[النايف العالي]

حنا اهل نجد بلا شك حنا
وحنا الشمال إمثبتين المباني
وحنا الجنوب ولا تجرب زعلنا
ومشراقنا ياتيك دمث المجاني
كم من فريق للبطوله تمنا
وعيوا عليه إمروين المساني
عوايده يتعب إركوب الأعنا
بالعز مجده فاق كل المعاني
يابنت حطي بكفك اليوم حنا
وتعطريله يا ام عشر وثماني
جاك الزعيم إبعلم ينبي وطنا
هذا حصاد الجهد يوم التفاني
ماينفع المغرور قولت لو إنا
من جادبه حظه ينول التهاني
غاياتنا ينبيك عنها عملنا
بالفعل والاخلاص طلنا الاماني
قولوا لرشيد الراي وش جاه منا
وقدايمي عنده عيان بياني
ياما وياما من غثاهم صبرنا
يقطعك وقت شاخ فيه الهداني
جمهورنا بالله وبهم املنا
ترا هبيل الراي عمره ثواني
ترا هبيل الراي لو يرجهنا
مانلتفت لهروج عاثر وغاني
خلوه الاداره إتخطط بكل فنا
وتكاتفوا معها إبروود وهواني
وإدعوا كريم لاعطا ما يمنا
يشفي مساعد من إصدوف الزماني
ويشفي ولد نواف من غير منا
الباقي اللي عقبه الخلق فاني
.




ملاحظه: المقصود ب( قولوا لرشيد الراي وش جاه منا....وقدايمي عنده عيان بياني) هي الصحافه والاعلام الذي اصبح الزعيم شغله الشاغل عوضا من ان يكون داعما للانجازات التي يحققها الزعيم اصبح يشن حملة محاربة وتصدير الاشعات المغرضه والمبطنه بالفتن ولاحول ولا قوة الى بالله