلانديه الاوربيه ونكون رابطه مشجعين الزعيم وتكون مكونه من 500 شخص اذا ما حطينها في الحسبان ان 4 مليون مشجعين نادي الهلال في السعوديه فهل بتكون صعبه تلاقي 500 شخص بينهم يعشقون الهلال لحد الجنون ؟!!

اتمنى ان الجمهور الهلالي يتفاعل مع الفكره هذي وصدقوني لو بدى الهلال فيها كل الانديه بتسوي نفس الشي

ولكم عبره في الانديه الاوربيه ولما تابعون مبرياتهم ركزو خلف المرمى وشوف كيف الجمهور وكييف الرابطه الجمهور حقتهم !!