[ميرندا طماطم]

السلام عليكم ورحمة الله وبركاته

كيفكم ؟؟ شخباركم يا زعيمات وزعماء؟؟
كلكم تعرفون قد ايش احنا يالهلاليين نقّدر ونحب ونعشق كوزمين وقد ايش اثر علينا رحيله وهالشي وضح في اخر مباريتين لنا ( الشباب - سبابتري )
المهم انا كمشجعة هلاليه قلت مااحنا بأقل من العيال واحنا نقد نوصل صوتنا بعد لذلك قررت اني اسوي شي يوضح لكوزمين ان حتى هنا في السعودية ندعمه لان اللي قدمه لنا مو قليل ابد ابد طبعا اقدمت على هذي الخطوة باسم مشجعات نادي الهلال ( Fans )

اول ما وصلنا المستشفى يوم الاربعاء , الموافق: 14 /3 /1430 ظهرا رحنا عالغرفة وكلمنا الدكتور المختص وسألناه عن حالتها الصحية وطمنا انها بخير وراح تخرج في عصر نفس اليوم الاربعاء , وبعدها نزلنا على محل الورد وطلبنا البوكيه ورجعنا بعدها عالغرفة ولان كوزمين ما كان موجود طلبنا من الممرضة تدخله لها الغرفة على اساس ماحبينا نحرجها..ولكن حدث ما حدث واذا بها كالصاعقة فتحت الممرضه الباب وبكل لقافه طليت من اصغر زاوية ممكنه لاقز فإذا بكوزمين متكي على الكنبه.. لنستأذنه ولكن حلف علينا ان ندخل
دخلنا وسلمنا عليها بعدين عرفنا بأنفسنا وقلنا له احنا مشجعات نادي الهلال وانو حبينا نزور زوجتك ونتطمن عليها ونتمنى لها الشفاء العاجل.
طبعا اثناء ما كنا نكلمه بدت على وجهه ملامح الانبهار زي اللي مو مصدق ( يعني متشقق هو وزوجته من الفرحة)

واليكم الاخبار الحصرية:

سألناه هل راح ترجع تدرب الهلال؟
قال: لا بكل اسف,لا استطيع
سألنا ليه؟
قال: قبل كان ممكن ارجع لكن الان وبسبب الاخطاء(mistakes)اللى حصلت بعدين (وشكله كان يقصد التصاعد في الوضع المزري اللى تعرضوا له الجماهير وحكايه شعارات المسانده) واحنا مانقدر نتكلم( we can not talk) وقال اللى متحسف عليه العلاقة الحلوة اللى مع اللعيبه اللي كانهم عياله.
قلنا له: مافيه امل ترجع ابدا ولا حتى بصيص امل؟
قال: لا.. كذا افضل لان الوضع ماراح يكون زي قبل

واليكم الصور:

منظر خارجي لمستشفى التخصصي

هذا الطريق اللي يودي لمحل الورود

هنا وانا اشتري البوكيه لزوجة (كوزمين) وهذا ابو فلبن جالس يسويه

وهذي طبعا كارد خاص لكوزمين

هنا البوكيه بعد ما جهز والكاردين موجوده فيه
وكلفتنا واجد والله الله بالقطيه يا بنات وارسلوها على حسابي

هذا الممر اللي يودي للاجنحة والغرف

هنا الاخ لابس اسود وابيض .. تهقون بيدرب الشباب خخخخخخخخخخخـ
والا ما كأن الالوان قريبه من الوان السد القطري

تنويه هااام :

هذا الموضوع من جهدي الخاص وليس منقولا من اخرين , واليوزر الموجود على الصور هو يوزري بمنتدى اخر