بسم الله الرحمن الرحيم
تحيه طيبه للجميع
و الله مأدري من وين ابدأ بالموضوع
ببدأ اول شي بالمنتدى 
بيستغرب البعض من الطلب 
اتمنآ ان المنتدى بعد كل مبارة يتقفل عن مشاركآت الاعضاء في حآلة الفوز وفي حآلة الخسارة
صرآحه بعد كل فوز تلقى بعض الاعضاء يطيرون الفريق بالعجه
يعني نآخذ مبارة الهلال و النصر الي انتهت 1-1
بصرآحه كلنآ كنآ نتوقع انهآ بتكون نتيجه تاريخه وبيكون يوم الزعيم .. الخ
هدف لنصر تعادل للهلال في آخر الدقائق
دخلت المنتدى بعد المبارة تقريباً بسآعه
الاعضاء طايرين بالعجه يحلمون .. اتحدآهم يفوزون .. الخ
سؤآل هل الحين التعادل مع النصر شي إيجآبي مع احترآمي للنصر ..!!
في كل شي الهلال يتفوق الاعبين المحلين و الاجآنب
بس ردة الفعل كأننآ فآيزين ع النصر
هذآ المثال وقت التعآدل
ومثال ع الفوز
مبارتنآ مع الاهلي الاماراتي في الامارآت
الي انتهت لمصلحت الزعيم 3-1
كل الاعضاء مبسوطين ومن حقهم وشي طبيعي
بس بحدود العقل احنا فزنآ بس بآقي قدآمنآ المشوآر طويل
و للآسف الي بشوف المبارة اكثر من مره
كنآ نلعب مع فريق سئ للغايه لا يفكر في الاسيويه ابداً
هدف التايب جآء من كره ميته ووضعهآ التايب بطريقه احترآفيه فرديه
الهدف الثاني ضرب جزآء
الهدف الثالث كره طويله ياسر يثبت الكوره سآعه ويشوت على رآحته
وفزنآ ولله الحمد بس المستوى مآ هوب مستوى الزعيم اما في حآلة الخساره مآ يحتآج ادخل قسم الجمهور الهلالي وشوف البلآوي سب وشتم .. الخ
يعني اذا لابد من المشآركآت يتم تحويل كل المشاركآت الي قسم التقييم هذي النقطه الاولى لموضوعي الي هو المنتدى 
ــــــــــــــــــــ
الرسآله الثانيه
وهي وجهة نظري وأن شاء الله تكون صحيحه
الهلال بحآجه الي دكتور نفسي مثل الانديه الكبيره و الهلال نآدي كبير
في فريق مثل الهلال وآجب وجود دكتور نفسي لإعآدة الاعبين الي حآلة نفسيه صحيه
بتقولون لي لاعبين الهلال مو مريضين
انا اوفقكم ع هالنقطه بس مآهوب شرط الوآحد يكون مريض علشان يزور الدكتور النفسي
الاعب في بعض الاحيان يحس انه خلآص مآ عآد يحتآج يلعب وبعض الاحيان يتحطم .. الخ
عندنآ في الهلال نجوم الوآحد مآيدري وش صآر فيهم
الشلهوب الصويلح الي كنآ متفألين فيه جداً اما الحين للاسف ياسر الي كلنآ انبسطنآ انه رجع لمستوآه يتحرك وكل شي بس صآر يآخذ انذرآت وينفعل بسرعه للاسف خآلد عزيز الي ترآجع مستوآه ومآجد المرشدي ايضاً لو تشوفون الاسماء مآهيب سهل ياشباب لاعبين كبار الشلهوب عزيز ياسر المرشدي عآمود فقري كآمل ..!! اتمنآ هالنقطه توصل الي ادآرة الهلال قبل ان يزدآد الوضع تأزماً
ـــــــــــــــــــــ
رسآله الي جمهور الهلال زعيمنآ يمر في ازمه حقيقه وحرب من كل الانحاء و الهدف الاطاحه بالهلال
ولكن ان كآن المثل يقول
اذا طآح الجمل كثرت سكاكينه
فالنكون الوقاء ونجعل طعنآت السكآكين تأتي فينآ نحن
حتى يقوم زعمينآ من جديد
ــــــــــــــ
رسآلة الي جمهور الزعيم في الريآض نجمنآ رآدوي و ابنه يرقدآن في المستشفى
اتمنآ من كل القلب ان تمتلأ غرفته بالورد و الهدآيآ له ولأبنه يرقد الاعب في مستشفى المملكه (( غرفه 307 ))
ـــــــــــــــــــــ
ختآماً
اسأل الله العظيم رب العرش العظيم
ان يكون في عون الزعيم ولاعبينه وأدرآته اخوكم سع ـد
ادارة المنتدى قفلوآ المنتدى لو سمحتوآ...نحتآج طبيب نفسي ..!! 
لا والله لايقفلونـه ... وين نروح بعـدينـ ..
الوضع العادي
