[فتى الذهب]

السلام عليكم ورحمة الله وبركاته..

يوم أمس جمعني صدفه لقاء غير كل اللقاءات .. لقاء مع الداهية كوزمين أولاريو . ويازين اللقاء اذا جاك صدفه .

جلست معه حوالي نص ساعه . الرجال ارتاح وقام يفضفض تحس انه مقهور من جد .

تفاصيل اللقاء أقولها لكم بعد مايسافر كوزمين علشان ما أسبب له أي مشاكل هنا قبل السفر , لأنه قال لي كلام قوي

صراحه عن أحداث صارت بعد حادثة النهائي..

المهم باختصار .. يقول أنا مسافر بكره (الاربعاء) للإمارات. ويوم الخميس بيطلع على قناة أبوظبي الرياضيه .. سألته

وش اسم البرنامج قال مدري .. بس أنا اتوقع انه خط الفتنه والله أعلم.

على فكره الرجال جدا مبسوط من مشاعر الجمهور الهلالي..وعطيته جوالي يتفرج على كل اللقطات والصور اللي فيه

..وكلها كانت لقطات وصور لكوزمين والمدرجات الهلاليه باعلام رومانيا..يقول ماتوقعت كل ردة الفعل هذي.. أنا فخور

بجمهور الهلال.. وسألني من وين تركبون الصور على الأعلام؟!! قلت له من الغرابي وطلب مني ارسل له كل اللي

بجوالي على ايميله بغيت (اقوله اسف ما اعطي ايميلي أي احد ) . وأرسلت له ورد علي بايميل فضفضه والله تحس انه بالهلال من 10 سنين ...

طلب مني أني اتابع قناة بوخارست الأولى أمس الساعه 12 بيجيبون برنامج عن كوزمين والهلال ويقول حاطين خلفية

الاستديو جماهير الهلال ، وبتداخل معهم بالبرنامج . ( بغيت اقوله ماودك تعزمني اشوف هالقناة معك لأنها ماتطلع عندي )

المهم باختصار ..تابعوا كوزمين يوم الخميس على قناة أبوظبي الرياضيه ..

وان شالله اوافيكم بتفاصيل الحديث بيننا مع الصور في وقت قريب ودام عزك ياهلال