13/04/2009, 12:54 AM
|
| زعيــم جديــد | | تاريخ التسجيل: 20/05/2007
مشاركات: 19
| |
|
قدر الله وماشاء فعل .. مبرووك للعميد وهارد لك يالزعيم ,,, وارجوا الدخول من عشاق الزعيم..
السلام عليكم ورحمة الله وبركاته ..
صباح الخير .. اولا ً ..:
احب ابارك للاعبي الاتحاد ولجمهوره بهذا الفوز
وبصراحه قدموا مستوى يستاهلون عليه الفوز وبنتيجه اكبر من كذا بعد .. وهارد لك يازعيم اسياء وان شاء الله البطولات الجايه مكانها دولاب الزعيم واولهم كاس الملك.. ثانياً ..: نجي الحين لأسباب خساره الفريق وهي ..: سبب واحد بس لا اكثر ولا اقل وهو خالد عزيز صحيح انه واحد من افضل لاعبين الفريق لكن مثل ما يقولون غلطة الشاطر بألف واليوم غلطة عزيز ببطوله للاتحاد . صحيح ان الفريق ماقدم المستوى المأمول منه لكن الطرد له دور كبير بانخفاض مستوى الفريق كامل من الحارس الى الهجوم .. واتمنى من الاداره بمعاقبه خالد عزيز على تهوره وحركته اللي اقل ما يقال عنها انها لا اخلاقيه وماتصير من لاعب هلالي .. ثالثا ..:: نجي الحين للجمهور الهلالي ..: بصراحه اليوم الجمهور الهلالي كفى ووفى بالحضور للملعب ومساندة الزعيم وهذي بوسه على راس كل واحد حضر الملعب اليوم .. لكن .: ااتمنى من الجمهور انهم يعاتبون اللاعبين العتب الهادف مو عتب يسبب في انحدار مستوى اللاعب مستقبلا .. لان اللي اشوفه من الاعضاء الحين لو اني مكان نامي ولا عزيز ولاغيرهم من اللي جالسين يتكلمون فيهم الاعضاء كان اعتزلت ولا فكرت العب للهلال مادام هذا جمهوره . يعني اذا قدم اللاعب مستوى في مباراه طرتوا فيه ورفعتوه فوق والمباره اللي بعدها نزلتوه تحت بسب غلطه ما يقصدها .. مثل الحين : خالدعزيز .. صحيح انه اخطاء و80% من خسارت الهلال بسببه لكن يضل هو خالد عزيز افضل محور في المملكه وياما انقذنا عزيز في مبارايات واليوم نطالب بأبعاده  .. طارق التايب .. من بدايه طارق مع الهلال وانتوا طايرين فيه والحين وبعد كل مباراه جالسين تسبون فيه يعني ماتدرون ان طارق مر بظروف هي اللي تسببت في ضعف مستواه .. واخرها تعاقد الاداره مع تياقوا نيفيز .. وغيرهم من اللاعبين ياسر والفريدي والشلهوب الخ .... ,, رابعاً ..: نجي الحين للمدرب واللي بصرحه كل مباره يقدم الهلال افضل من المباره اللي قبلها وهذا المدرب يحسب ضربه معلم من الادراه ..  خامساً واخيراً..: الاداره برئاسة الامير عبدالرحمن بن مساعد ( شبيه الريح ) يالبى قلبه  ونواف بن سعد مافي كلام يقدر يوفي لهم حقهم بعد اللي قدموه وخسروه على الهلال في اول موسم لهم كإداره هلاليه .. هم اكبر بطوله للهلال الموسم هذا واتمنى من الجماهير الوقوف معهم في الظروف هذي اللي جالسه تصير للهلال .. واخرها درع الدوري اللي اقل ما يقال عنه انه خطه مهروسه من الإتحاد للإتحاد.. ,,,,,,,,,,,,,,,,,,,,,,,,,, وفي الأخير اتمنى اكون ماطولت عليكم خصوصا انه اول موضوع لي في منتدى الجمهور الهلالي .. والحمد لله ولا حول ولا قوه الا بالله ...
اخر تعديل كان بواسطة » الساحر البرشلون في يوم » 13/04/2009 عند الساعة » 01:35 AM |
الوضع المتطور
