[محب الذيب]

بسمـ الله الرحمن الرحيمـ

مساكمـ الله بالخير ياجماهير الزعيم
المهمـ اليومـ وديـ اكتب عدة مواضيع
ببديـ رائييـ بأشكر اليـ يستحق وبنتقد اليـ يستحق النقد
طبعاً كلها حسب وجهة نظريـ انا وانا ليـ حرية أبداء رأييـ
واتمنى تقرا الموضع كامل ولا لاتقراه
.
.
اولـ شيـ وديـ اتطرقـ لـسيول

صراحه انا من أول مابلعته موب احبه ولا مااحبه لاكن طريقة لعبه مااعجبتني
واليـ يبي يتأكد يرجع لردودي ومواضيعي السابقه
صراحه ماأضافـ للفريق اي شيـ بالعكسـ انا اذا لعب احس اننا ناقصين
يعني ماسوى إلا حسنه هدف ياسر لاكنـ الحمدلله عقده كلها 6 اشهر وينتهيـ
.
.
وبنتقد الجماهير اليـ انتقدت جماهير الرياض

صراحه كنت بحطلها موضوع خاصـ بسـ قلت ياولد جمعلكـ
كم موضوع وحطها سوى المهمـ جماهير الدمام عندهم الهلال في الموسم مرتين
وملعبهم ان كثر سعته 40 الف هذا ان كثر
جماهير جده الهلال عندهم اربع مرات وملعبه الظاره مايتعدى 40 الفـ هذا ان كثر
والقصيم الهلال عندهم في الموسم مره وملعبه مدريـ اذا سعته اكثر من 10 الاف
وجماهير الرياض عندهم الهلال طول الموسم وسعت ملعبهم 70 الفـ
طولـ الموسمـ وسعته 70 الفـ ياشباب إذا الجماهير الهلال حظرت لاكنـ ماملـت الملعب
أقول ماملت الملعب يعني فيه حظور تشوفـ الانتقادات يعني جماهير الرياض
وجماهير الرياض ماكفتهم عنصريه خلاصـ كلنا هلاليين طيبـ واذا استاد الملك
فهد امتلأ عن بكرة ابيه ماشفت ولا موضوع واحد شكر لجماهير الرياض
يعنيـ طول الموسم كل اسبوع مباراة وفيه حظور انا اعتبرها جديده جداً
شوفو جماهير الانديه السعوديه وشوفـو الحظور وبعدين تعالو انتقدو
.
.
والحينـ بقولكمـ قصة موضوعـ اتمنى تقروونها زينـ

انا شفت فيـ صحيفة الكترونيه مسويه لقاء مع ياسر القحطانيـ
وجيت للمنتدى ولا لقيتها منقوله استغربيتـ !!
قلتـ انتقلهم اللقاء يعنيـ لاعب هلاليـ ومسوينـ معه لقاء
اكيد لازمـ انقله عشان يشوفونـ الجماهير الهلاليه اللقاء
المهمـ نقلته وعاد مثلكمـ عارفينـ الجماهير لازمـ مصدر
وانا بعد ذمتيـ موب وسيعه قلت لازم احط مصدر وحطيت
رابط للقاء من الصحيفه الالكترونيه وحطيت الموضع
مادريت إلا ثوانيـ الموضوع محذوفـ وصاقعينيـ بانذار على الطاير
قلتـ للمشرفـ طيبـ انا حاط لقاء لياسر وحاط المصدر من صحيفه الكترونيه
يعني موب موقع عاديـ هذا المواضيع مليانه روابط
واولهم بردوق صندقان يعنيـ كلـ يوم منزل رابط لموقعه يقولـ شوفو وشوفو
طيب انا ماقلتـ شي هذا ممتاز لاكن المفوض وزيـ ماطبقو القانون علي
وانا ناقله من صحيفه الكترونيه وللعب هلالي موب موقعي المفروض يحذف
موبـ يثبتـ يعنيـ الصدقـ صدقـ
.
.
فيـ الاخير: اسفـ على الاطاله ويعلم الله انيـ ماحطيت هالموضع للاسائه
لعضو او جمهور من جماهير الزعيم لاكن انا ابديت وجهت نظريـ
وقلتـ الي عنديـ آسفـ على الاطالة

اتمنى من الادارة تقبلـ وجهت نظريـ