[هلالي مكـــه]

السلام عليكم ..... عسى ايامكم زعاااامه .... وياااارب تكتمل الزعامه بدرع الدوري


( قولو آمين) ... بصراحه من كم يوم وانا ابغى يوم الاحد يجي .. متحمس للمباراه واهم


شي يتوج الزعيم باللقب ان شاءالله .. وتكتمل فرحتنا وبعدها يكون تفكيرنا منصب على


كأس آسيا ..






ماودي اطول عليكم بس اللي اتمناه ان الجمهور الهلالي يكون بالموعد .. ومثل ماإنتو

عارفين ان الدوري انتهى خلاص .. وماتبقى لنا غير مباراه الختام قدام الاتحااد .. يعني

اللي كان متكاسل من بداية الدوري وماله خلق يحضر مباريات .. اقول له : يابوو الشباب

صحصح ..خلاص الدوري انتهى وآخر مباراه يانكون او لانكون .. يعني شد حيلك واحمد

ربك انت بالرياض والملعب قريب منك .. ويوم الاحد كل هلالي من اهل الرياض لايفكر

بالقنوات الرياضيه ولا المعلقين .. ياعمي فكر بالزعيم .. فكر بأبو فيصل. فكر بأبو دعيع

فكر بياسر .. فكر بكل اللعيبه ... ترى حضورنا هو اللي راح يحمسهم .. وحضورنا هو

الدافع الحقيقي لنجومنا لتحقيق درع الدوري بمشيئة الله تعالى ..




بالنسبه ليا انا لاتوصون ... حضرت مباريات الهلال الاخيره اللي بالرياض ..قدام الشباب

والاتفاق .. والاهلي الاماراتي .. وقبلها الوحده بمكه ... ودحينه خلاص مابقى غير

تكه وحده ونأخذ الدوري ان شاءالله .. عشان كدا الجمعه بالليل راح اتوكل على الله

وامشي من مكه .. وراح تكون السفره عن طريق البر مثل ماحدث لي يوم مباراة الهلال

والشباب .. بس مو مشكله ...مادام ماراح اجي طيران اجي بر لعيووون الزعيم ..

والتعب والارهاق وطول الطريق كلها تهون لعيون نجومنا وادارتنا .. ((بس ياليت حقون الرياض

يخلون مقعد فاضي لي ))..




الشي اللي انا خايف منه ...ان اللاعبين يكون لعبهم بااارد مثل بعض المباريات اللي حضرتها

وخصوصآ بعض اللعيبه احس انه يلعب على اقل من مهله حتى والهلال متأخر ...




الشي اللي ابغى اللعيبه يعرفووه .. ان الجمهو الحاضر من الرياض وخارج الرياض

يعني حرام احضر المباراه من مكه بسيارتي وتعب الطريق والسفر واتفاجأ ان في

لاعب يلعب ببرود ... وانا احتررق بالمدرررج وصوتي راااح .. ومحد يحس بتعبنا ..

بجد هالشي يقهر بس اتمنى بالمباراه الجايه يتلافوه .. وحتى لو اني من سكان

الرياض وساكن بجنب الملعب .. شي يقهرر اني احضر واشجع واللاعبين يلعبون

ببرود .. ومايحسون فينا ..

بس انا متفائل ان الحماس راح يكون شعار اللاعبين وراح يقدمون الدرع هديه لنا

ولكل جمهور الزعيم من الخليج للمحيط ..






ادعو لي بس اوصل بالسلامه .. وارجع كمان بالسلامه ...والاهم ارجع وانا مبسوط

وفرحان عشان رجال الزعيم قدرو جيتي من مكه للرياض لعيوونهم .. رغم ان عندي

عمل بس قدرت آخذ اجازه السبت والاحد والاثنين .. وكله لعيوون زعيمنا ..





كلنا واثقين من زعيمنا ومن قدرات لعيبتنا .. لكن يجب ان لانغفل اننا نقابل

فريق قوي ويملك نجووم اصحاب خبره طوويله ... وماراح يفرطوو في المباراه

بسهوله .. واول شي لازم نسويه اننا نحترم الفريق الاتحادي ونتجنب الثقه

الزائده .. فإحترام الخصم هو طريقنا لتحقيق البطوله بمشيئة الله...




من خلال مشاهدتي لعدة مباريات للفريق الاتحادي .. لاحظت ان هناك

ضعف واضح في الجهه اليمنى .. خصوصآ لدى اللاعب [[ عبيدالشمراني]].

وايضآ بجانبه اللاعب [[رضا تكر ]].. فيهم بطئ مو طبيعي .. ويجب على مدرب

الهلال وضع [[ سوول]] بالجهه اليسري .. اي الجهه اليمنى الاتحاديه .. ليشكل

قلق مستمر .. بالتناوب مع النجم [[ ويلهامسوون]] .. واذا لعب مدرب الاتحاد بعبيد الشمراني ورضا تكر ... اكيد راح تشوفون ان الجهه اليمنى الاتحاديه تشكل ثغررره واااضحه ...




خـــــــــاتمــه:
اعجبني تصريح الكابتن [[ ياسر القحطاني]] عندما قال .. سألعب المباراه

حتى لو كنت بقدم واحده .... حمااس حلوو .. وتحدي جديد ... اعجبني

ياسر كثيرآ .. لأن الروووح والعزيمه والاصراار هي اهم عوامل الفوز بكل

المباريات ... فنحن افتقدنا الحماس والروح في اغلب المباريات .. لكن ياسر

هالمرره يثبت ان الروح رجعت للفريق وخاصة له شخصيآ ... فهل سنرى ياسر

بروحه المعتاده .. وعزيمته واصراره ؟؟ وخصوصآ انه صاحب مواقف جدآ جميله

خلال مباريات الهلال والاتحااد ... اتمنى ذلك .. وبالتوفيق لياسر . ولكل نجومنا.








دمــــــــــــتم بزعـــــــــــاااامه .... ودامــت الزعاااااااامه زرقااااااااااء