[بينو الهلاليه]

السلآم عليكم ورحمة الله وبركـآته


××آنْتَهَتْ الحـِكَآيـَــةْ ××
إنتهتّ حكآية الدوري وكآن الفصل الأخير فيهآ | تتويج العميد بدرعهـآ |
فصول الدوري من بدآيتها كآنت تسير لـ .. يسقط الزعيم مبكّراً .. ولكن لأنّه الزعيم فقد سآر ووآصل حتّى النهاية
بدآيـة دوري المحترفين فوجئنا بإصابة ويلي في معسكر بلآده وحآجته لفترة علآج فغآب عن بدآية الدوري !
و بعد أول جولتين تمّ ايقآف المحترف الليبي وصآنع الألعاب " طآرق التايب " وهو في أوجّ عطآءه فغآب لفترة شهر ونصف !
وآحضرنآ مدآفع أجنبي هو البوليفي رآلديس بعد رحيل تيفآ .. ووسط تألّق مدآفعينا مع المدرب السآبق كوزمين ~ فتمّ ركن المدآفع على الدكّة .!

فلعبنآ أغلب مبآريات الدور الأوّل بدون محترفين أجآنب ثمّ بمحترف وآحد فقط وهو ويلي
في وقتٍ كآن فيه الإتّحآد يمضي قدماً وسط تألَق أجآنبه واستفاد منهم جميعآ
طبعآ لآ تُلآم الإدآرة ولآ المدرّب وسط هذه الظروف فـ [ايقاف التآيب] ما كآن على البآل ولآ عالخآطــر .!! ثمّ إصآبته وآبتعاده لشهر ونصف تقريباً
وعدم الحآجة لمدآفع أجنبي في تلك الفترة [كآن وسط الإستقرآر وتألَق المدآفعين مع كوزمينْ ]
و [إصآبــة ويلي ] ~ قضآء وقدر .!
ثمّ بعد فترة إصابة ياسر المهاجم القنّآص الوحيد بالهلآل وغيابه لعدد من المباريات

-> ومع ذلك واصل الزعيم المسير لأنّه الزعيم <-

وكآن من المفترض أن يتصدّر الزعيم الدوري منذ وقتّ مبكر لولآ الأخطـآء التحكيمية التي سلبت منه نقطة التعآدل أمام نجرآن
وكأس الخليج الذي آجبر كوزمين على إرآحة اللآعبين الدوليين في مباراة الوطني الدورية " اللي بعد المباراة بيومين تقريباً " لأنه خآف من الإرهاق والإصابات وتأثيرها على اللآعبين / وتعآدلنا معهم فيهآ وفقدنآ نقطتين إضافية ~
في وقت استفآد فيه الإتّحآد من أخطاء التحكيم في مباراة الحزم , نجرآن , الأهلي واللي منحته خمس نقآط إضافيّة
| ما سمعت بأخطآء تحكيم جيّرت أيّ نقآط للهلآل ذي الســنة : في ظل وجود أخطاء بالكوم ولمصلحة الفرق الأخرى سواءً من المحليين أو الأجآنب | ..~
ولعب الإتحآد ضدّ الشباب في ظل وجود مدرّبهم الفاهي بومبيدو " أعتقد " وفآزوا برباعية مٌريحة ../ وآحنا شاء الله إنّا نلعب ضدّهم بعد رجعـة الدآهية هيكتور وطرد كوزمين
وما ننسى الإستهتآر في المباريات اللي على أرضنا وتعادلنا فيها مع الأهلي والوحدة بالذات وكان ممكن نفوز فيها لو لعبوا بحمااااس وروح .!
وفقدنا فيها نقاط كانت مهمّة .!!

-> ومع ذلك وآصل الزعيم المسير لأنّه الزعيم <-


وتمّ طرد مدرّبنا في وقت حرجْ / حرجْ / حرجْ ..~ ووآصلنا المسير وخرجنآ من عنق الزجآجة مرّتين [ آمآم الشباب بعد دقيقة من هدفهم / وأمام الوحدة بآخر الدقائق ] ووصلنآ لختآم الدوري مثل ما كآن متوقّع لنا !
صحيح وصلنآ بشقّ الأنفس .!!
صحيح أندية تلعب قدآمنآ بطريقة لو لعبت فيها من بدآية الدوري كآن نافسونا عالبطولة

-> ومع ذلك وآصل الزعيم المسير لأنّه الزعيم <-


لكن الفريق كآن من بدآية الدوري محتآج لهجوم وهجوم قنّآص ..
هجوم ما يفوّت النص فرصة ويخفّف العبء عن القنّآص ياسر ..
وجود كوزمين ضبط الفريق تكتيكياً ونفسياً .. / وكنّآ في ذآك الوقت نطآلب بلآعب هجوم سريع وقناص ومهاري فقط !
لآعب وآحد كآن سيكمل العقد الهلآلي .. ويصبح الزعيم مرعب هجومياً ومحآل جداً دفاعياً
دفآعنا غطّىـآ على عيوب هجومنــآ وهجوم الإتّحآد غطّى على عيوب دفآعه .!
برحيل كوزمين تشتّت الفريق .!
صار الفريق ما هو عارف يدآفع ~ ولآ هو عآرف يهآجم


×× اللآعِبِيْنْ والرُوْحْ المَفْقُودَة ××
الإتحآد أشوف إنّ أي لآعب فيهم ينزل مستوآه مصيره الدكّة حتّى لو هو نجم .!
الهلآل ما عنده البديل اللي ممكن ينآفس الأساسي الا بمراكزْ محددة ~ وما يتجرأ المدرب يسوّي تغيير لأن اللوم بيكون عليه لو ما نجح تكتيكه
الحرآسة : [ الدعيع ] .. البديل [ الشمّري ] لآهو اللي رآح إعآرة عشان يطوّر مستوآه ويثبت نفسه , ولآ هو اللي لعب بكأس فيصل , وما صارت فرصة يكون فيها الهلآل ضامن النتيجة وينزل كبديل للدعيع .!
الدفآع : [ هوسآوي ] / [ مرشدي ] / [ نآمي ] / [ زوري ] ... ما أشوف فيه ذاك البديل اللي ممكن يسدّ خانة أي وآحد فيهم .!
روح المفرّج وحماسه وإخلآصــه والله يستاهل معها يمسك أساسي .. عشان يتأدب المرشدي ويرجع يقآتل عشان يضمن المركز ؟؟
المحآور :[ عزيز ] / [ رآدوي ] ... البديل [ الغآمدي ] فقط وأشوفه متحمّس يرجع أساسي لأنه بعد رجعته من الإصابة ذاق مرارة الإحتيآط
ونزل بمبآراة ولعبهآ بروح عالية جدّاً .!!
الوسط : [ التآيب ] / [ ويلي ] / [ الفريدي ] .. فيه بدائل [ الشلهوب ] / [ بندر العنزي ] / [عبدالعزيز الدوسري ] .. ومع رجعة الشلهوب لمستواه الا انّه إلى الآن يدخل كبديل فقط .!
والتايب .. اذا حطّوه احتياطي بيزعل الجمهور وتصير أي خسارة برأس المدرّب !
ويمكن يطرطع ويزعل ليه التايب صاحب المهارات بالدكّة ولعل في تصريحه لما سألوه إن الإدارة ممكن تستغني عنه فقال { مش ممكن , وما يقدرون , عشان مهارات التايب ولمسات التايب } ولعلّ هذا الجوآب يبيّن مدى نرجسيته .!
الفريدي ذاق الإحتياط مباراتين بس وشفتوه أمس كيف لعب ؟
تخيّلوا بس انحطّ ويلي بالدكة شوط ؟ <- مو قصّة انه نزل مستواه أو شي بس اذا دخل الواحد احتياط ثم لعب كبديل أشوفه يلعب من قلب ويقدّم كل ما عنده
الهجومْ : [ يآسر ] وما فيه غيره .. والبديل كآن [ الصويلح ] لكن رجع من اصابه وزآيد وزنه بشكل فضيع + [ العنبر ] يوم توب وعشرة دآون + [ سول ] عديم الإحساس <- ودّي احسّ انه متحسّف اذا ضاعت كورة ! ودّي احس انه ينقهر اذا انقطعت منه كورة
ودّي يكون عندنآ مهآجم اذا نزّلناه خافوووا الخصم من يشوفونه عالدكّة <- الله يذكرك بالخير ياسااامي


تشكيلة الهلآل ثااااااابتة هالموسم .!
وتشكيلة الإتحاد ~ يمكن فريقين لعبوا هالموسم .!
تشكيلة الهلآل معروفة من قبل لآ يبدأ اللقاء .!
تشكيلة الإتحاد ~ مو معروف من ممكن يلعب أساسي .! وتصير مفاجآت بالتشكيلة
تبديلآت الهلآل صارت محفوظة عن ظهر قلب .!
تبديلآت الإتحاد ~ غالباً مو معروفة !

الإتّحآد بروحه يغطّي على أخطاءه .. والهلآل إلى الآن يلعب بدون روح .!
حتى مع كوزمين صحيح منضبطين .. صحيح فزنــآ .. لكن ما نشوف روح وحماس اللآعبين ويمكن السبب هوّ إن كل وآحد صار شبه ضامن المركز
ينتظر يصير حدث أو ينضغط فـ يلعب بروح لو شفناها من البداية كآن ارتحنا
ويمكن السببّ التشبّع بالبطولآتْ ولآ حسّوا بمقدآر الألم اللي يحسّه غيرهم وهو مبتعد


×× النــــِهَائِيْ ××
دخلنآ المبآراة النهائيّة وآحنا متمسّكين بالأمل .!!
دخلنآ بفرصة وحدة .!!
دخلنا نبي هدف والتآيب جآلس يستعرض وتنرفز بسبب كوبري .!!
دخلنا نبي هدف و تسجّل علينا هدف ؟!!
دخلنا نبيهآ قاتلة لـ " كومة عصآفير " بحجر وآحد .. لكن عزيز طيّر العصآفير وطلع

يعني المبآراة كانت كل مالها وتضيق .. وفرصنآ وكل مالها وتتضاءل .. ومع كذا لعبنآ 66 دقيقة كآملة بـ عشر لآعبين .!!
وتعآدلنا وحاولنا التسجيل وضاعت كورة بالقآئمّ .!!
وكآن ممكن تنحسب ضربة جزاء لويلي ضد الصقري .!!
وحكم يطرد عزيز مباشرة بأحمر بسبب ضرب بدون كرة .. وضرب قدّآم عينه من حديد بشكل أقوى .. وما شفنا قراره
.
.
رغم هذا كلّه كآنوا الإتّحآديين ( بآخر الدقايق ) ~ على أعصااااااااااابهم وهم متقدّمين بهدفين / والتعآدل يكفيهم / ومطرود منا لآعب .!

كلّ هذا : لأنّه الزعيم


×× بـَعْدَ التـّتْوِيْجْ .. يِسْتَآهِلْ ××
الإتحآد رغم كل هذا يستآهل ~ لأنّه استغل الظروف ..
يستآهل لأنّه من بدآية الدوري متصدّر
يستآهل لأنّهم الفريق الوحيد اللي من بدآية المباراة لنهايته يبحثّ عن الفوزْ وزيادة الأهدآف
يستآهل لأنّهم يلعبون بروح .. الروح المفقودة في كذا فريق .. وفقدناها في هلآلنا .!
يستآهل لأنّه بطــل
يستآهل لأنّه من السنة اللي رآحت بطل غير متوّج ..
يستآهل لأنّ عيبهم الوحيد هو الدفآع حالياً وهجومهم يغطّي على ذا الشي بكل جدآرة .. بينما هلآل ما بعد كوزمين كلّه عيوب ..لآ دفاع ولآ هجوم .!
يستآهل لأنّه على مستوآه ذا أصبح مرشّح بشكل قوي لبطولة القآرّة مو بطولة الدوري وبس
يستآهل لأننا لو فزنا فيها بذي الظروف~ أعتقد بتتوآرى العيوب .. وما راح يصير فيه تصحيح .. وننصدم بالآسيوية
خسآرتنا لمصلحتنا " وعسى أن تكرهوا شيئاً ويجعل الله فيه خيراً كثيراً "
خسارتنا طبيعية لأنّه لو دآمت لغيرك ما وصلت إليك ..
خسارتنا طبيعية لأنّه لو كآن فريق ثاني لـ خرج مبكراً وسلّم الصدآرة من وقت طويل ولكن لأنّ الهلآل بطل .. واصل المنافسة وخرج بشرفْ رغم كلّ الظروف

* كتآبتي لأحدآث الدوري عشآن تشوفون كمّ الصعوبات اللي تهدّ جبآل ورغم كذا نافسنا عالصدآرة لآخـــــر نفسْ



×× بآختصار .! ××
كآنت بأيدينآ (بوجود كوزمينْ ) ومآزآلت بأيدينآ (بعدْ رحيله) و زآلت بأيدينآ ( بخطأ عزيز / وترآجع مستوى كذا لآعب)
واللهم لك الحمد حتّى ترضى .. ولك الحمدْ إذا رضيت .. ولك الحمد بعد الرضـى .. ولك الحمد على كلّ حآل