[Guyton]

السلام عليــــــكمـ
أجمل تحية لكل الزعماء
والله ان التعصب وصلنا لهالحالة
واحد ينقل لي
قبل سنة كان جالس في استراحه كلها نصراويين
كانت مباراة بين الهلال والنصر
فأثناء المباراة الكابتن فهد المفرج كسر كسر احد لاعبين النصر
قال واحد من النصراويين هذا (يعني المفرج) والله انه في النار
قال صاحبي أعوذ بالله الجنه والنار بيد الله مو بيدك
قال والي يشجعون الهلال كلهم بالنار
بعدها قام وخلاه لأنه معتوه ما ينرد عليه حتى
.
.
.
يوم قالي صاحبي عورني راسي من كبر الكلمه
لكن قلت هذا ما يجيك من بعض جماهير النصر تعصب اعمى ما اشره عليهم
لكن الي قهرني صدق مره يوم قلت لواحد نصراوي الموقف ذا
وفشلني بمقطع بلاتوث الهلالي الي في المدرجات مع الرابطه يدعي على جمهور النصر بأدعية مثل أدعية القنوت (اللهم دمر شملهم انهم طغو في البلاد.......)
.
.
.
إخواني الله يخليكم لا تخلون التعصب يوصلنا للمراحل ذي حنا جمهور نمثل نادي الهلال أي نقص فينا نقص في الهلال وكلنا نحب الزعيم ونحب نخليه بإستمرار يظهر بصوره مميزه .
واعذروني على النقد