[سعود الفيفي]

السلام عليكم ورحمة الله وبركاته


حياكم الله يا اعضاء شبكتنا الغالين كلن بأسمه

في الحقيقة احد المقربين مني ينظم دوري سنوي في مثل هذا الوقت

ودائما ما تكون الفرق من 10 الى 12 فريق

ويصرف ويتعب هالضعيف المسكين علشان يجمع الناس ويمتع الحاظرين

وللأسف ما حد يعبره او يعطيه وجه او يشكره على هالمجهود الي يقدمه

المهم

اتصل علي ليلة الجمعه وقال لي تعال ابيك ضروري علشان نرتب اوراق الفرق المشاركة

ورحت له بعد صلاة العشاء وسوينا كل شي والحمد لله خلصنا بدري

قلت له يالله اجل انا استئذنك بأمشي علشان الدوام بكرا قال خلك معاي شوي نسولف ونتفرج للتلفزيون

وبعد اصرار من هالرجال وتقديرا له قلت يالله وش فيها لو جلست معاه شوي

وهو يقلب في هالتلفزيون الا ويحط الرياضية

يا ويلاه لا لا لا ما اصدق الاسد الغضنفر كما يحلو لعشاقه او عماد كما يحلو له منور الشاشه

وقاعد يبربر ورى هالشاشة هو واشكاله وغيرهم يشتغلون ليل نهار ويجيبون بطولات << س/ من صاحب هذه المقولة

والله وسمعنا هالحكي من هالمغوار ومن ملوك الفلاشات اصحابه وكيف وصلوا بطولاتهم الى 35 طبعا بدون انابيب

بعد هالبرنامج الي يجيب المرض والقلق وكل ما يمت لهذه الكلمتين من صلة

الا ويلتفت علي صاحبنا وفي ثغره ابتسامه خبيثة

قلت له وش فيك يابو الشباب عسى خير ان شاء الله

قال جتني فكرة جهنمية راح يوصل لدورينا سمعه في كل انحاء المعمورة قلت له وش هي

قال ليش ما نستدعي هالفريق الي ما عنده شغله ولا مشغله غير الترزز في وسائل الاعلام ونخليهم يشاركون

وقال لي ترى اذا شاركوا وفازوا بالبطولة راح تكون بطولة رسمية ومعتمدة من الاتحاد السعودي

وبكذا راح نكسب سمعه اعلامية ونلقى دعم مادي طبعا مو منهم لأن وجيهم مو وجيه دعم

لكن من شيخهم ومعزبهم المطنوخ الي هو عاطل ايضا بعد طرده من الرياضة

فهل يا ترى بيشاركون لكي يتم رفع بطولاتهم الى 36 في اقل من شهر او ان لهم شروطا لا تتوفر في دورينا طبعا للي عنده فريق ترون البطولة اكيد راح تكون رسمية والي يبي يشارك لازم لا يكون لون فريقه ازرق

الا اذا كان هالفريق فاشل ومن جنبها فعندها يمكن ان نقبل بأن يكون اللون الازرق مشاركا في البطولة





الهلال والفترة القادمة


كما رأى الجميع مقابلة سمو الامير بندر بن محمد حفظه الله امس وقال بأن كوزمين صفحة قد انتهت منذ زمن

وقال بأن الهلال قادر على تحقيق انجازات فوق الوصف حتى بدون مدرب وهذه رسالة من سموه

الينا جميعا كمنظومة جماعية من لاعبين واداريين وجهازين فني وطبي وجماهير فلذلك

لا بد ان نقف في صف واحد وان ندعم هذا العشق الجنوني الذي اسرنا سنينا وسنين

وان لا نلتف الى من ذكرتهم في بداية موضوعي لأن ذكرهم اتى من باب السخرية فقط لا غير

وان ننسى قصة المدرب المقال او نتناساها من اجل هلالنا وان لا ننظر الى من سيأتي

لأن هنالك ادارة نضع ثقتنا التامة بها وكل ما علينا فعله هو ان نقف معهم وان ندعم القدير عبداللطيف الحسيني

في مهمته التي لا ارها بتلك الصعوبة في ظل وجود مناخ مناسب للعمل وكوكبة من خيرة نجوم الوطن


ولكم ارق التحية والتقدير والاسف على الاطالة !!

اخوكم


سعود