[زعيم بلا زعيمه]

بسم الله الرحمن الرحيم




في الحقيقه انا هلالي صميم.....


من ايام ما كان يلعب فريق القدم بستة لاعبين في الملعب ....



بس اعترف لكم يا جمهور الزعيم اني ارتكبت حماقه قبل ما تكون خطيئه و اتمنى انكم تساعدوني بايجاد الحل و انكم تسامحوني بنفس الوقت

المشكلة اللي صارت لي كانت بوقت مباراة النصر و الاتحاد بثمن نهائي ولي العهد


صراحه احترت من اتمنى فوزه من الفريقين.....

(( طبعا لو.. الود.. ودي... كان تمنيت الحكم هو اللي يفوز و يتأهل))


بس ما ادري حسيت احساس قوي اني ابي النصر يفوز

لا احد يستغرب ايه اقولها و كلي خجل كنت ابي النصر يفوز

اللي يهونها بالخاطر ... و يخلكم ترأفون بحالي


اني كنت ابيه يفوز لعدة اسباب:

* ان المباراة بتكون ديربي و باستمتع فيها اكيد.

* راح نأكد للنصراويين ان الهلال هو البعبع لهم في جميع البطولات و ان بطولة الاولمبي الموسم الماضي جيرت لهم بفعل فاعل.

* ان النصر هو الحلقة الاضعف.

* وقت ما حط المخرج الصوره على البلوي راودني هذا الشعور بقوه.


انا اعرف ان هذه الاسباب لا تبرر خطئي اللي سويته ...

عشان كذا بعد المباراة مباشره حاولت اتدارك الخطأ فذهبت ابحث عن كفاره له


سألت زميل لي ((( نصراوي تائب )))) ما كفارة الخطأ

فعدد لي اشيا كثيره ..لا طاقة لي بها
و بما انه نصراوي سابق فهذا بحد ذاته ينزع الاهلية منه


فانا اطلب من جمهور الزعيم ان يحكم بما يراه صالحا.

&&&&


انا بديت بهذي المقدمة السامجه من اللي شفته من بعض جماهير الزعيم

من التهويل و التخويف من المباراة القادمه امام النصر

و كثرة الكلام بان لا نتهاون بالنصر و ان نعطيه حقه


انا معهم بعدم التهاون بالخصم حتى و لو كان فريق حطين..مع احترامي لهذا الفريق

بس مو لدرجة التهويل واعطاءه اكبر من حجمه


النصر هو النصر ما تغير..هو نفس الفريق اللي فزنا عليه قبل فتره 2_صفر

فريق متهالك اجانب ما عندك احد

باختصار فريق نفسيه بس لا اكثر ولا اقل


و تراه فايز على الاتحاد مو فايز على برشلونه

هذا اللي يبيه الفريق النصراوي ان حنا نصدق انهم فريق متجدد و انهم هذاك الخصم العنيد وان الرهبة تدخل في لعيبة الهلال

و لكن لعيبة الهلال مميزين جداااااااااااااا


و يعرفون مقام الفريق النصراوي و لعيبتهم


و الكبير دايما كبير


بأذن الله و مشيئته يكون الفوز هلالي






و دمتم في محبة الزعيم