[غاوي هلال]

نعم نستحق مباراة كسر العظام مباراة التحدي مباراة الكبار..

بصراحه بلا ديربي نصر بلا خرابيط ديربي الوسطى بين الهلال والشباب وبس...

مباراة من العيار الثقيل جداً حماسية تكتيكية مهارية قوية والبقاء للاقوى.

اليوم نامي خطير جداً واستغرب من اللي ينتقدونه بالعكس هو افضل لاعبين الفريق مع ويلي بالاخص في الشوط الاول

ويلي قلب الهلال النابض وروح لا تكل ولا تمل حماسي ولا مكان لليأس في قاموسة يكفي ان كل الكور اللي يشترك فيها ويلي يأخذها معه وهو ماشي....

واكمل الروح اللي ذكرتنا بروح زمان اللاعب فهد المفرج اللي اعتبرة من نجوم المبارة وخاصه بالتقفيل الخلفي الصح مع هوساوي ورادوي وعزيز وكمل اداءة بالهدف الكفاحي اللي سجله والقفزة الخيالية اللي جت من قلبه النابض بحب الهلال ....

الجمهور اليوم جمهور خيالي ومتفاعل وافضل من جمهور مباراة النصر بمراحل ويكفي لفتتهم الجميله واللي تبين قد ايش للجمهور دور في المباراة وهي تصفيقهم في بداية المباراة لفهد المفرج مع كل كورة يستلمها وذلك لتشجيعه وشحذ همته والله كفو ياجمهور الهلال...

مبرووك هذا الفوز المستحق واللي اعتبرة جاء بحماس وروح اللاعبين بنسبة كبيرة وما قصر كوزمين بنسبة جيدة ولكن رفع ضغطنا بالتغيير الاول لأن سول مع احترامي للي جابه نقص على الفريق...

واختم كلامي بطرفه الدعيع عند تسليم الكأس يوم قال للامير عبدالرحمن بن مساعد انت ارفع الكأس انا رفعته العام