[wdo]

أعذروني على أسلوبي في الكلام لأني ماجمعت كلامي صح طلعت اللي في قلبي وكتبته لكم
انا صراحه ماضاق صدري الا لما شفت الأمير عبدالرحمن بن مساعد معصب قسم بالله تمنيت الفوز بس لعيونه
لأنه تعب عشان الهلال
وثاني شي ياخي المقاهي تمتلي عن بكرة ابيها في الرياض ولا تحصل مكان تجلس فيه وتصرف اكثر من قيمة التذكره بمراحل
في المقهى لو أنك دافع عشرين ريال كان وفرت اقل شي 30 ريال حقت الشيشه وغيرها
القهر ان جماهير الفرق كانت تضرب مثال عن جمهور الزعيم
ويؤسفني اني الحين امثل او اطرح مثال عن جمهور الأتحاد اللي اقل عدد بمراحل عن جمهور الزعيم ومع ذلك كانت المدرجات
شايله الفريق شيل والله ماقدرت اسمع صوت المعلق عبدالله الحربي من قوة فرحة المدرجات وهتافهم لما سجلوا الهدف الأول
وخاصة الهدف الثاني واللي مو مصدق يروح يشوف الأعاده
واحد بغيت أتضارب معه مع انه يعز علي عشانه قال انتم جمهور الزعييق مو الزعيم وين اللي راح يملون الملعب
زي لما ملو أعتزال سامي الجابر سامي يستاهل ولكن برضو الفريق يستاهل ياناس حرام عليكم اللي قاعد يصير
والا بغيت اتضارب مع خويي ومع انه كان صادق في كلامه وين الجمهور ورحت قلبت عليه والحق كان معه وسبب عصبيتي
الجمهور ماملا المعلب والأداء الشوط الثاني كان جدا سيئ وما أقول ألا لولا الله ثم أسامه وألا كان ماتعادلنا وجا فينا هدف ثاني
الله يعطيك العافيه يا أسامه ولا نبخص حق الأمير عبدالرحمن بن مساعد الله يطول لنا بعمره والأمير محمد بن فيصل اللي جاب هذا
اللاعب الصفقه الرابحه للهلال شكرآ لكم وماقصرتو وشكري اخص فيه اللي ذكرتهم وللجمهور اللي حضر
ومع أحترامي لياسر الله يهديه ضيع كم كوره بالفلسفه قدام الباب وين ياسر اللي كان من انصاف فرص او اسف من لاشي كان يصنع هدف ماكان شي يعيقه واللاعب احمد الفريدي اللي يستلم كوره لوحده في منطقة جزاء الخصم ويرجع فيها للدفاع الخصم
ومستواه المتذبذب مو ثابت والله ياجماعة الخير لو أن الشلهوب بس نزل مكان الفريدي كان تغيرت المباراة من صالحنا لكن الحمدالله على كل حال وباقي ان شالله فرص ثانيه ليسى الأمل ماضاع وصراحه الشلهوب بدى يرجع في مستواه وحماسه آخ بس لو خلى الأمور كتالين زي ماهي ونزل الشلهوب بس مكان الفريدي كان لعبنا فيهم لعب
وبرجع لموضوع الجمهور وأدري طولت عليكم لكن لو تلاحضون فريق الأتحاد كان مستواه سيئ جدا في المباراة وكان الفريق الأيراني للأسف مستواه أفضل من الأتحاد كبنيه جسمانيه وتكتيك ومهارات وسرعه لكن الجمهور اللي عددهم أقل من عددنا شال الفريق
وخلاهم يلعبون بروح الفريق وقلبو النتيجه مع ان والله وبدون غرور وتكبر ( الكبر لله سبحانه ) ان الهلال كا عناصر ومستوى وتكتيك
ومهارات ومحترفين أفضل من الأتحاد لكن كا جمهور للأسف ماكنا قد المسؤليه اللي تمناها اللاعبين والرئيس والجمهور اللي حضر في نصف الملعب فقط
واللي قاهرني وابي اعرفه وش سبب السكوت لما جا الشوط الثاني مافي اي تشجيع
اذا كان على مكبرات الصوت تبع رابطة المشجعين ممنوعه من الأتحاد الآسيوي في دوري أبطال آسيا فأحنا والله محنا في حاجتها
نقدر وبصوت واحد نهز الملعب هز وللأسف أرجع أمثل لكم في جمهور الأتحاد وانا أتكلم ترى بس عن مباراة دوري آسيا بالنسبه لجمهور الأتحاد ما أتكلم بصفه عامه كان مافي مكبرات صوت وكان صوت المعلق والله ياجماعة الخير مو عالي مره وخاصة بعد الهدف الثاني انا ما أبي أمثل بجمهور غير جمهور الهلال لكن للأسف حدتوني على هذا الشي عشان ما أكثر كلام شوفو أعادة مباراة الأتحاد وانا على فكره تابعته وتابعت الأتفاق والشباب وشجعتهم بحكم انهم فرق سعوديهفي الدوري الآسيوي لكن ماتوقعت اني بطلع متعادل ومنقهر من الجمهور والأداء ياجمهور الزعييييييييييييييييييييييييييييم مانحتاج مكبرات صوت لا الحين ولا بعدين نبغى أصواتنا تتعدى صوت المكبرات نبغى نهز الملعب والتعادل مو نهاية المطاف باقي وقت طويل نقدر نغيرمستوى الهلال بأصواتنا وأهازيجنا
ف تكفون تكفون تكفون نبغى نرجع للهلال وجمهوره هيبته نبغى الناس تذكر أمثال عن جمهورنا مانبي نذكر أمثال عن جمهور أحد ثاني
والدليل ماراح وقت طويل عن أعتزال سامي وكنا مالين الملعب ياناس وش اللي تغير مو جمهور الهلال اللي يتغير جمهور الهلال اذا ماكان نفس العدد راح يزيد والله فيه شباب أعرفهم متزوجين وعندهم عيال صغار ومنهم من يشجع النصر والا الأهلي والا الأتحاد او اي فريق أخر عيالهم يشجعون الهلال مع انهم والله يقولون لي اننا نعبي راسهم او كل واحد يعبي راس ولده بالفريق اللي يشجعه عشان يطلع ولده على ابوه تدرون وش اللي خلى عيالهم يشجعون الهلال لأن الأبو كان يعصب والولد الصغير جالس جمبه وسبب عصبيته انه يشوف فريقه ينهزم الزعيم ويشوف مثلا خاله والا عمه مبسوط لأنه هلالي وفريقه فايز بعد توفيق من الله سبحانه فشي طبيعي ان الولد راح يدور المتعه والفرحه ومع الوقت اذا كبر راح يعرف الهلال وتاريخه وجمهوره ويمكن بكره يكون لا عب مؤثر او اداري او مشجع او صحفي او مذيع او او او او او الخ
في نادي الهلال لأنه هذا عشقه وهذا اكبر دليل على زيدة شعبية جمهور الهلال بدرجه كبيره على مر السنوات
وفي الأخير مافي جمهور يملى الملعب للأسف شي قسم بالله يقهر
لكن في وقت للدوري الآسيوي اولا والسعودي ثانيا خلونا ندعم الزعيم خلونا نرفع الكاس بأذن الله مع اللاعبين ورئيس النادي الله يطول لنا بعمره ولا يهونون أعضاء الشرف والأداريين وكل من وقف وراء الزعييييييييييييييييييييييييييييييم
اسف جدا على الأطاله لكن شي في قلبي حبيت اوصله لكم مع ان كلامي مو جديد عليكم لأن في أعضاء سبوقوني الله يعطيهم العافيه يالموضوع هذا لكن مو مشكله ان الواحد يطلع اللي في قلبه للكيان الأزرق
فأكرر تكفون تكفون تكفون ثم تكفون خلونا نملا الملعب ونغرق جمهور الخصم بأمواج الزعيييييييييييييييييييييييييييييييييم