[زعــيــمــتــهــم]

السلام عليكم ورحمة الله وبركاته



اول شي الف هارد لك خسارة الزعيم

وبصراحه احمدوا ربكم هلالنا دايم يفوز صدقوني مو معقوله كل بطوله بناخذها

والحمدلله اللي ماصرنا زي نادي الجار بالمراكز المتاخره مايحلم ولا ربع بطوله

وان شاء الله هالبطوله يعوضها لنا ربي بالاسيويه قولوا امين



بالنسبه ل فيلهالمسون ( ويلي )

اشوف كثيرين يطالبون برحيله ... يالله بين يوم وليله صار ويلي مايستاهل يجلس بالهلال ؟؟

نسيتوا كل مباريات ويلي اللي كان فيها قمه في مستواه ويحرث الارض وعشان مباراه وحده قلتوا مايصلح ؟؟

مشكلتنا عاطفيين لابعد الحدود ولانفكر بعقل وقت الهزيمه


بالنسبه لسول انا من اشد المؤيدين برحيله مع الاسف ماستفدنا من المحترف الرابع بسبته

صحيح انه برز بالايام الاخيره ولكن ماظنيت يقدر يعطي اكثر من كذا


رادوي .. ياخساره رادوي من راح كوزمين تغير انقلب حاله وهذا دليل انه مجا الا عشان كوزمين .. مع الاسف ياليت يجي بداله لاعب ممتاز


خالد عزيز ( لو جت من غيرك ترى كان هانت ... اما تجي منك ياهي قويه )

صحيح الهلال كلهم كانوا موب بمستواهم المعهود ولكن خالد عزيز زاد الطين بله بحصوله على الكارت الاحمر وياليت تعاقبه الاداره عشان يحس

خالد عزيز احنا نحبك وراح تبقى لاعب خرافي بنظرنا ولكن هالغلطه مراح ننساها بهالسهوله

طارق التايب .. طارق الحارق .. البرنس الليبي .. ابن صحراء ليبو

(( لم اعشق لاعب بحياتي مثل عشقي لك يابو نادين ارجوك ارجع لنا طارق اللي نعرفه ارجوك ارجع لنا طارق اللي كل الفرق تعتبره فريق بالحاله .. طارق مانبي نخسرك ولانبيك ترحل عن الزعيم لاننا نعرف حبك للهلال .. طارق انت رفضت الملايين من اجل الهلال ولا ننسى لك هالشي ولا ننسى اعتزالك اللعب مع منتخب بلادك من اجلنا ولكن نرجووووووووووووك ارجع لنا طارق الاول راح نصبر وننتظر رجعتك يابو نادين ))


كلمة حق تقال في ياسر القحطاني


(( في مباراة الامس ولا لاعب يستاهل الشكر الا انت مو لانك قدمت مستوى متميز ولا لانك بذلت جهد اكثر من الباقين ولكن لسبب بسيط .. انك لعبت وانت مصاب وضحيت من اجل الشعار الازرق فالف شكر لك ايها القناص ))



انسوا الدوري وخلونا نبدا صفحه جديده وندعم النادي ابتداء من مباراة النصر


واسفه على الاطاله

زعيمتهم

[نـــــــ15ــــــمر]

عده امور ؟؟؟


الاول

إقتباس بالنسبه لسول انا من اشد المؤيدين برحيله مع الاسف ماستفدنا من المحترف الرابع بسبته

ما تعرفين سول كويس ولمعلوميتك سول ما لعب في مكانه الاساسي الى الان


ولي ...

اتفق معك لاعب كبير وممتاز



رادوي ...


لوالله ثم هو لاريت النتيجه 5 \1


عزيز \ قسى عليه الجمهور ولكن يجب ان يعاقب


ياسر \ من قال لك انه مصاب ؟؟ مافيه الا لعايه ياسر مستوى بدا بالتدهو



وجميع اللعيبه يلعبون بلا روح



تشــــــــاو

[هلالي في غربه]

إقتباس الرسالة الأصلية كتبت بواسطة زعــيــمــتــهــم السلام عليكم ورحمة الله وبركاته اول شي الف هارد لك خسارة الزعيم وبصراحه احمدوا ربكم هلالنا دايم يفوز صدقوني مو معقوله كل بطوله بناخذها والحمدلله اللي ماصرنا زي نادي الجار بالمراكز المتاخره مايحلم ولا ربع بطولة

بالله وش دخل نادي النصر بالسالفة كلها ليتنا نتكلم عن فريقنا وبس
ارجو تقبل الرد برحابة صدر

[أحمد الشهرانـي]

بأذن اللة أجانب الهـــلال الموسم الـــــــــقادم هم ويلى ونيفيز ورادوى وإسماعيل مطر

[ملك الزعامه9]

ياناس ياهووووووووو والله ويلي ماينفع لا هو ولا التايب ...ومعاهم سول بعد...

[سحر الغروب]

لن ينجح الهلال بوجود ((((((((((((((((((( نامي ))))))))))))))))))))))))

[سلطان هزاع الفريدي]

إقتباس الرسالة الأصلية كتبت بواسطة ملك الزعامه9 ياناس ياهووووووووو والله ويلي ماينفع لا هو ولا التايب ...ومعاهم سول بعد...

والله انك ماتفهم كوورة اسمحلي ويلي ممتاز

[T U R K I _ 15]

الحمد لله على كل حال .. رغم الظروف والنقص والاصابات قدم لاعبين الهلال موسم جميل ونافس عالبطولات بكل قوه ... الحمد لله على كل حال ..

لو الظروف لفريق اخر ما وصلوا مثل ما وصل اليه الهلال ..

شوفوا الاتحاد العام .. اخرجوا مدربهم ( استقاله من ادراه النادي ) في وقت حرج ووخرجوا بدون بطولات .. فما بالك بمدرب يخرج بقرار مهروس واصابات ولاعبيين دوليين بالدرزن واغلبهم مصابين ..ينافسون على جميع البطولات ورئيسنا ونائب الرئيس اخر اسبوعين وقت الحسم كلهم في المستشفيات الاول مع والده الله يقومه بالسلامه ويشفيه والاخر مع ابنه الله يعطيه الصحه وويطول بعمره .. كلها بوقت حرج جدا والحمد لله على كل حال والله اننا بخير بس ظروف تهد جبال

ويلي لاعب كبير وكثره المباريات اكيد راح تاثر مهما كان اللاعب ..

سيول
رادوي انخفض مستواه بعد خروج ابن ديرته كوزمين والله لا يلومه مع ذلك افضل لاعب في مباراه هو والفريدي لولا الله ثم رادوي كانت النتيجه 4 اقل شي

التايب بعد اعلان تعاقد الهلال مع نيفيز نزل مستواه .. والمفروض يلعب بجد اذا كان فعلا يعشق الهلال عشان يحجز مقعد مع نجوم الزعيم بس نرفزه وعصبيه ..
ونشوفك ان شاء الله مع الاهلي الليبي الموسم المقبل وحفل اعتزالك مع نادي الهلال

وبعدين من قال ان التايب اعتزل دوليا عشان الهلال الاعب عمره 33 صعبه سفريات ومباريات للاعب عمره 33 وبعدين هو استغل اعتزاله دوليا لكي يقول شوفوني اعشق الهلال هو يبي مصلحته وسلامه عمره من الاصابات والارهاق ..

ماكيليلي وتروام وفييرا كلهم اعتزلوا دوليا نقول انهم اعتزلوا عشان انديتهم

احس اني كثرت حتسي <<<<<<< بدري

اسف عالاطاله

[سلطان هزاع الفريدي]

بأذن اللة أجانب الهـــلال الموسم الـــــــــقادم هم ويلى ونيفيز ورادوى وإسماعيل مطر

[المدى البعيد]

هزيمه واحده لن تغيير راينا في نجومنا حتى وان كانت الهزيمه ببطوله ولكن يجب عليهم ان يدركوا مدى اهتمامنا وحبنا بهم هلالنا الابرز مهما حصل

[زعــيــمــتــهــم]

الف شكر لكل من مر على موضوعي سواء رد عليه او لا

واللي يقول التايب ماضحى عشان الهلال

يكفيك انه ضحى بالملايين من قطر ومن غيرهم عشان الهلال

بالنادر هالايام لاعب كذا

[FOoRzAHiLaL]

للأسف !!
ما توقعت الهزيمه كذا تقلبكمـ من حال لحال

ألحين ويلي اللي كنا نتغنى بهـ ،، هناك من يطالب بإبعادهـ !! يا للعجب
راادوي اللي مورينهو مستعد يدفع فيه الملايين واللي فرحنا من أول مباراة ديربي وحاارث الملعب أمس وماسك مكانه ومكان عزيز ويغطي أخطاء محمد نامي واللي انجانا بعد الله سبحانهـ من تاريخيهـ ،، هناكـ من يطالب بإبعادهـ !! يا للعجب
وسول اللي تغننا فيه بعد مباريات الوحده والإتفاق والأهلي واللي بدا ينسجم وبدا يطلع لعب ،، هناكـ من يطالب بإبعادهـ !! يا للعجب

مع ملاحظة * : ترى سول إلى الآن ما لعب بمركز الأساسي !! ويقدمـ هذا

والأجانب الموسمـ القادمـ وضحوا خلاص بانت وقالها أمس فارس عوض طارق يبي يرحل [مصاادر]

الأجانب : ويلي ،، رادوي ،، سول ،، نيفيز

تقبلووا مرووري ،،

[بن جبله المطيري]

الحمد لله على كل حال

القادم احلى يازعماء

[فراشة المنتدى]

قال التايب ضحى عشان الهلال ضحك عليكم وصدقتموه والله انه اخذ اكبر من حجمه ان شاء الله مااشوفه في مباريات الزعيم الجايه
الله يخلي لنا النجوم ياسر والفريدي ورادوي وويلي والزوري وهوساوي والمرشدي وعزيز والدعيع والشلهوب وسيول وع الدوسري والمؤشر والصويلح والغنام والغامدي ص الدوسري والبيشي الخثران والمفرج والله ماناقصنا الانيفيز ومهاجم مبدع في مستوى يااااااسر وظهير مبدع ويكون احتياط له البيشي
نااااامي والتايب لاعاد اشوفهم في الهلال
اما نامي واسطته قويه الا هذا يلعب في الهلال

[سعود القصيم]

إقتباس الرسالة الأصلية كتبت بواسطة ملك الزعامه9 ياناس ياهووووووووو والله ويلي ماينفع لا هو ولا التايب ...ومعاهم سول بعد...

أقول تعرف مكان باب بيتكم
ياعمي ويلي هو المبدع نسيت يومنه مسك خط السريع يوم مباراة الوطني كنتم تمدحونه ويلي مانشستر يونايتد إطلبه بست ملايين يورو إسمحلي أقولك والله إنك ماتفهم كوره