اليـوم رحـت للنـادي ... لكـن للاسـف الـدعـوى تـشـفيـر - نادي الهلال السعودي - شبكة الزعيم

Fahad Al Sudais · #1 05/04/2009, 11:41 PM

حيــــــــاكم

يالله حي النشامى واحد واحد

فردا فردا كلّن باسمه

كالعادة قبل أي مباراة مهمة

لازم أرز خشتي في النادي علشان وجهي فال خير

<< الله يخارجنا

عاد اليوم رحت قبل المغرب

ويشهد الله اني رايح وانا حالتي حاله

توّي طالع من الدوام ( 5,30 ).. وجوعان ودايخ

لكن النيّة كانت موجودة من الصبح

المووهيييم

رحت وكالعادة لقيت 89476859049857 واحد مرتزّين عند البوابة

كل واحد مزهّب كاميرا جواله... يحترون اللاعبين

واذا جاء اللاعب بسيارته علشان يدخل حجّروا له وخذ ياتميلح وتصوير

ماعلينا

الموهييم دخلت وناداني السيكورتي :

وين تبي يالطيّب ؟؟

قلت له :

واحد جاي للنادي قبل المغرب.. وش رايك انت

.. جاي احضر التمرين

قال لي :

بس التمرين مغلق اليوم... وبكرا... وبعده ... تعال الاربعاء

قلت له :

وش رايكم تشفّرون اللاعبين احسن

وجيت راجع أجرّ اذيال الخيبة... وياحسافة المشوار من الملز للعريجا

امشي ومنزّل راسي والدموع اربع اربع

واللي رفع ضغطي اكثر وجاب لي الاكتئاب وجاب لي رغبة بالانتحار

دخل الكوري ســول.. راكب بي إم جديدة تحكييييييي وتعطيييييييييك

قسم طارت عيوني

بي إم حتّه وحده

... يدّي الحلق للي مالوش ودان

المفروض بما إنّه كوري.. يدعم الصناعة الكورية ويركب إكسنت

المووهييييم

طلعت وانا افكر كيف انتحر

لكن رحمة الله فوق كل شي

على طول بعد ضيقة الخاطر... يجيك شي يوسّع صدرك

جاء حبيب الشعب

جاء حبيب الكل

7
7
7
7

شفت الشباب كل ابوهم تجمّعوا عند ذاك الوجه السمح

واسمع الضحكات والوناسة... وانواع التصوير

رحت له وطقّيت الدريشة

فتحها لي وعيونه طايره من الدهشة

قال لي :

هلا والله... حياك الله طال عمرك

قلت له وبدون مقدمات :

ياخي متى تعتزل

ههههههههههههههههههههههههههههههههه

امزح امزح ... قسم بالله اني قعدت امدح فيه من قلب

وقام الله يجزاه خير يدعي لي وللجميع بدوام السعادة

انسان طيب وخلوق وحبيب بكل معنى الكلمة

وقت اسولف معه حدود العشر دقايق

عن الهلال... والمباريات السابقة واللاحقة... وعن المنتدى

سألته سؤال يقرقع في صدري منذ مبطي

قلت له :

دايم نشوفك اذا سجّلت اهداف تركض كنّك معصّب وتصارخ... وش انت تقول

قعد يضحك وقال :

ما ادري ههههههههههههههههههههه

والله العظيم قلبه ابيض من الحليب

وتراه محلّلكم واحد واحد الى يوم القيامة

.
.

عاد لاتنسون

التمارين مغلقه ماعدا يوم الاربعاء بس مسموح الدخول

قناص20..!! · #2 05/04/2009, 11:47 PM

هههههههههههههه

يعطيك العافيه اخوي فهد ..

ومرة ثانيه لاتروح الا وانت متأكد انه التمارين مفتوحه ..

وبعدين ياخوي لاتحسد سول هذا رزقه ويستاهل ..

عافاك ربي ..

اخوك : تـركــي ..

محب الجنه الخرج · #3 05/04/2009, 11:48 PM

ههههههههههههههههههههههههههههههه الله يرج ابليسك رجا مبرحا

اجل وش تقول اذا سجلت هدف احس انك احرجته

سبحان الله حاسني قلبي انك بتنزل موضوع اليوم بس ماتوقعت هنا على بالي بالمجلس

ويالله تكبر وتنسى وان شاء الله تدخل النادي قبل مبارة الاتي

رهــــــــ 15 ــيب · #4 05/04/2009, 11:52 PM

حلوووووه دعم الصناعات الكوريه ههههههههههههههههههههههههههه
مشكوووووووووووور ومااقصرت والله يووفق الزعيم

washdee · #5 05/04/2009, 11:54 PM

هههههههه

يعطيك العافيه ..

الله يعوض عليك في المشاوير

السيناتور15 · #6 05/04/2009, 11:54 PM

مع اني متعود منك مواضيع اكثر من رائعه الا ان ابتسامتك اخوي الصخره ماليه الدنيا ماشاء الله تبارك الله

جميله جدا ابتسامه الهلاليين شاهدنهها يوم السبت في وجه امير الهلاليين ابو فيصل واليوم نشاهدها منك يا صخره الهلال

الله لايحرمكم منها يالهلاليين وعقبال الابتسامه الاجمل ان شاء الله يوم الاحد

أحمد الشهرانـي · #7 05/04/2009, 11:54 PM

طيب أكيد التمـــرين مغلق لأن مباراتنا مع الاهلى الأماراتى الأربعاء

R@K@N9 · #8 05/04/2009, 11:55 PM

ههههههههههههههه

والله لي فترة ما ارد على المواضيع لكن موضوعك اجبرني

وخاصة يوم رحت تكلم فهد >>> ماقالك متى بيعتزل

ومشكوووور على موضوعك الجميل >> ضيعت وقتنا الله يهديك

Meme · #9 05/04/2009, 11:58 PM

هههههههههههههههههههههههههههههههههههه

يعطيك العافيه

اختكم ميمي

حربي والهلال حبي · #10 05/04/2009, 11:59 PM

هههههه

يعطيك الف عااافيه

بالتوفيق للزعيم

سلنقر · #11 06/04/2009, 12:01 AM

داري ان التمرين مغلق ,,,<< وقالوها قبل

مره ثانيه لابغيت تروح اسألن ,<< لاتستحي وانا اخوك

خالد عزيز6 · #12 06/04/2009, 12:02 AM

هههههههههههههههههههههههههههههههههههههههههههههههههههههههههه

اجل يدعم الصنآآعه الكوريه
هع هع هع

يالبى قلبك ياااابو مفرج

المدافع الصلب · #13 06/04/2009, 12:04 AM

الله يسعددددددددددددددكـ..ززززززززين انه محللنــــا لاننا نعصصصب والله يقطع الشيطاااان اللي يخلينا نخربش في اللاعبين الله يووفقهم ويحللهم ويبيحهــم

اللهم ووفق ززززززززعيمنــــــــــــــآآآآآآآآآآآآآآ غــــــــــــــداً

Yasser Aldaajani · #14 06/04/2009, 12:04 AM

ههههههههههههههههههههههههههههههههه

الله يرجك يا الصخره ,, ومشكوور ع المعلومات ,, والله يوفق الهلال يوم الثلاثاء ان شاء الله ,, وباذن الله الدوري هلالي ,قل امين ,

$SNIPER$ · #15 06/04/2009, 12:04 AM

هههههههههههههههههههههههه

يعطيك الف عافية و الله يوفق زعيمنااا