[المملكة]

إقتباس [/B][/CENTER]

يا سلام الله عليكم يارجال الهلال !! يكفيكم فخراً أنكم السبب في توازن ما تبقى من رياضتنا السعودية !!


يا سلام الله على اللي ذكرهم لا جا مجاله == يسـتحقون التحـية .. واحتـرام السامعيني

الرجال اهل الحميه .. والوفا..واهل الشكاله == الصقور اللي تعَلَّتْ .. ما تصيد الا السميني

ما خَـذوها بالتحايل !.. ما خَـذوها بالجماله == ماخذين الطّــيب كلّه من قديمات السنيني

الهلال اصل الزعامه .. والزعامه من هلاله == والزعيم اصله هلالي غصب عــنّك يـالـدّويني!

ما يديره غـير حــــرٍّ .. كل ما يقول .. طاله == صامتٍ .. لامن تكلَّم .. جابها في كلمتيني !

في حـديثه زود حكمة ! في معانيها جزاله == وفي سداد الراي فكره شمسٍ بوقته تبيني

ما تلَفَّــتْ للدنــايا ! وما تــنـزَّلْ للحثاله == وما يهمـّه غـير عشقه لازرق اللـون الثميني

وفي خفوقه من يعَرْفَهْ يدري ان الحب حاله == تحتوي هَمّ السعودي ذي سواة المخلصيني

ياشــبيه الــرّيح روّح جعلها لك بالسّهاله == لايردّك في طموحك .. حاسدين وخايبيني !

يوم كلٍّ لك تبَيَّن ! وانكشف لك من سؤاله == وطاح باقيه بجوابه ! .. ما بَعَدْ هذي قميني !!

علة الحاقد صعيبة .. ما يفيد ابْها احتماله == صوِّب سْهام البطولة يم صدره والجبيني !

ياشبيه الريح ريحك تعْصف بـ.. راع الهباله == طــيّرتْهْ بْلا هــواده ! واحْشــرَتْه بعلّتـيني

علة الغيرة .. وعلة ظاميِ طال ارتحاله == وانت يا عرّاب الازرق ! ساكنٍ في كل عيني

ويا سلام الله على اللي ذكرهم لا جا مجاله == يستحقون التحية .. واحترام العارفيني !!



شعر / المملكة
السبت / 24 / 3 / 1430هـ