[( ّ عاشق الزعيم ّ )]

ان المنتدى للأسف يكون فيه ناس يدسون السم بالعسل هذا شي طبيعي بحكم زعامتنا للأندية السعودية وعلى طريقة كل ناجح محارب .

لكن يجي مشجعين للهلال وينجرون للمهازل والترهات هذي الي مانقبلها.

طول عمرنا نحمد الله ونشكره اذا شفنا جمهور الفقر ومشاكلهم مع اداراتهم المتعاقبة ومع بعضهم البعض .

كون اننا ننتقد هذا من حق كل واحد فينا بس توصل للشخصنة واللعن هذي ماتعودنا عليها وتراها لغيرنا حنا ياسادة الجمهور المثالي طول عمرنا كذا وسنبقى كذا .

ليس دفاعاً عن عبدالرحمن بن مساعد لانه ليس بحاجة لشخص يكتب خلف الشاشة والكيبورد ليدافع عنه ولكن تبيان للحقيقة الغائبة عن البعض كرسي رئاسة النادي تكليف وليس تشريف وخصوصاً رئاسة نادي مثل الهلال وشبيه الريح الغى اولوياته وتارك اشغاله ويدفع من جيبه كله للهلال ويجون ناس يدفعون دفعاً للإسائة والاسائة فقط بمجرد هزيمة الهلال بنتيجة كبيرة .

اذا الهلال اهتز في نهاية هذا الموسم فالاسباب مو بيدي ولا بيدك ولا بيد ابن مساعد الكل يعرف الاستهدافات الي نتعرض لها على جميع الصعد من اعلى مسؤول بالاتحاد الاسيوي حتى اصغر مسؤول في اتحاد الكرة ليس بداية بكوزمين وليس انتهاء بضرب لاعبينا .

لكن اهتزازة موسم لاتزيدنا الا قوة وهذا ماسترونه مو 11 موسم ضايعين وماعندنا الا بطولة تحت 23 سنة وترى هذا مو تلميح تصريح ويافقراوي اقرأ

يكفي شبيه الريح 16 بطولة في جميع الالعاب في هالموسم فقط ( هذي الي اعرف اذا فيه شي غايب عني ارجو التصحيح ) وهذا نجاح لأنه رئيس للنادي ككل والنادي مو بس كرة قدم .

خزعبلات الخمسات اشوف كثيرين اللي يلمحون لها بس مويتنا صافية والموية العكرة تلقاها في المنتديات الثانية

صدقوني من اهم اسباب العزوف الشرفي في اي نادي مشاكل الجمهور مع ادارات النوادي انا ادفع واتعب ويجي شخص يستخسر قيمة تذكرة ويشرشح فيني

حال الفريق مو عاجبنا واتمنى اشوف بيان ( الغربلة والتشويت) كي لايلبس الشعار الا من يستحق

تحياتي