السلام عليكم ورحمه الله وبركاته
يا جماهير الزعيم يا احباء الموج الازرق خلونا نتكلم بصراحه ونساند الفريق بالسراء و
الضراء
اول شي الحمدلله ان الزعيم له تاريخ مشرف وجمهور مشرف والحمدلله اننا متأكدين ان رجال الهلال او اعضاء الشرف كلهم على قلب واحد وكلهم ما يبون الا مصلحه الزعيم
يمكن اليوم كلنا زعلنا على مستوى الهلال بالمباراه وما كنا راضين عنه وانا معاكم بالزعل ولكن زعل من غير تجريح لاي لاعب او اداري لاننا نسينا الاسباب او تناسيناها بسبب الخساره من الشباب
اول شي خلونا نتكلم عن المدرب
ليكنز نزل المباراه بتشكيله معقوله ومتوقعه نسبيا ولكن هناك نقطه بسيطه هي - ويلي كان يلعب جناح يسار وسول كان يلعب جناح يمين - وهذي اول مره اشوفه يبدا المباراه بهالطريقه ولما ويلي رد لمكانه بنص المباراه شفناه شلون كان يبدع لما كان يلعب بخانته اللي هي جناح اليمين وسول نفس الكلام
ليكنز لم يوفق في التبديلات ولا نعرف الاسباب بالعقل يعني انت قاعد تلعب بمحورين والنتيجه للفريق الضد شلون تسحب لاعب محور ( خالد عزيز ) وتدخل ( الغنام )
والتديلات الثانيه كلها دمار للفريق فهل يعقل تطلع شعله النشاط ويلي او تخرج طارق التايب اللي كان من مبدعين المباراه وكانت اغلب الكوره اللي تطلع من عنده خطره ولو انه عليه بعض الملاحظات الصغيره ولكن وينك عن سول اللي ما قدم المستوى المرجو منه بالمباراه
ثاني شي خلونا نتكلم عن الاظهره
نااااااامي اااااااااه يا نااااااااامي والله لو اني ما اعرف مستواك يا نامي ما قلت اااااااه يا نامي والله انك لاعب كبير ولديك من الامكانيات الكثير يا ولد نامي بس مشكلتك الارتباك والتسرع وان شالله نشوفك احسن من المستوى اللي شفناه اليوم
الزوري ااااااه يا الزوري اليوم ما شفناك شفنا شبح الزوري اين الزوري بانطلاقاته القويه بدفاعه السليم بتركيزه بالمباراه من اول دقيقه الى اخر المباراه انا ادري انه عندك احسن من هالمستوى وان شالله نشوفه بالاياب
ثالث شي الهجوم
حراااااااااااام ياسر يلعب بالهجوم لوحده حراااااااااام حرااااااااااام والله الفريق اللي يلعب بمهاجم واحد فريق يبي يطلع باقل الخسائر وما يبي الفوز وانا ادري لو هناك واحد ثاني مع ياسر عشان يقدر يتحرك احسن شوي جان شفنا ياسر بشكل ثاني وشفنا هجوم الزعيم بالشكل المثالي
واخيرا وليس اخرا احب اوجه كلمه شكر للامير عبدالرحمن واعضاء شرف الهلال والاداره واللاعبين يالبى قلوبهم واحب اقولهم الهلال يمرض ما يموت وجمهور الهلال يقولون للكل ادارتنا وتمون اهم شي اننا كسبنا نادي الهلال يحلته الجديده الاحترافيه على كل المستويات حتى الجمهور كان جمهور على مستوى احترافي فديتهم
واحب اقول للكل اصبرو على الهلال وان شالله الاياب راح نشوف الهلال ومثل ما جابو الشباب 3 اهداف تراها سهله على الزعيم يجيب 3 و 4 باذن الله بس اهم شي التركيز على المباراه وان شالله الفوز للهلال باذن الله
وان شالله ما اكون طولت عليكم وترا كلامي كله وجهه نظري الشخصيه اللي يؤيدني يؤديني واللي معارضني اقوله الاختلاف في الرأي لا يفسد للود قضيه وتقبل وجهه نظري وقولي وجهه نظرك وانا ان شالله راح اتقبلها
واحب اقولها مره الثاني الزعيم يمرض ما يموت
الوضع الشجري
