[هلالية موووت]

السلام عليكم ورحمة الله وبركاته

أخواني أخواتي الزعماء هاردلكم الخسارة وأكيد الخسارة مو نهاية المطاف

منكم من تقبل الخسارة بروح رياضية وتفهم الوضع لكن منكم من تحامل على بعض اللاعبين وحملهم الخسارة مانقول لاتنتقدوا لكن في انتقاد منطقي يستحق اننا نأيد فيه المنتقد لكن في انتقادات تستحق نرد عليها ردود ماطلبنا رأيك

أستغربت بعض مواضيع الـأعضاء انتقاد اللاعبين بشكل غريب وأسلوب ماأحد يقبله ابداً

عشان بطولة راحت مننا صاروا اللاعبين سيئين طيب انتقده على نفس المباراة مو تحكم انه مايستاهل يرتدي القميص الـأزرق

اول شي بدأ الهجوم على خالد عزيز طبيعي خالد غلط والكل عارف هذا شي لكن انتقدوه بأسلوب يحسسه بغلطته انت حط نفسك مكانه لو أحد تهجم عليك بهذا الأسلوب ماترضاها لنفسك ولا حتتقبل رأيه

لكن لو اننا انتقدنا خالد بأسلوب رااااااائع والأسلوب اللي عهدناه على جماهير الزعيم اكيد عزيز حيندم على غلطته وحيحترم الجماهير ويكون أفضل وأفضل وأفضل

ليش ماكنت هاذي رسالتنا لخالد عزيز :

نعم ياعزيز كانت غلطة ونعلم جميعاً بأنك عرفت غلطتك ونتمنى بأن لانراها في بقية المشوار ولتعلم بأننا معك قلباً وقالباً ونتمى بأن تكون معنا في البطولات القادمة

باقي اللاعبين اللي شفت النقد عليهم :

ويلي : الحين ويلي صار ماينفع وخسرنا ملايين عشانه والمفروض مايكون بالهلال ومايستاهل عشان خسرنا بطولة بس طيب نسينا ويلي ايش قدم طول الموسم وكان أفضل محترف أجنبي بشهادة النقاد مو بس السعوديين حتى العرب
سول : انبسطنا عشان سول بدأ يظهر بالمستوى الحلو واشدنا فيه ومدحناه الحين سول صار مو اوكي عشان دوري راح

التايب : في أندية تنتظر متى بس ينتهي عقده مع الهلال عشان يكون من نصيبهم وانتوا تنتقدوه عشان مباراة مالعب فيها حتى نص شوط ونسينا مهارات اللاعب اللي يحلموا فيه اندية كثيرة

نامي : كانت انتقادات كثيره للاعب وبعد مااختاروه للمنتخب اشوف الانتقادات كلها اختفت وصار نامي من أحسن الللاعبين ومن أفضلهم ويستاهل يكون بالمنتخب ليش طيب ليش تحكموا على لاعب من مباراة او من مجرد انضمامه للمنتخب او اذا سجل او ماسجل لازم مانكون متناقضين اللاعب مايتحدد مستواه من مباراة او مباريتين ابدأوا من بداية الموسم وشوفوا اللاعب ايش قدم وايش ماقدم بعدين احكموا عليه مو عشان خسرنا نهائي نبدأ في الإنتقاد .

اتمنى الوعي اكثر من بعض جمهور الزعيم خسارتنا للدوري مو نهاية المطاف موعشان خسرنا دوري نخسر لاعبين

المرحلة القادمة اهم مرحلة لازم نكون مع لاعبين الزعيم قلبا وقالباً ونتجنب الانتقادات الجارحة

عندنا دوري أبطال آسيا وكلنا نحلم نوصل لكأس العالم وعندنا كأس الملك مرحلة مهمة لازم يكون الوعي موجود

ولا نهايتنا بيكون المدرب القادم هو الجمهور ...

والله يوفق الزعيم بكل البطولات القادمة ....