قصيدة :قد شفت جمهور بخسارته فرحان - نادي الهلال السعودي - شبكة الزعيم

النايف العالي · #1 13/04/2009, 03:32 PM

اخواني الكرام
تحيه طيبه اليكم جميعا وعلي مقدمتكم صاحب السمو الملكي الامير عبدالرحمن بن مساعد ونائبه نواف بن سعد والى سمو الامير بندر بن محمد واعضاء الفريق الاداري والفني جميعا
قدر الله وما شاء فعل والحمد لله علي كل حال
ونبارك للاتحاد الفوز ولو كان في عهد كوزمين لكان له طعم اخر ولكنها الظروف التي صبت في صالح الاتحاد والخدمه التي قدمت له من قبل الاعلام وللاسف.
سمو الامير نعم نفرح لك هذا النجاح وتحقيق المركز الثاني رغم الظروف التي يعلمها الجميع ونحن فرحين بتواجد معنا ونقول لك وللطاقم الفني والاداري شكرا على ما قدمتموه وبانتظار انجازاتكم القادمه بحول الله
واهديكم هذه القصيده وهي الاخيره وارجوا ان اكون وفقت معكم وفي نظمها.

كيف السفينه تبحر بدون قبطان
وليه الخطا دايم يطبق علينا
هذي نتيجة ضعفهم يا بليهان
وبسئلك يا وش سويت فينا
قد شفت جمهور إبخسارته فرحان
الى معك صرنا أساس متينا
رغم الخساره كني اليوم كسبان
وارض النقا وياك فيها مشينا
وانشهدنك إهلال من بينهم بان
ماطاله العذال والحاقدينا
لاشك بعض الناس مشيه على لان
وكل على (لا)نه إطبوعه تبينا
ماقد خبرنا إكتاب مافيه عنوان؟
وحنا قريناها قبل تستبينا
الله خلق هالناس اشكال والوان
تجمعوا من كل مله ودينا
والصبر حكمه يا أهل العرف والشان
وبالصبر محمود العواقب تزينا
زعيمنا في عيوننا دوم ربحان
وحنا على منهاج صدقه رضينا
........................................
المقصود ابحار السفينه بقبطان هي مسيرة الفريق بدون مدرب
رغم الخساره كني اليوم ربحان
واقصد بها جمهور الزعيم الوفي
................................................

ونستودعكم الله جميعا ووفق الله الجميع لما يحب ويرضي
والسلام عليكم ورحمة الله وبركاته

رأس الزعامة · #2 13/04/2009, 04:10 PM

صح لسانك عزّ الله انك صدقت

وأول مرة من عشقت الزعيم احس اني راضي بالهزيمة

(((أخلاق سامي))) · #3 13/04/2009, 04:32 PM

صح بسانك..

وان شاء الله يظهر الجمهور الوفي يوم الجمعة

محشوم · #4 13/04/2009, 04:33 PM

صح لسانك ...........صح لسانك

Z ! Z OO · #5 13/04/2009, 04:39 PM

من جد .. الكثيرين راضي بالهزيمة
لعده أسباب وأهمها .. إقالة المدرب

سلطان هزاع الفريدي · #6 13/04/2009, 05:25 PM

صح لسانك عزّ الله انك صدقت

وأول مرة من عشقت الزعيم احس اني راضي بالهزيمة

هلالي للدفنة · #7 13/04/2009, 05:29 PM

ارقد ارقد الله يصلحك

وربي الخسارة مؤلمة واش الي راضي بالهزيمة

لاعب متخاذل مثل عزيز وفريق متهالك حتى بعد التعادل لياقتهم رايحة فيها

والله خسارة البطولة هاذي لها حسره غير طبيبعية لانها مجهود سنة كاملة

مصير اللي زعل · #8 13/04/2009, 05:40 PM

إقتباس

الرسالة الأصلية كتبت بواسطة هلالي للدفنة


	ارقد ارقد الله يصلحك وربي الخسارة مؤلمة واش الي راضي بالهزيمة لاعب متخاذل مثل عزيز وفريق متهالك حتى بعد التعادل لياقتهم رايحة فيها والله خسارة البطولة هاذي لها حسره غير طبيبعية لانها مجهود سنة كاملة

خخخخخخخخخخخخخخخخخخخخخخخخخخخخخخخخخخخخ

انت والله اللي رح ارقد , تسمع بكلمة [ متهالك ] وما تدري وش معناها ..

إذا الهلال متهالك وش تقول الفرق الثانية ..

ارقد الله يهديك , واذا ما تعرف في الكرة ماهو لازم ترد

يعطيك العافية يا صاحب الموضوع ..

شمس الحقيقه · #9 14/04/2009, 01:50 AM

قصيدة جميلة يالنايف
ولو أنها شعبية قح فيها مواعظ وكلمات شعبية وعميقة
هي أقرب للشعر الشعبي أكثر منها للرياضي
وأنا أتابع قصايدك أللي بالمنتدي وأكثرها ينطبق عليها الوعظ والغموظ في محاولة أرسال الفكرة
أرجو أنها ما تكون أخر قصايدك وأتمنى تكون القصايد القادمة رياضية حماسيه واضحه خالية من الغموظ ومحاولة أستخدام الكلمات الدارجة البسيطة والبعد عن الكلمات الشعبية العميق

أما بالنسبة للمباراة فأقول مبروك للأتحاد وجماهيرة و يستاهلون
واهلال فريق بطل وهذي كبوة جواد ومتأكد ان شاء الله أن اللاعبين بعوضونا ببطولة قادمة
أهم شي نعرف أخطائنا ونحاول نصلحها ونبتعد عن أختلاق الأعذار لأنها لا تقدم ولا تجيب

تقبل مروري والأختلاف في الرأي لا يفسد للود قضية