[عاشق 9]

الحمدلله على كل حال ومبروك للأتحاااااد والله انه يستاهل

*أسامة هوساوي شكرا لك وما قصرت وجمل الله حالك والله انك نسيتنا تفاريس يا بطل

*ماجد المرشدي فقاعة صابون وجبان وفالح بس في المهاوشات والله انه اسامة فازعلك

*نامي وما ادراك ما نامي والله صبرنا عليك وساندناك ودعمناك بس الكورة في الرأس يا نامي

*الزوري ماني عارف ايش اقول بس برود عجيب وترا الوصول للقمة سهل بس المحافظة صعب يا بطل

*رادوي والله سلملي على رومانيا يا بطل بس الغلط مو منك من اللي جنبك ماقصرت يا رادوي وجهد خرافي وروح

خرافية كأنك من ناشئين الهلال وياليت تعلم الللي جنبك المستهتر

*طارق التايب فين مواعيدك انك حتاكل الاخضر واليابس عشان الرجال اللي ما قصروا معاك وعاملوك كأنك لاعب

سعودي وولد النادي وتحمل قضيتك ودافع عنك قدام الفيفا وترا الكباري والتسحيبات شبعانين منها من ايام يوسف

الثنيان وسامي الجابر والله لا يهينك كمل الموسم بذمة وضمير بس عشان الجمهور اللي حبك وعشقك .

*ويلهامسن لازم تعرف انك اغلى محترف جا الملاعب السعودية بس 56 مليون بس والله ان الفريدي بمستواك

واحسن منك وياليت اللي يتكلموا عن المجهود ترا سهل والغامدي مجهود ولاعب سعودي.

*سيول والله انك لاعب كبير وانك مبدع ماشاءالله عليك وكأنك 25 سنة واثبت بعد نظر شبيه الريح

*ياسر القحطاني والله شكرا يا من تحامل على نفسه بسبب الجماهير الهلالية وما قصرت يا افضل مهاجم في اسيا.

*الفريدي والله انك كبير وياما طالبت فيك قبل المباراة وعارفك زين ضد الاتحاد وبيض الله وجهك يا كبير ويا افضل لاعب

في مباراة اليوم

*محمد الدعيع الله لا يحرمنا منك وما اعرف كيف بيكون حالنا من بعدك

*خالد عزيز والله لو اكتب مية موضوع انه ما يبرد قلبي وحرتي فيك يا مستهتر ومستهتر اقل كلمة ممكن تنقال

لأنك ما قدرت الجماهير الهلالية ولا قدرت الادراة الهلالية وضيعت مجهود موسم كامل برعونتك ونايف هزازي صاحب

الواحد وعشرين سنة ضحك عليك بس والله حب الجماهير هذا ممكن تخسره بسهولة اذا ما قدرت

الرجال اللي ما قصروا معاك والله ان الجماهير الهلالية كاملة تحملك الخسارة.

*عبدالرحمن بن مساعد لا يهمونك يا بطولتنا الكبيرة في هذا الموسم والله اننا راضيين عنكونحبك وعن عملك بس

والله طالبينك تبرد قلبنا في خالد عزيز وتكفى يا طويل العمر سويها .

*جماهير الزعيم وجماهير نصف الارض والله جمل الله حالكم ومعوضين خير انشاءالله .

وهذا رأيي ومعرض للصواب والخطأ