[روني الصغير]

بسم الله الرحمن الرحيم

كالعاده ... ( والله تعبت من كتابة المواضيع .. ) (الله يرحم امك يا فقر فز وريحنا)

المهم ... القناص هذه المره رحم النصراويين , وسمع ان راضي زعلين عليه ويقولون مو معقوله كل مره ياسر شاق وجيهكم , فبعد اخذ وعطى مع ياسر حلف ياسر ان يسوي هجمه بنت كلب ويضبطها بكنترول واستقبال ويذكرون له الهجمه ويقولون راضي صد كوره خطيره لياسر

وفعلاً ياسر طلع بنهاية المباراه وقال ليش ما نقول ان راضي ابدع بشيلة الكوره

خل عنك الاستعباط ياسر


اول مره اشوف فريق مهزوم واحد صفر وباقي عشر دقايق

وملعب اربع مدافعين في الخلف بسبب مهاجم واحد؟؟؟

سؤال يوجه للنصراوين ... ليه مدربكم موقف اربع مدافعين والبطوله خروج مغلوب ومهزومين وباقي كم دقيقه؟

الحكم سوى كل شي .. الرجال ما قصر سوى كل شي للنصر بس للاسف

طلعوا اللي شاد فيه ظهره ما عندك احد من اولهم لاخرهم .

طرد لاعب , تغاضى عن ضربة جزاء لويلي , ما بقى الا يغير ويلبس فنيلة النصر ويمسك ياسر
عشان تنتهي المباراه تعادل ويفوزون ببالبلنتيات , (مستحيل النصر يفوز على الهلال)

طبعًا النصر نزلوا الملعب ومصدقين انهم فريق روح وحماس ومدري وش

تشوفهم بالملعب اول الدقايق تقول ملحوقين , يركضون والله ما يدرون وين ربي حاطهم

المهم انهم يركضون وباخر شي يقولون حنا فريق الروح والحب والوئام والرومانسيه

فريق والا قصر افراح هذا؟!

طبعًا ياسر والتايب وابو 52 مليون استغلوا الغنم وحماس الغنم واستبدلوا حماس النصر الاحمق

بالتركيز واللعب بعقل ونظموا هجمه بشكل اكثر من رائع ووضعها القناص ليجعل ويلي منفردًا مع الحارس

ليضعها بجانب العملاق راضي(على فكره ليته يغير بدلته ويخلي عنه التلزق بالدعيع, التلزق ما نفع خوجلي)

الهلال سيطر على الملعب طولاً وعرضًا ,

المدرب كوزمين بصراحه ماله داعي .. ياخي اي استحقار هذا؟ ,

ما تنزل قلب وتلعب رادوي قلب ؟ ....ز لهدرجه النصر طايح من عينك؟
احسه يقول وش الحاجه لقلبين قدام ربيع وشلته؟

وللمره الاولى بتاريخ التايب خلاه المدرب محور

استحقار مثل هذا ما شفت

في اخر ثلث ساعه على اساس ان كوزمين بدا باحترام النصر شوي, اشرك الفريدي محور
لانه قبل خمس سنوات يذكر ان الفريدي لعب محور

وفي اخر المباراه اتت اوامر ساميه من سمو الامير عبدالرحمن بن مساعد صاحبه توبيخ لكوزمين في ان يحترم شقيقنا فريق النصر وان يجعل الخثران محور

وختم كلامه سموه لكوزمين بقوله :" انت ما تدري انهم يعتبرون هالمباراه ديربي ؟ وين بتودي وجهي من شيوخهم؟"


وحلف ابن مساعد على كوزمين انه ينزل قلب مكان رادوي

لكن كوزمين حلف انه ما يلعب قلب عشان يريح المفرج للنهائي

وفعلاً نجح كوزمين بالانتصار على نصر (كحيلان) المتطور العظيم

رغم انه أفضل مدافع في بطولة الخليج طرد من الدقيقه 35



خبر عاجل :
"طلال الرشيد يقول ان كوزمين كان يجب ان يطرد"

هذا دليل على كلامي

خلصوا من اللاعبين بدوا بالمدربين

وهذا ما يؤكد كلامي بخصوص كوزمين واستفزازه لرئيس النصر و(عضو الشرف المقنع بمكياج درعه ) طلال الرشيد