@ هذا سول والا زول @ - نادي الهلال السعودي - شبكة الزعيم

جمجمة الهلال · #1 03/05/2009, 02:05 AM

السلام عليكم ورحمة الله وبركاته ...

حسبي الله ونعم الوكيل ...... افضل كلمة ابداها

واحد يصطرن صطرة تقومني من الكابوس اللي نعيشه هالايام مع زعيمنا الهمام

وضل بنا الحال الى ان زلايب النصر ينافسونا
تخيلوا مبارتين تعادلين !!!! مير صرنا الحزم على غفلة مع احترامي وتقديري للحزم وعدم تقديري للبلطان ==> وش دخل البطان ؟!! كذا كارهه لله وفي الله .. أحس انه من هالعقاريين اللي يطقون الباب كل يوم .. يبون الآجااااار

وراي هجت بي وطلعت عن الموضوع .....

الموضوع بصراحة كما هو معنون بسول - واقصد به الكوري المريض البطئ الغبي الفاشل السلحفائي -
بصراحة ماخبرت كوريين يحترفون عندنا ؟؟!!!!!!!

اخر خبرنا بالكوريين ايام حفريات التلفون ... اكيد الشيبان يذكرونهم

ودايم اهلنا يقولون لنا لاتطلعون بالقوايل يلقطونكم الكوريين هماهم ياكلون تسلاب الله يعزكم واهلنا يعتبروننا تسلاب

مقصدي من هذا كله وضع الهلال حاليا يتمثل او يمكن اختزاله بوضع سول الزول مع الهلال وهل هو نافعن الفريق طبعا لالالا بالنسبة لي .. وأكيد أكثركم يوافقني الرأي .....

ولكن لا رأيي ولا رأيكم عن سول الزول اللي عجز يجيب قول غير ماشي في البيت الهلالي
لاني امس وهذا اللي اخرجني عن صمتي ==>منتب عاقل يا برجنيف !!! اتحداكم تعرفون من هو برجنيف

نعم امس سمعت تصريح للأمير الرجل الشاعر المطوع ذو الخلق الرفيع عبدالرحمن بن مساعد الله يزيده علما وعملا صالحا.
تصريح غريب عندما وضع سول الزول مع احسن 5 من قدم مستوى أمام الشباب ...

انا استغرب من الامير ان يكون فعلا مقتنع بسول الزول .....!!!!!!!!!!!

سؤالي ماهي المعايير التي تم اعتمادها لتقييم سول الزول ؟؟

هل كيف ممكن اننا لاتفهم كورة بعد كل هالسنين ؟؟

هلا فعلا الزول سول .. يفت كورة وحنا ماندري ===> حتى مقاطع باليوتيوب مالقيت له ؟؟؟!!

تغيروا المدربون ومازال سول الزول ماسكن اساسي غصبن علينا ,, وآخرتها يجلي داخل الثمانطعش ==> ام الاحتراف ياشيخ ؟؟؟!!!

هل فعلا السول زول لاعب تكتيكي مثل ماقالوا عن ويلي أول ماجاء ؟؟

اللي يفرق ويلي عن سول الزول ان ويلي تقل يسوق سيكل من السرعة وايضا ويلي سجل اهداف نفع الهلال
طبعا لدي تحفظ على ويلي السويدي لانه كان الاولى بجلب لاعب مهاجم افريقي من الدوري الايطالي او الاسباني
لان الافريقي تجاربه بالدوري السعودي مشهود لها
من ايام بلادي كوما واسحاق كواكي وماما دوصو ويحي جاكو وغيرهم.. وحاليا شوفوا البرنس تاجو
وبوريس كابي لاعب الرائد

انا ما اقلل بويلي بالعكس ويلي نافع الهلال ولكن اقول كان الاولى جلب مهاجم بحنب ياسر
بدال ويلي لاني مادري وش يبي يصير بويلي لجاء طباخ اللون ... يبي له اديتر بنز ست رصات

اما ابن الكورية سول الزول ... وش سوى ؟؟؟؟؟؟؟؟؟؟؟؟؟؟؟؟؟؟؟

قولوا لي ؟؟؟؟

لا أحد يطلع لي الحين ويقول يجب دعم اللاعبين في هذي الفترة الحساسة ومدري وشو ؟؟

سكتنا بما فيه الكفاية وبعدين سول الزول مايفهم عربي

الوضع ياجماعة ان الهلال جالس يتضرر من سول وطقته .

واللي خايف منه ان يتم تجديد الثقة بهالكوري الزول وطقته الذي يشبه
خيال المآته ... أحس وهو يلعب انه توهم مقومينه من النوم ما افطر ولا غسل وعلى جنابه بعد

هذا رأيي يعبر عني انا جمجمة الهلال وبكل قواي العقلية اوقع على ذلك ..

تصبحون على خير

سفيـــ10ـــر الكويت · #2 03/05/2009, 02:08 AM

ههههههههههههههههههههه اوما زول

خلااااااااص والله انتم وانا معكم نتفناه نتتيف كلها مباراتين ويطس بقريح اذكروه بالخير يالربع

سابي النظر · #3 03/05/2009, 02:13 AM

بالتوفيق إن شاء الله للزعيم

وافي زمانه · #4 03/05/2009, 02:16 AM

ههههههههههههههههههههههههه
عزالله تشبيه في محله زول

الـوفـا ديـــن · #5 03/05/2009, 02:17 AM

أتمنى أن أرى الشلهوب بدل سول في المباراة القادمة من بداية المباراة و ليس في آخر عشر دقائق

أتمنى المطالبه بالشلهوب على الأقل نستفيد من الكرات الثابته

أزرقــــ11ــــــــــ · #6 03/05/2009, 02:18 AM

يعطيك العافيه برجنيف بس الزول كان افضل السيئيين

ابو خراشي · #7 03/05/2009, 04:02 AM

هههههههههههههههههههههههههه

بصراحه موضوع شيق...ورهيب..!!

الا....بسالك سؤال..الحين...ليش كل ماحد قالي رهيب..على اطوول اتذكر راشد..!!

ليتك تطرقت لمحمد فيتنامي...!!

هالادامي مدري وش لون يلعب...ياخي حتى كسراته..وخشونته..نكته!!