أنا هلالي من نعومة أضافري وفي حياتي ما قد حضرت مباراة للهلال في الرياض لأني ما قد رحت الرياض إلا مرور الكرام ولكن في المنطقة الشرقية ما اقصر
وبإذن الله المرة هذي بأحضر المباراة بحاول قد ما اقدر اني احضرها
يمكن تقولون علي مجنون ولكن ما اهتم لأني متفاااااااااااااااااااااااائل بشكل مو طبيعي وجالس اتحدى اصحابي من الحين وكلهم يكرهون الهلال
ويا هم بيتشمتون فيني شماتة لو لا سمح الله خسرنا بس أنا واثق من فريقي مدري ليش يا جماعة عندي احساس بنفوز والله اني متفاائل جدا
بس ألاقي لي واحد يخاويني من اخوياي وبروح الرياض صد رد لعيون الهلال
والله يكتب اللي فيه الخير
ووالله مالكم حق يا جماهير الرياض لو ما تحضرون ترى راس مالها عشرين ريال وإذا خايف من الهزيمة والذل والإهانة زي ما يقولون البعض ياخي دق اللطمة ومحد درى عنك
فزنا فزنا
خسرنا اضرب الباب بدون محد يدري
ولا كلامي غلط؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تكفون يا ناس عشرين ريال بس تكفون نبغى الملعب زي يوم اعتزال سامي في مباراة مانشتر
بالله شفتوا كيف لعب الهلال ضد مانشستر وقتها؟؟؟؟ الروح كانت موجودة
وما انسى وجه تيفيز وهو فاغر ولا إيفرا يوم يرمي نفسه تحت الكرسي من الفشلة
والله ان الهلال قادر انه يسويها وكمان متفائل بكأس اسيا و وكاس العالم بعد
صدقوني مو مجنون لكني عشقي للزعيم يفرض علي هذا التفاؤل
ااااه لو يرجع الهلال زي أيام التسعينات 94 96 ايام سامي والجمعان والتيماوي والثنيان والدوخي والعويران
ترى بنفس ذيك الروح نقدر نسوي المستحيل
الله يخليكم خلونا نوقف مع فريقنا زي جماهير ليفربول وغيرها من الاندية عندما تقف مع فريقها وهو خاسر ولا تتخلى عنه أبدا
كما لم نتخلى عن ياسر وعن المرشدي وعن الشلهوب والتمياط في أصعب اوقاتهم
لن نتخلى عن هذا الكيان
لن نتخلى عن الزعيم في اصعب أوقاته وظروفه ومافي شي اسمه البطولة راحت وخلينا نهتم للاسيوية
فهذا كلام الفرق الصغيرة وليس الزعيم
يا رب تكون وصلت المعلومة وأشوف الملعب مليان >> ولا تنسون اللطمة للي خايفين من الفشلة زي ما يدعون
الوضع المتطور
