[(ســــ(s9s)ـــــاميو]

بسم الله الرحمن الرحيم

اول شي هارد لكم يالزعماء ومبروك للاتحاد ويستاهلون

ثانيا شاهدنا الهجوم اللاذع على النجم خالد عزيز ( ويستاهل الهجوم الشرس لاكن ماندخل في ذمة اللاعب )

خالد عزيز سوف تبقى انت المحور الاول في اسيا ابا من ابا ورضي من رضي سوف تبقى انت العمود الفقري للزعيم

لاكن بشرط ياخالد الاسيويه وكاس الملك نبيها ياخالد ارجوك انت لاعب كبير ونجم لا يشق له غبار لاكن الاسيويه وكاس الملك نبيها هلاليه هذا الشرط الوحيد الي بنسامحك ياخالد لو جات هالبطولتين

ويازعما صدقوني عزيز مو اول لاعب يطرد في مباراه نهائيه وبحركه غبيه شوي

ولكم في افضل لاعب في العالم الفرنسي زيدان اهدى كاس العالم للمنتخب الايطالي وكان الديوك متعادلين والمباراه في يدهم

لاكن النجم العالمي زيدان وبحركه اشبه مايقال عنها انها حركة ( ثور ) نطح لاعب ايطالي وانطرد وخسرة فرنسا كاس العالم

لاتقولون لي سب اهله ولا سب اخوه ولا ابوه انت لاعب كبير ولاعب خبره مفروظ تمسك اعصابك ششوي

ويمكن الهزازي سب عزيز ولا شي بدون ماتدرون في وسط المباراه لاتستبعدونها على لاعب طفل مثل هزازي

قليل من العقلانيه ياجمهور الزعيم عزيز مو اول ولا اخر لاعب يطرد ويستحق العقاب والعتاب مننا لاكن لاندخل في ذذمة الرجال

لاتصيرون مثل جمهور الجار شوفو وش صار فيهم الله لايبلانا بس

اما بالنسبة لحركة نور القذره للاسف يانور انت لاعب لايملك ذرة اخلاق انا قلتها من زمااان انت لاعب كبير مستوى لاكن اخلاقك للاسف سياحيه

كوره طويله عليك وتشوف ابو دعيع طالع وهو اقرب منك للكوره تقوم تنبرش على رجله هل هذا تصرف لاعب كبير مثلك يانور وانت فايز في المباراه ؟؟

وانت تعرف ان الدعيع لاعب كبير في السن واي اصابة ( لاقدر الله ) يتعرض لها ابو دعيع راح يعتزل الكوره

والله انك قهرتني يانور بهالحركه يروح الدوري يروح كل شي الا الدعيع الا الدعيع ماتشوف شر يابو عبد العزيز

انا غاسل يدي منك يانور بعدما انهيت حياة اللاعب الخلوق نواف التمياط وهل جاء الدور على الدعيع؟؟

رادوي والله اثبت انك صفقه رابحه بكل المقاييس ماسك الوسط الدفاعي باكمله لوحدك ششكرا لك يارادوي

الفريدي لاعب كبير وحماسي جدا لاكن يعاب عليه البرود لو يتخلص منه راح تكون نجم لايششق له غبار

كنت اتمنى اشراك الشلهوب بدل من اشراك الصويلح لان العنبر والقحطاني ماتوصل لهم كور من صناع اللعب سول والفريدي لان الوسط الاتحادي يفوق الوسط الهلالي عددا

شكرا لاعبي الزعيم على ماقدمتوه لنا في الدوري صحيح اننا ضيعناها من بداية الدوري لكن لاتنسون الظروف الي تعرض لها الزعيم ظروف قاهره لو تعرض لها الاتحاد لخسر الدوري في الجولات الماضيه

لاكن لاعبي الزعيم قاتلو حتى الرمق الاخير من الدوري يستحقون التصفيق الحاار مننا لا العتب والزعل

شكرا نجوم الزعيم شكرا نجوم الزعيم

والسلام عليكم ورحمة الله وبركاته


يانجوم الزعيم ثقتنا فيكم كبيره مهما حصل ولاتنسون الاسيويه وكاس الملك