الهدف بهدفين!!! - نادي الهلال السعودي - شبكة الزعيم

@أميرة الورد · #1 15/04/2009, 02:51 AM

موضوعي استفسار
عشان ماتقولون موضوع مخالف وتحذفونه

امس بالقرعه
سمعت شئ مو متاكده منه
من هذاك عبدالهادي

قال لو امتدت المباراة للاشواط الاضافيه
يحسب الهدف بهدفين

يعني لو الهلال تعادل بالمباراة الاولى في ارض النصر
0/0

والمباراة الثانيه بارضنا وتعادلنا 0/0

تمتد لاشواط اضافيه
واذا انتهت 1/1
يتاهل النصر
لان الهدف بهدفين

Mя.βάĐeя · #2 15/04/2009, 03:05 AM

تسالين السؤال وتجاوبينه ..

هم مسوين بيحتكون بدوري ابطال اوروبا بس مو عارفين ..

بالتوفيق للزعيم ..

@أميرة الورد · #3 15/04/2009, 03:07 AM

اجاوب عشان اتاكد

يعني صح بالاشواط الاضافيه تدبل الاهداف
ولا وش السالفه

هلالي وأقهرهم · #4 15/04/2009, 03:08 AM

وآنت عندك آمل آنا بنتعآدل مع النصـــــر ههههههه<<<< نكتة الموسم

بصرآآآحه آنا مآسمعت العبدالهآدي هذا يوم قآلها بس مآتوووووقع

تحيآآآتي,

Mя.βάĐeя · #5 15/04/2009, 03:14 AM

إقتباس


	اجاوب عشان اتاكد يعني صح بالاشواط الاضافيه تدبل الاهداف ولا وش السالفه

السالفه ومافيها الساعه 3 وربع ,,

وانا واحد وراي مدرسه ,, وقومه ..

والسهر يضر .. فنومو ولا طفيت النور حق شبكة الزعيم <

وباذن الله بكرا الزعماء يجاوبونكـ ..

يالله تصبحين على خير ..

@أميرة الورد · #6 15/04/2009, 03:15 AM

إقتباس

الرسالة الأصلية كتبت بواسطة بــــــ Mr.bdr ــــدر


	السالفه ومافيها الساعه 3 وربع ,,

إقتباس

الرسالة الأصلية كتبت بواسطة بــــــ Mr.bdr ــــدر


	وانا واحد وراي مدرسه ,, وقومه .. والسهر يضر .. فنومو ولا طفيت النور حق شبكة الزعيم < وباذن الله بكرا الزعماء يجاوبونكـ .. يالله تصبحين على خير ..

طيب يابو مدرسه
رح نم

انا فاضيه وماوراي شئ

ننتظر احد يرد
رد متاكد منه

وانت من اهله

@أميرة الورد · #7 15/04/2009, 03:13 AM

كل شئ جايز

ولا تعتقد كل اللي سوه بالهلال
ليش
مو عشان عيون اصفرهم

على العموم انا سامعته
روحوا تاكدوا من الفيديو

لانه ذكر في حال التعادل بالاشواط الاضافيه
ينظر للاهداف
وش يقصد !!!!!!!!

aboody29 · #8 15/04/2009, 04:25 AM

السالفه و ما فيها أن المباراة وحده بأرضنا ووحده بأرضهم

مثلا ً و ركزي معي كويس ..

المباراة الأولى على أرض النصر تعادلنا 1\1 .. والمباراة الثانيه على أرضنا تعادلنا 2\2 ، يتأهل النصر لأن الهدف بهدفين في حالة التعادل بالنقاط .. يعني اذا فاز و فزنا و اذا تعادل و تعادلنا ..

مثال ثاني .. اذا تعادلنا 1\1 على أرض النصر .. وعلى أرضنا تعادلنا 0\0 نتأهل حنا لأننا سجلنا هدف في ملعبهم ..

مثال ثالث .. على ملعبهم فزنا 1\0 .. وعلى ملعبنا فازوا 2\1 .. يتأهل النصر لأنهم سجلوا هدفين خارج أرضهم و حنا سجلنا هدف واحد فقط .. يعني الأفضليه لهم ،

مثال رابع .. فازوا على أرضهم 2\1 .. وفزنا على أرضنا 1\0 .. نتأهل حنا لأننا سجلنا هدف في ملعبهم والهدف خارج الملعب يعني بهدفين .. يعني 1+1 = 2 + 1 = 3 < الواحد زائد واحد اللي هو الهدف اللي سجلناه في أرضهم .. والواحد اللي مع الأثنين اللي هو هدفنا في ملعبنا .. تطلع النتيجه 3\2 لصالحنا ..

فهمتوا ولا أعطيكم أمثله بعد .؟ < يحس أنه بمحاضرة رياضيات خخخخخخخخخ

بالتوفيق لزعيمنآ ،

@أميرة الورد · #9 15/04/2009, 04:46 AM

خخخخخخخخخخخ
يعطيك العافيه على الشرح
وانا فاهمه

بس اللي انا اسال عنه
في حال امتد الوقت للاشواط الاضافيه
وسجلنا حنا وهم وصارت 1/1

تدبل الاهداف ولا لا
لان مباراة الاياب على ارضنا

وهذا اللي فهمته من كلام عبدالهادي

لانه قال اعيد واكرر
هذا كلامه
(في حال التعادل بالاشواط الاضافيه</B>
ينظر للاهداف )

دام النتيجه تعادل وش الفايده من النظر للاهداف
الا اذا كانت تدبل

وياليتكم تنزلون مقطع فيديو للقرعه
وتسمعون كلامه بالاخير لما قعد على باله يوضح الاليه</B>

aboody29 · #10 15/04/2009, 05:00 AM

انا فاهم وش تقصدين ..

وكلامك مافيه اشكاليه واللي مافهمتيه ركزي معي شوي وتفهمينه ..

الحين انا كتبت لك كيف يفوز الهلال و كيف يفوز النصر أو بمعنى أصح طريقة احتساب الأهداف وحسم المباراة ..

نفس الكلام ينطبق على الأشواط الأضافيه

اووووووووووووووووووووووه .. نسيت شـي مهم جدا ً قبل ان يكون الهدف بهدفين

يقول فارق الأهداف اذا تعادلوا فيه يصير الهدف بهدفين خارج الأرض ..

بعطيك مثال ..

1 \ في المباراة الأولى فازوا 2 - 0 وفي المباراة الثانيه فزنا 3 - 0

مجموع ما له و ما عليه للنصر هو -1 لأن عليه 3 و له 2

والهلال له 3 و عليه 2 اذا ً فارق الأهداف للهلال هو + 1 .. يعني يتأهل الهلال ..

مثال ثاني ..

اذا فزنا في المباراة الأولى 3 - 1 .. وفازوا هم في المباراة الثانيه 1 - 0

النصر : له 2 و عليه 3 يعني -1

الهلال : له 3 و عليه 2 يعني +1 ويتأهل الهلال

مثال ثالث ( الهدف بهدفين )

فازوا المباراة الأولى 2-1 .. وفزنا المباراة الثانيه 2-1

نجي لفارق الأهداف .. النصر له 3 و عليه 3 يعني 0 والهلال له 3 و عليه 3 يعني 0 يرجعون للي سجل خارج أرضه .. الهلال سجل هدف واحد والنصر سجل هدف واحد .. كذا يلعبون اشواط اضافيه

انا اخطيت وقدمت الهدف بهدفين على فارق الأهداف .. أعتذر للجميع ،

@أميرة الورد · #11 15/04/2009, 07:41 AM

مثال ثالث ( الهدف بهدفين )

إقتباس


	فازوا المباراة الأولى 2-1 .. وفزنا المباراة الثانيه 2-1 نجي لفارق الأهداف .. النصر له 3 و عليه 3 يعني 0 والهلال له 3 و عليه 3 يعني 0 يرجعون للي سجل خارج أرضه .. الهلال سجل هدف واحد والنصر سجل هدف واحد .. كذا يلعبون اشواط اضافيه

شكلك مافهمت علي
او انا مافهمت عليك
هههههههه

طيب هالحاله الاخيره
صارت ولعبنا اشواط اضافيه
وسجلنا هدف وسجلوا هم هدف
صارت 1/1
من يتأهل

>>>>هالحاله الاخيره هي اللي اسال عنها

دامنا نلعب اشواط اضافيه ليش تدبل الاهداف
ليش الفريق اللي بيلعب على ارضه اشواط اضافيه يستفيد او يتضرر
وهي اشواط اضافيه

aboody29 · #12 15/04/2009, 08:00 AM

^^

اذا لعبوا أشواط أضافيه و تعادلوا 1-1 .. يتأهل اللي سجل خارج أرضه .. بتقولين ليه يتضرر .. أقولك انت لعبت في ملعبهم شوطين ولا قدرت تسوي شي .. لعبوا عندك وسجلوا فيك هذا موب ذنبي هههههههههههههههه ..

والنظام هذا معمول فيه بكل مسابقات العالم بما فيها دوري ابطال اوروبا ..

@أميرة الورد · #13 15/04/2009, 09:13 AM

إقتباس

الرسالة الأصلية كتبت بواسطة aboody29


	^^ اذا لعبوا أشواط أضافيه و تعادلوا 1-1 .. يتأهل اللي سجل خارج أرضه .. بتقولين ليه يتضرر .. أقولك انت لعبت في ملعبهم شوطين ولا قدرت تسوي شي .. لعبوا عندك وسجلوا فيك هذا موب ذنبي هههههههههههههههه .. والنظام هذا معمول فيه بكل مسابقات العالم بما فيها دوري ابطال اوروبا ..

ومو ذنبي بعد اني لعبت شوطين في ارضهم
وهم لعبوا 4 اشواط بارضنا

ومتاكد ان في دوري اوروبا يدبلون اهداف الاشواط الاضافيه

aboody29 · #14 16/04/2009, 03:33 AM

ايه متأكـد و نـص .. .......

fhoody-00 · #15 16/04/2009, 04:15 AM

ههههههههههههههههه

سواليفكم فلللللللله

مع انها لحست مخي شوي

على العموم .. بالتوفيق للزعيم ان شا الله