[][عاشق الزعيم][]

السلام عليكم
اسعد الله صباحكم ومسائكم ايها الزعماء
اولا انا سعيد جدا واخيراً تم موافقه الاداره على مشاركتي في الموقع
بدليل اننا سجلت في تاريخ 14_12_2007وتمت الموافقه في تاريخ 28_4_2009 ........سعاده لاتوصف
(لأجل الزعيم)
بصبر على نار .. نار وجمر .. وبعذره يمكن للإداره عذر

بتكلم باللغه العاميه عشان اخذ راحتي
سبب تدهور الهلال هو كوزمين
<وش الجديد ..اقول لكم الجديد
الولاء الزايد اللى شفته بعد رحيل كوزمين ..ماعمري شفته في مدرب قد درب الهلال مع العلم ان كثير من المدربين اللى دربو الهلال ناجحين ...لاحد يقول لي انه مدرب ناجح وفارض شخصيته ومدرب فاهم ومدرب قدير ومدرب قاد الهلال لبطولات ومدرب عضو في الناي و و و....الخ ويقعد يمدح فيه يحسب ماعندي خبر
عندي خبر انه مدرب ناجح ومافيها طقت عصى ..وكنت اتمنى استمراره في الهلال
لكـــــــــــــــــــــــن المدرب راحل ..نبقى نتعلق في تاريخه وفي اسلوبه ونجلس نقول طردو مدربنا عشان فلان وفلان؟؟!!
من متى والهلال يتعلق في مدرب!! ..الهلال يصنع مدربين
اتوقع لو يرجع كوزمين يدرب الهلال ويلعب الهلال بدون ياسر وبدون الفريدي وبدون الاجانب اتوقع يفوز الهلال
السبب الوحيد اللى نعيشه الآن نفسي وليسى فني
وبنفس الوقت اتوقع الآن لو افضل مدرب ويدرب الهلال ما اتوقع ينجح
اهم نقطه فقدناها الفتره الاخيره (بعد رحيل كوزمين)هي اللعب بدون قتاليه ..العب بدون نفس
لو سئلت ياسر ليه اخذت كرتين حمر في عشره ايام بيقول ياخي طردو مدربنا وتوهقنا .. ثم نقول له معذور
لو سئلت النامي اشلون تخلي كوره ميته يجي منها الهدف الثالث بيقول ياخي طردو مدربنا وتوهقنا ثم نقول له معذور
لو سئلت اي هلال اشلون الهلال يتأهل بالتعادل ..لا وقدام فريق الفقر بيقول ياخي بركه اللى تعادلو ياخي طردو مدربنا وتوهقنا ثم نقول لهم معذورين ومعكم حق
لو سئلت الإداره عن سبب تدهور الهلال بيقولون حسبي الله ونعم الوكيل طردو مدربنا ثم نقول لهم معذورين ومعكم حق
ولو سئلت الف سؤال راح اسمع الاجابه واحده
الغريب حتى الجماهير الهلاليه جالسه تعيش نفس الاشكاليه ..الى درجه قبل فتره اقرى موضوع (مكرمه ملكيه سوفى يعود كوزمين) مدري وش اسميه صراحه تخلف او او مو مهم اسميه المهم لازم نطلع من هالوسواس اللى اول مره اشوفه يمر على فريق اسيوي
رحل كوزمين لازم نفكر في الهلال مو نفكر في كوزمين
لاحد يقول لي الهلال محارب من لجنه الانضباط او الاتحاد او او
من زمان والهلال محارب ويحصد بطولات ..يعني حربهم علينا متعودين عليها وفي النهايه نفوز عليهم

همسات على الطائر:
ياسر القطحاني:
عن دروب الغرام اغضيت وعن وقت به اغليتك..تحس بلوعه المجروح وفانك وانت هملته
ترى جرح الغدر وان طال فيني ماترجيتك..الا وانت مات حبيلك على كف العزء شلته
ايها الياسر : تلعب عشر مباريات ماتسجل هدف معذور يمر فيها كل لاعب في العالم
ايها الياسر : تلعب مباريات مهمه ولا تظهر في مستواك المعروف معذور يمر فيها كل لاعب في العالم
ايها الياسر: تاخذ جائزه افضل لاعب في اسيا وتاخذ كرتين حمر في اقل من عشر ايام ..انتظر لست معذور..تمهل..هنا الزعيم
ايها الياسر: حديث الشارع الرياض ياسر وياسر ياسر وياسرالاعلام مايرحم..الجماهير ماترحم وانا احد هذي الجماهير
ايها الياسر: راجع حساباتك قف كثيراً.. انظر إلى مصلحه الهلال انظر الى مستقبلك
ايها الياسر : انا اعذرك لسبب واحد فقط لا اكثر واحمل المسؤوليه الاداره .. كنت اتمنى من الاداره ان تريحك فتره اسبوع او اسبوعين من اسباب هذي الراحه محاربتك من قبل الجماهير الضايعه وكذالك بسبب ارهاقك بكثره مشاركاتك

اجانب الهلال:
رادوي وليهامسون : يظلا الافضل واتمنى استمرارهم مع الهلال
طارق التائب : ارى انه مستواه منحدر من اول موسم الى ثالث موسم
سيول : قليل جدا مايبدع واحيانا مدري وش يحس فيه ..للصبر حدود يا إداره

اظهره الهلال السابقين:
إلى الان لم انسى الظهير الايسر خالد الرشيد والظهير الايمن احمد الدوخي الله يذكرهم بالخير

اظهره الهلال الحاليين :
لاتعليـــــــــــــــــــــــــــــــــــــــــق

الفريدي:
تمنياتي لك بالسلامه ..وتكفى اترك عنك الاحتاجاجات الزايده

الشلهوب:
لم ينتهي بك المشوار ..لازال المشوار طويل (انت الباقي وهم الراحلون ) واقصد بذالك المدربون الذي لم يقتنعو بمستواك او ان خطتهم لاتتناسب مع لعبك .. حافظ على صحتك وسوفى نراك بإذن الله في قمه مستواك كما عرفناك.

إداره النادي :
يجب التفكير من الان في مستقبل حارس المرمى من الآن .. سوفى نعاني في ظل اعتزال ابو عبدالعزيز ..اتمنى ان تجدون الحارس من الان قبل اعتزال الدعيع لاجل الاحتكاك والاستفاده من خبره ابوعبدالعزيز..تحياتي لك يابو عزوز

جماهير الهلال:
خلو عنا الهياط في جلب الاعبين اللى يقول جب (اسماعيل مطر واللى يقول جب التون حق النصر واللى يقول حسن معاذ ..الخ نتمنى ان نضع الموضوع لاصحاب الشئن ـ اللى قدر يجيب التائب وتفاريس وليتانا ووغيرهم يقدر يجيب مثلهم او افضل منهم
المقصد ممكن الاداره تجيب لاعب مؤثر لم يخطر علينا .
بس اتمنى من الاداره ان تجلب لاعب فيه صفه (تسجيل الاهداف من الكورات الثابته)

كما اتمنى انني اصبت بالهدف المرجو في اول مشاركه لي
تحياتي
ابو ياراا