[الهلالي 11]

السلام عليكم هارد لك جميعا والحين التفكير بالنصر ... النصر وبس الدوري راح بخيره وشره ومعنا من قبل ولي العهد وكاس الملك جاي باذن الله

ما اطول عليكم وباختصار انا كنت من ضمن الحاضرين بالملعب الواقع والمنطق يقول الاتحاد كان افضل بصراحه ويستحق الفوز لانه قدم افضل وعرف كيف يتعامل مع المباراة والل بيقول مندس بكيفه

شفت من اغلب الجمهور انه متقبلين الهزيمة من الشوط الاول بعد الهدف والطرد ... لذلك ما شفنا زعل كثير لان فعلا كان واضح مطرود عزيز ... متاخرين بهدف ولازم الفوز ... وطلع طارق مع انه ما كان بيومه ... لكن معليش كل التغييرات اللي سواها ما فكر يطلع سيول ابدا كان عاجبه يعني !!

طارق تتوقع منه يصنع هجمة باي وقت بس سول مع احترامي !! حتى طلع ويلي بعدين وخلاه ... اوكي ويلي كان سيء برضو بس احسن من سول اكيد

الاهم عندي نقطتين بقولها الفريق كله نجوم بس مشكلتهم نفسية بحته ... الاتحاد اخذ المباراة عن جدارة

الشي الاهم !!

بصراحه جمهور الهلال وعلى راسهم الرابطه ... سيئة سيئة سيئة جدا ... اتحدى اي احد بالملعب يقول ان الجمهور ما قصر ... والله الكم الف اللي حضرو للاتحاد انهم شجعو اكثر من كل جمهور الهلال

اسمحولي ... كان واضح جدا فرق الثوت والميكرفونات حقت رابطتهم ورابطتنا والله طول المباراة اني ما اسمع شي من الرابطه !! كلها اجتهادات جمهور ودائما فاشلة لان ما فيه ليدر ... وما فيه تفاعل

المطلوب اولا واخير ... رابطة زي الناس ولها معدات وميكرفوناس صح توصل لكل الجمهور مو سواليف وشكشكة وما احد درى عنهم وبرضو لازم يكون ناس منهم متوزعين بين الجماهير يحركوهم شوي

مختصر المباراة ... لا الهلال كان هلال !! ولا الجمهور كان متفاعل ... المباراة اخذها الاتخاد بجدارة ... وجمهوره والله كانو ابطال وما سكتو طول المباراة وكانها بجدة

ما ودي ادخل بالموضوع كثير لاني اعرف بعض العقليات هنا بتطلعني اتحادي متعصب لكن المهم جد لازم مراجعة الحسابات من كل الاعبين

الاعب الاتحادي الوحيد اللي لقى تصفيق حار من الجمهور الهلالي هو نايف هزازي ويستاهلها والله

بالتوفيق للهلال قدام النصر

شكرا للجميع

[أ هـ م 0001]

كلامك عين العقل وانا كنت من الحاضرين وفعلا جمهور الاتحاد كان واضح انه افضل من الهلال والكل متفاعل معهم

هارد لك