[برنس الزعماء]

السلام عليكم ورحمة الله وبركاته
أول شي أحب أشكر القائمين على المنتدى بعد تفعيل العضوية ولو إنها ما بغت

بدخل في الموضوع...
البطولة الاولى وراحت من الزعيم لكن الجايات أكثر إن شاء الله

بس عندي ملاحظات على الفريق من زمان واللي كنت خايف منه صار وخصوصا مباراة الشباب
ألاحظ إن الفريق يجامل اللاعبين الأجانب على حساب المواهب القادمة أقرب مثال مباراة أمس ياناس اللاعب (سووووووووول) عطوني شي واحد سواه أمس صح انه يتحرك لكن ماأفاد الفريق بشي يمكن البعض يقول ثاني مباراة اصبر شوي... طيب ماقلت شي أصبر لكن ياناس اللاعب الفنان يوضح من طريقة لعبه ولمساته
ويلي أول ما جا ما قدم مستوى لكن لمسات حلوة
رادوي أول مباراة أقنعنا مع إننا ما نبي محور
وذا من جنبها كنترول ما فيه وشووت ما فيه ومهاره مافيه وراس مافيه وثقيل مرة مع أن الكوريين معروفين بالسرعة>>سياكل<<على قولة ابويعقوب
يستلم الكورة ينزل راسه ويدور الاطراف ويعكسها زي وجهه
الشاهد والله اني متابع الاجانب من اول ماجو لازم يلعبون المباراة كاملة من سابع المستحيلات انه يطلع ولو كان ما قدم شي وعلى حساب خسارة الفريق يروح كوزمين يطلع العنبر ويخلي سول يعني الفريق لعب بدون مهاجم بعد العنبر ياخي كان مسوي خطورة ويدخل المبارك ويلعبه هجوم<<الحمدلله والشكر>>
من اللي غاصبك يالداهية ويلي اول ماجا ماعمره طلع الا مباراة الحزم يوم يكسره الهليل وهذي حسنته الوحيدة ابوهليل لان ويلي كان عبء على الفريق...ماني خايف الا على الفريدي لانه يطلعه وهومقدم مستوى زي مباراة النصر والاهلي


إذا رجع التايب وش مصير الفريدي صدقني ما تشوفه لعيون سول وويلي ورادوي

تعبنا يا إدارة ياابومساعد ياسامي نبي مهاجم صريح مع القناص وكل مرة يجيبون واحد يلعب جناح ايمن او ايسر طيب الوسط عندك مليان بعدين 6سنوات ما فيه ظهير ايمن تقولي نامي؟؟

صح نامي كويس بس مب في الهلال واذا طالبنا قالو عرضنا على الوحده والشباب نبي المر والا شهيل ورفضو

طيب فيه اختراع اسمه لاعب اجنبي ظهير مو قلب دفاع زي رالديس

صراحة كنت متفائل من فترة الانتقالات هذي بظهير يفك الازمة لكن للأسف>>>مت يا ح؟ار لين يجيك الربيع...<<<

أرجو الرد على الموضوع ولو انه قوي شوي لكن وجهة نظر...