[ماجد المحمد]

السلام عليكم ورحمة الله وبركاته
معليش على الموضوع وقساوة الكلمة في الموضوع بس جد أنا كتبت الموضوع ماهو لمجرد الكتابة ولكن للشعور المخجل اللي جاني بسبب عدم تكرم جمهورنا في الرياض من ملىء إستاد الملز
يعني بسأل وأتمنى منكم تجاوبوني بصراحة ، إذا جمهورنا اللي نتغنى فيه بين الأندية وأننا عاشقين لزعيمنا ونضحي له بكل شيء ما قدروا يتكرمون على نفسهم ويحضرون مباراة كانت تعتبر مفترق طرق بالنسبة لمشوار الزعيم في الدوري يعني المباراة هذي تنطبق عليها مقولة أكون أو لا أكون
مباراة مهمة وبنفس الوقت هي اللي تعطينا الأمل في الحصول على بطولة الدوري بعد توفيق الله سبحانه وتعالى وعدد الجماهير فيها مخجل كأنها مباراة في بداية الدوري
إذا جمهورنا ما وقف في مثل هالمباراة متى بيوقف مع اللاعبين ويشد من أزرهم ، يعني للأسف صاير جمهورنا بالرياض جيد في متابعة المباريات على التلفزيون وزمزمية شاهي وإنتقاد للاعبين في الموقع بعد المباراة والتجريح في بعض اللاعبين
يعني أنا أقول لو جمهورنا يصيرون محللين رياضيين أفضل ، صراحة الواحد يتقطع قلبه وده أنه حاضر المباراة ومشجع ومساند فريقة إلى آخر لحظة والثانين متكين في بيوتهم وهم يمكن جمب الملعب
عموماً أنا حاط صور تبين شكل الجمهور من جهة المدرج الهلالي وصورة ثانية للجمهور من جهة المدرج الشمالي في الواجهة تبين لكم أنه للأسف جماهيرنا جيدة بالأنتقاد والكلام وللأسف كل يوم تثبت أنها أكثرية في البيوت أكثر من الملاعب
أتركم مع الصور وأنتم تحكمون
ملاحظة : أنا أكتب من نيويورك وكثير معي هنا كانو مستائين من وضع الجمهور وحضورة الضعيف[IMG][/IMG]
[IMG][/IMG]