الحكم يعطي ياسر كرت ويقول له قالوا لي عنك ... تحصلها من وين ولا من وين يا ياسر - نادي الهلال السعودي - شبكة الزعيم

الســـــيف · #1 03/05/2009, 01:14 AM

بسم الله الرحمن الرحيم

في اخر التصريح اللي ادلى به الرئيس على هذا الرابط .

http://vb.alhilal.com/showthread.php?t=763735

ان ياسر عندما ذهب ليناقش الحكم بعد سقوطه في منطقة الجزاء تفاجأ بأن الحكم يقوله " قالوا لي عنك "

تحصلها من وين ولا من وين يالقنــاص ،،

يهتفون ضدك في المدرجات ولاحد يوقف معك ..

لا لجنة انضباط ولا احد من الادارة يدافع عنك ،،

يتركونك لحالك .. وبعدها يجون يعاقبونك ،،

وش السالفه ياجماعة الخيــر ؟؟؟

....

مشكلة الهلال غيــاب الروح ،،

الاعبيين يلعبون بدون نفس ،،

ولاحد يعاقبهم .. أما يــاسر علشانه اخذ كرت خصموا نص راتبه

وبصراحه ما ألوم يــاسر بسبب الظروف اللي مرت عليه الفتره الاخيره ،،

وفوق كذا يلعب هجوم لحاله والكل يطالبه يسجل ،،

وغيره من الاعبيين يلعب باستهتار ولاعنده اي احساس بالمسوؤليه .. لانه ضامن اذا مانطرد مايتعاقب ،،

ولانه عارف انه مافيه بديل له على نفس المستوى ،،

مو معقول اللي قاعد يصير ..

...

الوصول لدور الـ 8 مو صعب على الهلال ..

فالزعيم قادر على ذلك ،،

ودور الـ 8 يبدأ بعد اكثر من ثلاث شهور ،،

ثلاث شهور كفيله بترتيب الاوراق وانضمام المحياني الى الكتيبه الزرقاء بجوار ياسر وتواجد مدرب على مستوى يليق بطموح الهلال ..

طموحنا الاهم هذا الموسم هو دوري ابطال اسيا ..

ونحن اقرب مانكون الى الدور الثاني .. ..

فكل شيء يعوض .. الا الخروج من الاسيويه ..

دمتم بخير ..

leo messi · #2 03/05/2009, 01:17 AM

لابارك الله فيهم ... قسم بالله كرهونّا الكورة ....!

حسبي الله عليهم .......!

الله ينتقم من كل شخص يقوم بهالامور الدنئيه عشان كوره ...!!

ابو فهد11 · #3 03/05/2009, 01:20 AM

الأهم الآن لزعيمنا هو التأهل للدور الثاني في البطولة الآسيوية ................لكي يرتاح اللاعبين نفسيا وجسديا من ضغط المباريات

فاللي تعرض له الزعيم هذا الموسم لو تعرض لفريق آخر كان نزل للدرجه الثانية .............

Toly Mak · #4 03/05/2009, 01:22 AM

طيب جيبوا الحكم وحققوا معه ..

واذا طلع ياسر صادق في كلامه ..
فعندها لكل حادث حديث ..

اما تجي تقولي قالي الحكم كذا وكذا
وبعدين يروح الحكم ولا احد يحقق معه اجل وش نستفيد ..

لابد من التحقيق مع الحكم
ويفكنا عبدالرحمن بن مساعد من المثاليه الي مال ابو ابوها داعي ....

Maystro9999 · #5 03/05/2009, 01:23 AM

والله شي يرفع الضغط ياسر يحصلها من الهتافات اللي ضده والا من جمهور ناديه والا من الاداره

لو انا منه كرامتي اهم كلن يجاربني حتى ادارة ناديي ماوقفت معي بكره بنخسر ياسر مصيره مصير الدوخي بينتقل لنادي يعرف مكانته ويدافع عنه

الاداره شاطره تدافع عن اشباه الاعبين المفرج ونامي والعنبر اما النجوم بتضيعهم

R.o.y · #6 03/05/2009, 01:27 AM

الله يعين ياسر ويوفقه ان شاء الله انا ماادري ليه الاكثريه تقول مستواه نازل اكيد ينزل مستواه مهاجم وحيد في الهلال
وخاصة بالفتره الاخيره الكل يعرف الظغوط النفسيه

زعيم . الجوف · #7 03/05/2009, 01:30 AM

الفريق عرض لظروف وضغوطات كثيره هذا الموسم

أنا أعذرهم .. ولكن اطلب منهم القتال من أجل فريقهم وعدم الاستسلام

عبدالعزيز العرجاني · #8 03/05/2009, 01:32 AM

ما قصرت اخوي

وياسر مظلوووووووووم

الربيع 20 · #9 03/05/2009, 01:33 AM

رياضة تأمر ........وفساد

لاحول ولاقوة الابالله

طردوا مدربنا من دون وجهة حق
وبدون تحقيق .................

وقفت على ياسر مو عجزين
...........حسبنى الله ونعم الوكيل

...........