[هلالي وحبي لطارق]

بسم الله الرحمن الرحيم هذااول موضوع لي في شبكة الزعيم

ما ادري وش اللي يصير داخل البيت الهلالي لكن واضح ان الامور على غير مايرام
بالأمس شفت مقابله للمرشدي في الارتي وسأله المذيع
هل انت راضي بجلوسك بدكة الاحتياط قال المرشدي ومين يرضا
فقال له المذيع طيب وش سبب بقاءك وعدم مشاركتك اساسي
قال لا اعلم !
ويلهامسون عند تغييره امس ابدى انزعاجه عند خروجه وانه غير راضي على التغيير
وشفنا سامي وهو جالس يكلمه بعد خروجه ..
ياسر القحطاني للأسف ماكمل كم يوم من مقولته ان هذا اخر كرت احمر اخذه ويقوم امس بحركه
شبه متعمده وفي ملعب الشباب بأعاقة مدافعهم وكأنه ينتظر الكرت !
عزيز انخفاض في مستواه بشكل غريب
كل هالامور ماتصير الا اذا كانوا الاعبين متضايقين من شي معين موهذا هلالنا اللي نعرفه !!
المدرب ما اقدر احمله ولا واحد بالميه من النتيجه لانه جديد ومايعرف لاعبين الهلال وتوه ماتأقلم
وعلى قولتهم مادخل جو الفريق الى الأن ..
مشكلة الهلال ان كل لاعب الحين يقول ابسوي على كيفي واخذ كروت على كيفي
لايوجد قائد حقيقي داخل الملعب ولاموجه ..
اتمنى من بن مساعد انه يشوف حل في اقرب وقت الأسيويه على هالحال ماراح نجيبها
اذا كانت المشاكل اداريه ياليت ماينظر الى الاسماء ووزنها حتى لو كان الحل تغيير مدير الفريق
اذا كانوا الاعبين متضايقين منه انا كمشجع مايهمني من يكون مدير الفريق اهم شي يكون محبوب

قمة الغبنه والقهر تشوف فريقك بها الحال وهو اللي كان في افضل حال..
بالأمس هلالنا يشّبه وكأنه احد الانديه الاوربيه
في تكتيكه وصلابة خطوطه
والأن اصبح الطريق مفروش بالورود للوصول للدعيع
نامي والمفرج ااتمنى من كل قلبي لكم التوفيق لكن مستوياتكم ماتأهل انكم تلعبون للهلال
سول هالاعب عطيناه وجه زياده عن اللزوم واضح انه ماراح يقدم افضل مما قدمه
عبدالرحمن بن مساعد ارجوك تخفف من المثاليه شوي لانك وسط جو رياضي قذر وياليت
ماتروح حقوق الهلال وجماهيره تحت مسمى المثاليه ..
طارق التايب لازال الأفضل في اجانب الهلال واتمنى عدم التفريط فيه فهذا الاعب كنز ..
هل يعقل لاعب مثل الصويلح يكون بدكة الاحتياط الفريق الاول
والله اني ابصم بالعشره ان فيه نجوم موهوبين في درجة الشباب لكن لم يعطوا الفرصه
ولم يهتم لأمرهم احد بعد رحيل كوزمين ..

ااه ياهلال اي داء اصابك ..
هل نجح مخططهم بتدميرك بأبعاد مدربك
نعم نجح وبامتياز


حسبنا الله ونعم الوكيل في كل من حارب هلالنا