[الهلال+ سمسم = حياتي]

السلام عليكم ورحمة الله وبركاتـه



بدون مقدماات .. اليوم رحت للملعب

وتواجدت بين المغرب والعشاء .. تفاجئت بالعساكر يقولون مافي دخوول لانه جاهم خبر بتأجيل المباراة

قلت لهم ياجماعة الخير .( موبايلي الهلال ) مرسلين رساله يؤكدون ان المباراة اليووم .. قالو مافيه مافيه

قلت لهم تحلمـووون أنتـم

قالو ( انت ماتفهم . ترى بنخلي كحيلان ) يتصل يهاوشك ويقول من هم الي يحلمون < قويـه شوي

الموهـم وانا اكلمهم . الا واشوف بااص يدخل وصوت دوريااات .. رحت أتبين وأشوف طلع بااص الناادي ؟؟

طارت عيووني وشلون ( العسكري ) يقول المباراة مؤجلـه والاعبين جااي؟؟

المهم لحقت الباص لحالي . واشوف العساكر كأنهم صاادين عني .. لحقت الفريق ودخلـت مكان (باص) الهلال

قابلت الزوري .. كانت نفسيته مره سيئـه .. وسلمت عليه قلت وش السالفه يا ( كابتن ) قال علمي علمك بس

توني أدري عن التأجيل ..؟؟

وقابلت المدرب كاتالين .سلمت عليه يد بيد . وسفهني(مطنقر) وكانت نفسه بخشمه للامانـه

لبى قلبـه الوحيد الي شفتـه يضحك . محمد نامي

دخلت غرفة تبديل الملابس وللامانه ضااع وجهي

ماكان فيه الا الاعبين والمدربين وسمو الامير نواف بن سعد ( كان يشرح لولهامسون ) سبب تأجيل المباراة

شفت الصويلح والدعيع . يطالعون مباراة ( الشباب السعودي × الغرافه القطري ) سلمت على بعض الاعبين

لكــــــن !!

زبدة الموضـوع ..

1 - الاعبوون محبطين مرره من سمعو ان المباراة مؤجلـه وكانو متضايقين جداً ..!!

2- كييف يتم تأجيل مباراة لفريق في دوري أبطال آسيا ( ثاني أكبر بطولات العالم) بدون علم النادي؟ والبلا ان النادي هو المضيف يعني لو الفريق الايراني الي حاضر كان تهون ؟ بس الهلال صاحب الأرض ولا يدري .. عن جد مهـززله

3- كان هناك جمهور متواجد بالمدرجات . قبل ان يأتي خبر التأجيل . وقام المذيع الداخي بـ ( التحريج ) أطلعو الله يرحم والديكم .. وطلعو بعد شد وجذب مع حراس الأمن


علماً أن المباراة الساعه الـ ( 6,40 ) م ,,

يعني الي يقول ماراح اروح عشان مباريات دوري أبطال أوروبا زي الي أعتذرو اليوم

ماله عذر لأن مباريات دوري الأبطال الأوربي (10,45)م



أرجو أن أكون وفقت في نقل الصوره من الملعب .. وبالتوفيق لزعيم في مباراة الغـد

[ḾŎĤǍṀẠḊ]

بيض الله وجهك ووجه الي حضرو اليوم

ووجه الجماهير الي بتجي بكرى وانا واحد منهم اكيد

اليوم كنت ناوي اجي بس والله الوالده حلفت علي قالت ماهنا طلع لين يزين الجو

وعاد تعرف كلش ولا الوالده

[wem11]

يجب على الجماهير ان يتحركوا ويسيدون على الملعب مباشرة

همتكم موعدنا غداااااااااااااااا

مشكور على التفاصيل

[ABU-MFARG]

سبحان الله كل تأخيرة فيها خيرة

ومن الإيجابيات في تأجيل المباراة

المباراة راح تكون يوم الأربعاء والعالم كلهم معطلين

المباراة راح تكون 6:40 واللي يبي يشوف مباريات دوري ابطال اوروبا ( ماله عذر ) يمديه يشوف مباراة الزعيم .. ويشوفها إعادة مرتين .. ويلحق على مباريات دوري ابطال اوروبا

بالتوفيق للزعيم

[زعيم يابعد حيي]

مصدرك !!






























يعطيك العافيه و ان شالله بكره الحضور يشرف الزعيم

[ريـرو]

ههههههههههههههههههههههههههههههههههههههههههههههههههههههههههـ


الله يرج قلمك الزاااااااااحف ,,

اجل يحلموووووووووون

خخخخخخخخخخخخخخخخخخخخخخخخـ




يارجال انا مثلك جتني من موبايلي الهلال الله يقردها من خدمة !

رسالة تقول الطرق سالكة للملعب ووو..إلخ ..

وبعدها بدقيقتين ترسل رسالة تم التأجيل !!


لا يا شييييييييييييييييييييييييييييييييخه هنوووود حنى ؟؟


العيال جايين من (( المجمعة )) وقصوا تذاكر ودخلوا وآخرتها رجعوا بدون فائدة ..

وخسروا حول 100 ريال !!


وطبعاً مهب حاضرين بكرة لانهم رجعوا

بس أنا بحضر نيابة عنهم




المراااااااااد موبايلي الهلال خدمة زفت زفت زفت !

و موعدنا المدرجااااااااااات بكرة ,,

إقتباس الرسالة الأصلية كتبت بواسطة الهلال+ سمسم = حياتي يعني الي يقول ماراح اروح عشان مباريات دوري أبطال أوروبا زي الي أعتذرو اليوم ماله عذر لأن مباريات دوري الأبطال الأوربي (10,45)م أرجو أن أكون وفقت في نقل الصوره من الملعب .. وبالتوفيق لزعيم في مباراة الغـد

عز الله مالهم اي عذر اولهم أنا بحكم أني مانشيسترواي

[الاسطوره ''SAMI ''9]

إقتباس الرسالة الأصلية كتبت بواسطة الهلال+ سمسم = حياتي 2- كييف يتم تأجيل مباراة لفريق في دوري أبطال آسيا ( ثاني أكبر بطولات العالم) بدون علم النادي؟ والبلا ان النادي هو المضيف يعني لو الفريق الايراني الي حاضر كان تهون ؟ بس الهلال صاحب الأرض ولا يدري .. عن جد مهـززله

مع احترامي الشديد تأجيل المباراة بسبب الضروف الجويه والكل عارف مو موعقول اللاعبين مو عارفين هالشئ ,, قدّر الله وماشاء فعل,,,

عمومآ يمكن هالشئ يكون فيه خير للهلال ,,,

لكـ

[<< كبرياء هلالي >>]

إلى متى .... !!

والأمن سيئ جدا جدا جدا

حتى في مباراة ليست تحت رعاية الاتحاد السعودي ... الأمن لم يتغير لا معامله ولا تنظيم ولا أدب ..؟

انا ابي اعرف شي واحد بس ....؟
ليش الأمن اللي يفتشون قبل دخول الواجهه من جهة الهلال ... ليش معقدين كلهم؟
بكتب لكم الوصف .. عشان تعرفونهم زين
وانت داخل من بوابة رقم 5 .. البوابه الجنوبيه للاستاد
يجيك شباك تذاكر .. بعد الشباك ع طول .. يجي تفتيش <<< هم هذولا ... حسبي الله عليهم
لي 3 سنين وانا وغيري كثير يعانون منهم ... ولكن ساكتين؟

بس اليوم خلاص .. صار شي ماينسكت عليه (مااقول الا حسبي الله عليكم ونعم الوكيل)

اولا .. مافيه تسهيل لدخول الجمهور (علما ً إن الإتحاد الآسيوي طلب تسهيل دخول الجماهير) ..؟
وثانيا .. الأعلام والشالات مسموح فيها (ولكن الأمن منعوا كل الأعلام .. وسمحوا في بعض الشالات) ..؟
وثالثا .. إلى متى إهانة المشجع الهلالي وتطفيشه .. من قبل الأمن (خاصة ً العسكر اللي يفتشون قبل دخول الواجهه)

بجد الواحد يحس بالذل والإهانه منهم ... لكن صابرين من أجل الزعيم
ولكن من يأخذ بحقنا .. من يحمينا منهم ...؟

اعذروني ع الإطاله .. لكن من القهر ماقدرت اسكت
واللي يقهر زياده .. المباراة في بطولة آسيويه .. والاتحاد السعودي ماله خص لا من قريب ولا من بعيد
إذن .. تعتبر المباراة تحت إدارة فريق الهلال <<< هنا الطامه .. ليش التنظيم سيئ؟

غدا ً موعدنا ... (حاضرين حاضرين .. في كل الظروف وكل الأحوال)

:: تنبيه مهم ::

لاتنسون المباارة الساعه 6 .. يجب الحضور من بدري لتفادي الزحام

[♥ N E V E S ♥]

الله يستر لاتتأثر نفسية اللاعبين بكره..

[هلالى حـتى المــــوت]

حلووووووووووووووووة وان شاءالله بكره راح تشوف درة الملعب على اصواله

[alzaeem-only]

لعلها خيره ان شاء الله
وبكره ان شاء الله المباراة راح تكون مباراة جميله بحضور الموج الازرق
وشكرا

[مورينهو السعودية]

إن شاء الله خيره

وبإذن الله الحضور غداً يكون اكبر والفريق يركز اكثر على المباراة ويحقق نتيجة ايجابية يارب .

[مجيد الإنتراوي]

الوعد اليوم نبي الملعب أزرق

[الهــ(زعيمهم)ــلال]

من الطبيعي انها تتأجل المباراة .. لسوء الاحوال الجوية .. وهذا شي مكتوب من الله سبحان وتعالى .. وعساها خيرة

اما من ناحية نفسية اللاعبين متأثرة هذا غير صحيح .. لاعبين الزعيم محترفين ويعرفون ان كل شي بيد الله


والخيرة فيما اختاره الله .


والله ولي التوفيق

[آمر تدلل]

مافيــة أحباط ولاشي أدو تدريب على الاستاد
والمباراة غداً يعني الوضع طبيعي في مثل هاذي الاجواء