واضح ان العنوان اعطى اضاءة لموضوع المشاركة ..
احب الخص اهم نقاط تكتيكية اعتبرها كارثية يجب الانتباه لها قبل المباريات القادمة وهذه موجهة لك عضو زعيم
وبالاخص لادارة الهلال والمدرب ومدير الكرة الاسطورة ( ســامــي الجــابــر ) أهم هذه النقاط :
1- الانظباط التكتيكي يعني كل لاعب يحاول كثر مايقدر يتمركز بمحله واذا تاخر او تقدم يكون له بديل بجانبه يغطي
مركزه وهذه النقطه مهمه بالاخص على الاظهره والوسط ...
2- انظباط مدافعي ومحاور الفريق نلاحظ تقدم او ابتعاد رادوي او خالد عزيز لتغطية الظهير او التقدم للامام الشي الي
يترك المدافعين مثل اسامه هوساوي والمرشدي قبل والمفرج الحين يتقدمون او يغطون خانة المحور او الاظهره واكبر
دليل على هذه الكارثة عند تغطية ماجد المرشدي لخانة الزوري الشي الي ترك فراغ وخلى نايف هزازي يسجل
الهدف الاول من اوفر ابو شروان والمشكله اسامه هوساوي يتفرج فيه ..
3- تقارب المساحات بين خطوط الفريق نلاحظ في فجوات وفراغات تخلي الفريق الخصم يخلخله باوفر او باص ون تو
يعني الوسط احيانا يكون متقدم والمحاور متباعدين والدفاع يغطون على الاظهره او يخلصون كور من الوسط او الوسط
بعيد عن الهجوم الشي الي يخلي لاعبي الخصم يفتحون ثغرات تتسبب في اخطاء كارثية وخاصة من لاعبين
لايحسنون التصرف مثل الزوري او محمد نامي ..
4- المشاهدة والاستمتاع من قبل لاعبي الوسط والمحاور واحيانا الاظهره للاعبي وسط وهجوم الخصم يعني لاعب
من الخصم يبي يسدد اي لاعب من لعيبة وسطنا او المحاور يتفرج فيه الين يسدد على الدعيع او يمرر كور قاتلة يجي
منها الهدف او تتسبب ببنلتي مثل ماصار مع رادوي عند مشاهدته للزوري وهو يتسحب على وجهه وما غطا مرور
ابو شروان من الزوري ويعيب رادوي ثقل جسمه في الارتداد والسرعة في التغطيه كثيرا وهذه مشكله لللاعب
محورومركز حساس مثل المحور
...
ومثل هدف نايف هزازي ومشااهدة اسامه هوساوي لنايف يرتقي في الهواء ويسجل براسية ولا اروع وكأن هوساوي
لاعب من لاعبي الاتحاد ..
ومثل كرة ريان بلال وراسيته الضائعه في مباراة الاياب وارتقااه من نامي وقصر قامة محمد نامي أين المدافعين عنه ؟؟؟
5- ضعف القتالية على الكرة واستخلاص الكرة وشي معروف جدا اهمية لاعب ضاغط على حامل الكرة ولاعب يغطي
باقتدار اللاعب الخالي بدون كرة حتى يكون بوضع الاستعداد لتغطية لاعب الخصم عند وصول الكرة له ...
والي نشوفه من لاعبي وسط ومحاور الهلال يخلون اللاعب على راحته يستلم ويسلم وبعد مايسحب اثنين ثلاثه او
يسحب معه كم لاعب يظبط كوره للاعب المتمركز ويسجلها على راحته مثل هدف نايف هزازي ومثل هدف ابو شروان
والكلام ينسحب على بقية الاهداف الي سجلت في نادي الهلال واقصد في الادوار والمباريات الهامه والنهائيات الهامه ..
6- قلة تسجيل الاهداف وفشل التركيز في تسجيل الهدف ووضعه بالشكل الجيد امام الباب لدرجة اني على يقين
وتأكد ان لاعبي الزعيم لو ضيعو اكثر من ثلاث كور موكده التسجيل امام الباب اتاكد ان المباراه اوالفوز راح للفريق
الخصم والدليل مباراة النصر بالاياب الي الله ستر فيها ومباراة الدور الثاني قدام الشباب ومباراة الدور الثاني امام الاتحاد ..
استعراض للتسجيل ويمين وشمال وبالاخر بكل برود يا برا الباب او كورة ضعيفه للحارس او تخليص المدافع لها واكبر
دليل على كذا استعراض ياسر القحطاني في مباراة الذهاب ووضعه للكرة في بطن الحارس بكل سهوله ضيع هدف
محقق وارتباك وتشتت ذهن الزوري امام النصر في الاياب كورتين هدفين محققه وحده ايدير خلصها والثانيه برا يعني
مايشوفون لاعبينا الباب وطوله وعرضه ووين ممكن احطها بالشكل الصحيح وبقوة ووضعية ممتازه والتركيز قي وضعها
والتوقيت الصحيح للتهديف وكيفيته يعني كور سهله ومجهزه امام المرمى تضييع بكل برود وضعف تركيز وارتباك
السبب الي يضعف فرصنا في التقدم والفوز وبالاخر نندم على تسجيلها ..
7- عدم قوة شخصية المدرب وحماسه على الاعبين وكلنا نعرف كيف كان المدرب الداهية العظيم كوزمين مع لاعبي
الزعيم نار وحريقه على خط الاوت لكل خط وتكاسل وتقاعس من لاعبي الزعيم في التهديف او التغطيه
..
ونلاحظ ليكنز بارد على دكة الاحتياط بحكم التجربه لاعبي الزعيم محتاجين مدرب يصارخ على اللاعبين وويوجهم بكل
حرفية ومتابعه داخل المباراه وهذا سبب مهم في الكوارث الي راحت ..
8- الاستعراض الزائد من لاعبي الزعيم في المهارات واتباع الطرق الصعبه لتسجيل الهدف يعني نتعب طول المباراه
على هدف هدفين بطلوع الروح ولا اروع منها نريد الاقتصار على المهاره الي توصلك للمرمى وباقصر الطرق بدون
كباري واوفرات وكعوب وتسحيب خشوم يميين وشمال ...
بعد تسجيل اكثر من هدف مبكر نقدر نقول يحق للاعبي الزعيم الاستعراض المنظم ...
9- فتح اللعب للكابتن القدير القناص ( يــاسـر الكــاسر ) هذا اللاعب مخنوق بين اكثر من مدافع وربي ارحم ياسر
وقوعه بين غابة مدافعين نريد من لاعبي الزعيم فتح المثلثات والمربعات حتى يتسنى للياسر التسجيل والابداع كيف
ترفع كرة يسول للياسر وهو محاط بين ثلاث مدافعين مثل مباراة الاياب مع الاتحاد وكيف تعطي كورة لياسر وهو محاط
بين مجموعة مدافعين في مباراة النصر بشوية تفكير لمتى يعتبر المنقذ للزعيم هو ياسر القحطاني انا احمد الله
دائما وابدا على نعمة استمرار ياسر القناص المبدع بدون اصابات خطيرة
..........
مطلوب من ويلهاسمون وسول وطارق التايب واي مهاجم مع ياسر يسحب عنه مدافعين ويفتح لياسر مجال للتسجيل
والخروج من هذه الكماشه ونلاحظ كثير لعب ويلهامسون وسول على الطرف والتايب لمساته بعيد عن ياسر وحتى لو
وصلت كرة لياسر لا يستطيع عمل شي فيها لانها ساعتها راح يكون محاط بكتيبة من لاعبي الخصم .......
وهذه مشكلة كارثية في صميم تكتيك فريق الزعيم .......
10- وهذه النقطه اتمنى تداركها بانتهاء الموسم وهي جلب لاعبين يملؤن مراكز الزعيم ظهير ايمن وظهير ايسر
ومهاجمين ومدافعين .. ويكونون لاعبين بمستوى الكبار وبمستوى الزعيم وبطولاته امثال ويلبهامسون وسول وياسر
واسامه هوساوي وحارس يبدع بقتدار بمرمى الزعيم ونحن نعلم على وشك الااعتزال الدعيع ولو اصيب لاسمح الله
فمن يملء الخانه الموجودين بربع مستوى الدعيع واقل ..السبب في جلب لاعبين كبار ومبدعين القائمة الطويله
للبطولات التي يشارك بها الزعيم بدء من بطولة الامير فيصل بن فهد رحمه الله وانتهاء بكأس العالم للانديه يعني
هالموسم خمس بطولات والسادسة بطولة اندية العالم في ديسمبر تتخيل ست بطولات مافي لاعب يرهق يصاب
تعتمد على لاعب وحيد ومتميز في مركزه والباقي يكملون عدد هذه كارثه بحد ذاتها ...
هذه اهم نقاط يبنغي تداركها قبل حصاد البطولات امامنا بطولة كاس خادم الحرمين الشريفين حفظه الله وبطولة كأس
اسيا وبطولة اندية العالم ... ونحن نتخبط بين عقدة تميز الداهية كوزمين وبين قلة المتميزين من لاعبي الزعيم وبين
الارهاق من جراء كثرت المشاركات وبين ضياعبطولة الامير فيصل بن فهد رحمه الله و بطولة الدوري بكل سهولة من بين يديه وعلى ارضه باخطاء كارثية ..
والخوف من القادم ان لم تتدارك هذه النقاط ويتم التعامل معها باحتراف واقتدار ...
اطلت المشاركة .. وبانتظار ردودكم .. والاستنارة بارائكم ...
دمتم بود ...
اأخطاء وكوارث تكتيكية لجوقة الزعيم ( الهلال ) يجب الانتباه لها قبل نهاية الموسم .. 
الوضع الشجري
