سلام عليكم
مالي خلق مقدمات
اببدأ الموضوووع ع طول
بالبدايه حضور غير متوقع من جماهير الهلال حضور يسود الوجه
المباراة:-
مدرب متخبط
يعني الفريدي كان افضل لاعب بالمباراة وكان الهلال قريب من تسجيل الهدف
الثاني وبالنهايه يطلع الفريدي ويدخل مهاجم
ويكرر غلطته اللي بمباراة الشباب واستلم الفريق الايراني الوسط
وصار هو المتحكم برتم المباراة
يعني استغرب هالتبديل لاولي ولاطارق بالمستوى والفريدي كان يلعب وحيد بالوسط
كان الفريق الايراني سيء دفاعياٌ كما هو سوء المرشدي
والهلال كان يقدر يفوز بسهوله وبنتيجه كبير
لكن تبديل المدرب بخروج الفريدي قتل المباراة
ولااحد يلووووم ياسر يعني ياسر والله سوا كل شي
يوم الفريدي كان موجود ولاقصررر لكن خروج الفريدي اثر على
ياسر وصار ياسر يرجع عشان يستلم كوووره لان مافيه احد يوصل له
لاطارق ولا ولي المفروض انه طلع التايب لانه بطيء ويقتل اي هجمه
للهلال وولي مادري وش بلاه اليوم
من راح كوزمين وهو سيء
وبعدين حاجتين
1******
فيه اشياء سمعتها وقريتها من الجمهور الهلالي وماتمنيتها ولاتوقعتها
اللي يقول الاسيويه بعيده مادام يوووسف وسامي راحو
بشبكة الزعيم خاصه
معلومه واكيد اغلبهم يعرفهااا
ان لاعبين الهلال يدخلون الشبكه ويقرون كل شي
وهذا الشي بصراحه يحطم اللاعبين
2*********
بالملعب اليوم سمعنا هتافات الجماهير باسم كوزمين
كوزمين كلنا نحبه وهو يعرف بهالشي
وتكفي مباراة الشباب الماضيه اعلنا انا مايهمنا لاسلطان ولاغيره
لكن تكرار هذه الهتافات يضر بالنادي واللاعبين
وخاصه المدرب لانه بيصير تحت ضغط
...............................................................................................
بعد هذه المباراة اود ان اشكر
هؤلاء اللاعبين
1_محمد نامي (كان يلعب بحماس وروح
2_اسامه هوساوي (كالعاده يثبت انه سد عالي
3_الزوري (كان يغطي خانته ويغطي غلطات المرشدي
4_احمد الفريدي(كان روح الهلال واختفت الروح بخروجه
5_ياسر القحطاني (مع انه كان وحيد ومراقب لكنه ماقصر
بالنهايه
اقولكم هذا اول موضوع لي بالشبكه واتمنى انه يوصل
للجميع تحياتي لكم 
الوضع الشجري
