[الزعيم صعب المنال]

بسم الله الرحمن الرحيم

مساء او صباح الخير على احلى جمهور في العالم , جمهور الزعيم

عندي فكرة وان شاء الله تعجبكم يازعماء ( وباقي على مباراة الشباب يومين يعني يمدينا نطبقها )

الفكرة الله يحييكم :
هي توفير باصات لنقل الجمهور الهلالي من خارج مدينة الرياض الى الرياض لمشاهدة المباراة والتشجيع والمباراة اصلا يوم الثلاثاء يعني ماراح احد بيحضر الاربعاء للدوامات ( اقصد الطلبة ) يعني 6 ساعات ماراح تضرك تحضرها للزعيم واعتقد هو يستاهل والمباراة هامة .

من يتبنى الفكرة ؟

يتبناها او يتكفل بها احد الاربعة هؤلاء ( احد اعضاء الشرف ) او ( الادارة العزيزة )
او ( مجلس الجمهور الهلالي ) او ( احد المشجعين المقتدرين ماليا ) .

تنسيق الفكرة ؟

اعتقد سهل التنسيق تتصل بنادي الهلال ( اذا كنت ماتعرفه تطلبه من الدليل ) واذا عطاك الرقم ورد عليك سكرتير النادي تقوله عطني تحويلة ( العلاقات العامة ) وان شاء الله ماراح يقصرون معآك . >> هذا الكلام للمشجع المقتدر ( اللي يقدر يتكفل بالفكرة ) لاكن اعضاء الشرف او مجلس الجمهور الهلالي او ادارة النادي ( اكيد انهم يعرفون ارقام مجلس الجمهور الهلالي في جميع المناطق ( الشرقية و القصيم والغربية ) . واعتقد اللي يبي يسوي الشي بيقدر يسويه اذا كان مصر وعازم انه يسويه اما الي بيتعذر ( هذا اسمحولي ماعنده سالفة ) .

والمسآلة ماهي صعبة ولا اعتقد انها مكلفة على مجلس الجمهور ( اللي من وجهة نظري الى الآن لم يقدم المستوى المآمول منه ) او من اعضاء شرفنا الكرآآآآآآآم او من ادراة شبيه الريح .

واعتقد مجلس الجمهور الهلالي في المنطقة الشرقية ومجلس الجمهور الهلالي في الخرج ان ماعندهم مانع واخص بالذكر الاثنين هؤلاء لأنهم هم ( الانشط ) .

ياشباب المباراة هامة هامة هامة لنزف زعيمنا الى نهائي اولى بطولات الموسم ولكي تنفتح الشهية للبطولات ولأسباب عديدة فآرجوكم الحضور الحضور .

هذا ان كنتم تحبون الزعيم

وانا والله من الرياض وسآحضر المباراة انا وخويي ان شاء الله .

رغم انه علينا اختبارات يوم السبت ( حالي كحال باقي الطلاب ) ولاكن حضوري لايعني انني ( فاشل بالدراسة ) لا والله ولاكن حب الزعيم والله الشاهد بكلامي .

وان شاء الله سآحضر المباراة وسيتآهل الزعيم للنهائي و ( بجيب 30 من 30 في الرياضيات ) >> تبطي

على العموم اتمنى الفكرة وصلت لـ الادارة او اعضاء الشرف او مجلس الجمهور الهلالي بقيادة الداعم الاول له ( احمد العجلان ) ولاكن يد وحدة ماتصفق .
او مثل ماقلت حتى اي مشجع يقدر يتكفل بالباصات ( اذا كانت قدرته المالية ممتازة ) ينسق مع مجلس الجمهور واكيد بتلقى الفكرة النجاح . > بمشيئة الله <

وآسف آشد الاسف على ( لخبطة الموضوع ) لاكن حب الزعيم ومايفعل

>> في الصميم <<

تبون البطولة احضروا !!

الله يوفقكم كلكم ( كلن حسب شآنه ) ..!!

تقبلوا تقديري ومودتي

دمتم في حفظ الرحمن ..